# Pathianni hmasa Ramthar ip lakkhawmah ip 229 tlain ` 24170 lai mai hmuh a ni a, kan mamawh chu ` 830 in kan tlin lo deuh nain vawiin lam dawh chhunzawmah hi chuan kan tlin ngei a beiseiawm a ni.
# Tukin hi Pathianram Ip lakkhawm hun a lo ni leh ta e.
# Pathianni hmasa a Rethei pual thilpek kan lakkhawm kha ` 1154 lai a ni e.
BIAL S.S. SECRETARY
Bial Sunday School Secretary T.Upa C.Zoramchhana chuan vawiin Sunday School Puitling lamah hun a rawn hmang anga, S.S banah NPSS leh PTSS Zirtirtu Training min ho dawn a ni.
CHAWNGHEI T.T. KHA
Pathianni hmasa khan member hla, Biak In thleng phalote pual khan Chawngheia Tawngtaina neih a ni ta a, he hunah hian mi 10 chiah an kala, mahse a kal chhunte an hlawk tlangin hei hian rah duhawm tak a chhuah ngei a beiseiawm hle.
SEAT REM TUR
Naktuk zana Kahrawt Branch nena kan hun hmanna tur vel singsain naktuk zingah hian Branch Committee member te Sunday School Hall-ah hnatlan tur a ni e.
BIBLE EXAM KHA
Bible Exam paper kan lakchhuah kha Dt. 18.7.2011 hma ngeiin Evan. Secy hnenah thehluh tur a ni.
KAHRAWT BRANCH IN MIN RAWN TLAWH DAWN
Kanan Br. K.T.P - Dt. 10.7.2011 : Kan lo sawi lawk fo tawh thin chu a hun a thleng tak tak dawn ta.
Naktuk zan hian Kahrawt Branch K.T.P chuan kan Branch min rawn tlawh dawn a, Kahrawt lam pawh an phur tlang khawp mai. Champhai Joint K.T.P in intlawh tawn tura Branch tinte min ngen angin he hun hi kan hmang ho dawn a, a lawmawm hle a ni.
Kahrawt Branch nen hian kan Bial kan indan atanga kan rawngbawlhona hmasa ber tur a ni a, member te pawhin kan ngaihhlut thiam a pawimawh a, tin, Pathian biakhona hun hlawkthlak leh hlimawm tak kan neih theih nan tawngtaina lamah i hre tlang bawk ang u. A hnuai ami ang hi Programme a ni e:
Hruaitu : Pu C.Liansanga
Tantu : Tv PC Lalrosiama, Comt. Member, Kahrawt Br.
Short Sermon : Pu Zothanglawra, Leader Kahrawt Br..
Branch Report & Introduction
Branch Secretary pahnih te atangin
Solo : 1. Tv Jerry Lalhmunmawia, Kahrawt
2. Nl Lalbiakfeli, Kanan
Group Zai : Kanan Branch K.T.P
Short Play : Hringlang Drama Club, Kahrawt
Dar rik hun pangngaiah dar a ri ang a, mahse Sunday School Hall lamah he hun hi kan hmang dawn a ni. Member te a hun taka tan thei tur leh tlai lo turin inbuatsaih ila, Biak In a nih dawn loh avangin boruak zalen lutuk lakah inveng bawk ila. Tin, bengchheng leh nungchang mawi lo leh zahawmlo a kan awm loh hram kan inbeisei bawk a ni.
PROGRAMME
June thla Inkhawm Hruaitu:
Upa Lalmaka
SUNDAY SCHOOL
Tantu : Pi Lalrinawmi
Zirlai : Zirlai 25 : Chhandamte nun
Chawhnu Inkhawm
Tantu : Pi R.Thanzuali
Thusawitu : T.Upa Hmingliana
Zan Inkhawm
Thusoitu : Upa Sangkhuma
TAWNGTAI INKHAWM
Hruaitu : Nl C.Lalrozami
He hunah hian Tawngtai chauhva hun hmang lovin zaihona hun hman tur a ni ang.
K.T.P INKHAWM
Kahrawt nen hun hman a ni ang
KOHHRAN HMEICHHIA
Hruaitu : Pi T.Thanpari
Tantu : Pi Hauthangi
Thusawitu : Pi C.Thanzuali
Chile ram tana tawngtai rualna hun hman a ni ang.
