THAWHLAWM....
# Pathianni hmasa Kohhran Hmeichhe missionary ip lakkhawmah ` 9300 lai hmuh a ni a, thla hmasa lam kan phak lo deuh.
# Tukin hi Ramthar ip lakkhawm hun a lo ni leh ta.
# Tin, vawiin chawhnu inkhawm hi Rethei pual thilpek lakkhawm hun kha a ni a, Health Sunday puala thilpek lakkhawm hun a ni bawk a. Kohhran Comt. in ruahmanna engtin nge an siam tih kan hre lo nain thilpek ken hrim hrim chu a sual lo e.
KAHRAWT LAM PROG
July 11, Thawhtan zanah khian Kahrawt Branch K.T.P te chuan min rawn tlawh dawn a, hun hlimawm leh hlawkthlak tak kan hman theih nan member te lo inbuatsaih lawk ila. Programme chu issue lehah kan rawn tarlang ang.
EVAN. CELL PROG.
Bible Exam Question paper chu peih fel a ni ta a, Nl Lalnunhlimi hnenah a lam theih ang. Tin, tukinah hian khawhar chhungte inah tawngtai tur a ni a, Biak Inah dar 7-ah a kal turte kim tur a ni e.
LAWMTHU...
Branch K.T.P chuan Meet hman liam takah khan Kohhran Comt. chungahte K.T.P Member, Kohhran Hmeichhia, Pavalai, Senior Deptt. naupang leh chhungkawtin chungah leh lawmthu sawina awm chi zawng zawngah lawmthu a sawi tak meuh meuh a ni e. Sd/- Secy.
INTUAITHARNA PROGRAMME
Kanan Br. K.T.P - Dt. 3.7.2011 : A chang chuan Ringtute hi kan chau thin a, mahni maiin kawng dik kan zawh thei thin lo, puitu kan ngai a, Siloam dil phuan lai remchanga in chiah hman ve te hi a ngai thin.
Kohhran Committee te chuan kum chanve Rawngbawltu ennawnna an nei a. Kohhrana Pathian rawngbawltute, a bik takin Sunday School zirtirtute Intuaitharna neih a tul hle in an hria a. Tichuan Sunday School puipate leh NPSS zirtirtu leh PTSS zirtirtu zawng zawngte tan INTUAITHARNA HUN a hnuai ami ang hian buatsaih a ni ta a ni. He hun hi Kohhran Committee chuan a ngaipawimawh hle a, harsatna lian tak a awm a nih loh chuan Zirtirtu zawng zawngte chu kal vek tura beisei a ni a, hming pawh lam a ni dawn a ni.
A hun : Dt. 8.7.2011(Zirtawp) dar 7:00 p.m
A hmun : Biak In
Chairman : Upa Chawngliana, Suptt.
Thusawitu : Rev. C.Thangthuama, Bialtu Pastor
Health Sunday & Hospital Sunday
Vawiin hi Health Sunday & Hospital Sunday (Damdawi In Pathianni) a ni a. Mizoram Presbyterian Kohhran chuan Hospital Sunday hi kum 1928 atang khan a hmang tan a, kum 1981 atang khan July Pathianni hmasa ber hi ni bik atan hman a ni ta a ni.
Kum 1985 Synod Inkhawmpui thu angin 1988 atang khan January Pathianni hnuhnung berah Phâr Pathianni (Leprosy Sunday) hman thin a ni a (Gen. 27). Kum 2004 Synod chuan phâr pual chauh ni lovin natna dangte pawh huamin ‘Health Sunday’ tiin a thlâk ta a (Gen. 3). Kum 2006 atang khân Health Sunday hi hman tan a ni.
Kumin 2011 hian Health Sunday pualin chawhnu hun hman a ni ang a, thilpek lak khawm a ni bawk ang. Thilpek chu Tualchhung Kohhranin damlo tanpui nan tha an tih angin an hmang ang. Zan hun chu Hospital Sunday puala hman a ni thung ang a, thilpek lak khawm a ni bawk ang. Thilpek chu Hospital Charity Fund atan a ni ang