NPSS ZIRLAI
Beginner Department
Isuan tui Uain-ah a chantir
Primary Department
Isuan a thiante chaw a ei pui
Junior Department
Theipui rah thei lo tehkhin thu
Intermediate Department
Paula pianthar thu
Sacrament Department
Ringtute tih tur leh Hun hnuhnung chungchang
Senior Department
Piantharna
BALHLA TUK TUR TE:
July thla chhung Ramthar huan Balhla tuk turte:
1. Pu C.Liansanga (Leader)
2. Pu T.Zaithantluanga
3. Pu K.Lianthanga
4. Pu V. Rokhuma
5. Pu K.Lalengzauva
Editorial..........
RINGTU NUN ADJUST
Khawvel hmasawnna hrang hrang hi dan rual lohin a kal muah muah reng a. Technology, Sum leh pai, Zalenna(Rights) addl.. te chu kan vel leh kan chhungkua leh keimahniah ngei hian chak takin a thang a. Hetihlaia Ringtute kan in Adjust thiam zel hi ava pawimawh tak em!!!
Rualawh lutuk avanga kan Rin, Krista phatsan mai te, ‘Right’ kan tih fo hmanga mi rilru tihnat vawng vawngte leh kan thilneih changkang tak hmanga kan Rinna phatsan te hi a hlauhawm tak zet a, heng te zingah hian in Adjust thiam hi a pawimawh takzet a ni, kan kal bosan thei chuang silova.....
KRISMAS LAM
Section tin hmalakna a kal mek a. Section thenkhatah chuan Collector ten bial an fang ngawrh tan tawh khawp mai. Chutih laiin Section thenkhat erawh chu an la reh hle thung. Issue leh lamah hmalakna kimchang deuh rawn tarlan kan tum dawn nia.
JAIL LAMAH BAWK
Kar hmasa, hmasa leh lamah khan Champhai Gospel Singer te leh kan Secretary Pu B.Rosangzuala te chuan District Jail, Champhaiah rawngbawlna an zuk nei a. Jail tang te’n an hlawkpui hle. Tichuan, an sawmna angin tunkar kalta lamah khan kan Secretary hian (Gospel singer te tel tawh lovin) rawngbawlna a zuk nei chhunzawm leh a, Jail tang te’n Thlarau Thianghlim pawlna an chang thar hlawm a, a lawmawm takzet a ni.
GROUP NEWS
# Special Group ten Special takin Group Budget ` 4000 chu an pe fel ve ta a, ` 1000 laiin an khum thei. Group dangin ` 6000 an budget laiin anni Group hi chu member an tlem deuh avangin ` 4000 an budget a ni.
# Group dang erawh chu an reh vawng vawng mai a ni ... Nl Engkimi te hmalakna hriat a chakawm tawh hle mai....
BIAL FAN
Bial O.B. leh Bial Zaipawlte chuan Pathianni lehah khian Bial Fan Programme Dinthar Kohhran-ah an chhunzawm leh dawn a ni.
KOH. HMEICHHIA
Central Kohhran Hmeichhia ten Tawngtai Bethel Camping Centre-a CYMA in Ruihhlo ngaite leh rahbi tleute puala camping a buatsaih mek tanpui nan ` 20,000/- an hlan.
Gospel Singer, Pathian fakna hla chauh sa thin, ruah tham loh Fakna Hla duh leh mamawh chuan Mob. 9862087369 -ah a ngaihven theih reng e...
# MHIP te chuan an inhmun chu MHIP Day-ah hnatlangin an lai tha a, an la zawh loh te chu Zirtawp ni khan an lai chhunzawm leh.
I KHAWVEL
Chanchintha Dak
[Source: I ni min pek hi – Rev. Zairema [L]
“Indopui(II) a lo reh ta a, sumdawngho pawh Pawih ramah te an han sumdawng a, Indopui chhungin Pawih ram chu an lo chau hle a, Kohhran lamah pawh an baihvai em em. Chanchin Tha hril tura han kal Champhai mi pakhat Robuanga rilru a khawih hle a, Bible an nei lova, hla bu an nei lo, lehkhabu dang pawh an nei lo. Bible pek a tum ta a. Aizawlah a lo kal a, a zo tawk awm pawisain Bookroom atangin a lei a, a han sem a.
Pawisa a neih loh hnu chuan Pu Lloyd-a hnenah bat a rawn dil a, hmelhriat vakloh a ni a, phur khat chu a hawn leh a, Champhai Kohhran an tanga, an sikul headmaster Pu Vanlallawma ten tan an chhuah a, tam fe chu an lei thei a. Robuanga hian kein a thiar thin. Lehkhabu an mamawhzia Mizoramin an hriatin lehkhabu an neih ang ang an pe khawm a, Mahse engtin nge Champhai a thlen chhoh theih ang tih chu an buaipui hle a, hlawhfa ruaiin bawng puak phurte pawh hmang ila, an hlawh tur an nei si lo.
Robuanga thil tih chu YMA hmalakna tur a ni dawn lawmni an ti a. Mitthi zawn angin khaw tin inhlan chhawngin, a kal man sen ngai lovin eng emaw zat tal chu Champhai thawn thlen theih an inbeisei a. A hmingah ‘CHANCHINTHA DAK’ kan vuah ta a.
Khawthlang lam atangin thil pek eng emaw zat a lo thleng a, Aizawlah an lo ching fel a. Mission Veng Biak Inah tawngtaiin an thlah ta a. Zemabawk an han thlen a, Biak Inah an lo hmuak a, tawngtaiin an inthlah a, an haw leh ta a.
Mizoramah thu a thang chak hle a, an thil tih kha chung lama mi lawm zawng tak a ni ang chu, khawkhat maha bahlah lovin Champhai a thleng ta mai a. Thil pek a lo thleng tam deuhva, bawm ruk ang vel a thlen khawm hnuah an zawn chhuak leh thin a. Pakhat chu chhim lam kawt chhuah lamah a chhuak a, Vanlaiphai lamte tlawhin Champhai a thleng a.
A thleng chho tam hle tawh a, Mizoram chuan an lawm dan a puithu tial tial a. Israel-ten Pathian bawm an zawn kha a ang deuh ber. Damlote pawhin deka dam an inbeisei a, dam an awm bawk a. An sawi hrang hle bawk, lo tinawmnah deuh thi an awm thu te an sawi ta nual a, khawih thiang lo ang dawn dawna ngaite pawh an lo awm ta a, Synod chuan a titawp ta ringawt a ni.
PRAYER
REQUEST
# Kan veng chhungah hian Damlo hrang hrang an awm a, he chanchinbuah hi chuan kan tarlang vek seng lo. Tukin Chhung Inkhawm chu DAMLO te tan i tawngtai leh ang u.
# Kahrawt Branch -in min rawn tlawh dawn a, tin, Intuaitharna kan neih turte pawh hi Kohhran Chhungtin te’n min tawngtaipui teh u....
Missionary Retreat for North East Region
Ningai (July 7) atanga tan tawh Synod Mission Board bultuma Durtlang Kohhran Biak Ina Missionary Retreat for North East Region neih mek chu Vawiin hian zawh a ni ang. He Retreat thupuiah ‘Lawm chunga Lalpa rawngbawl’ tih an hman a ni a, Speaker atan Rev. Lalzuithanga, Executive Secretary hman a ni. Retreat chhung hian Bible Study - Philippi Lekhathawn neih thin a ni a, Rev. Z.D.Lalhmachhuanan a zirpui thin.
Kan Bialtu Pastor kalta Rev. PB Mankima chuan Pathianni zan Fellowship a hruai dawn a ni.(Nl Muantei pawh he Retreat-ah hian a tel ve a, Champhai lamah a rawn tlang chho hman mai thei.) Source- Synfo
SOLAR CITY
Ni zung chakna hmanga kawlphetha siamna khawpui (Solar City) atan Aizawl chu thlan a nih angin, tunah hian hmalak tan tumin Committee lian tak tak 2 din a ni a, International Council for Local Environment chu master plan siam tura tih a ni. Aizawl hi India ram khawpui 60 an thlan zingah a tel ve a ni. Hemi atan hian ` nuai 13.04 dawn a ni nghe nghe. Source-Buannel
KRISTIAN TAWNGTAINA
Somalia ram chhim lam, Mogadishu-ah kum 2 chhung ngawt mai ruah a sur tawh loh avangin mi maktaduaih 10 chuang chuan chenna leh eitur an nei tawh lova, hemi avangin hian mipui te an mangang tak zet tawh a ni. He harsatna sukiang tur hian Kristian-te tawngtaina an beisei a, an tana tawngtaina hlan tur hian Sakhaw hrang rhang hruaitute chu an intel khawm tan tawh a ni. Christian Today
No comments:
Post a Comment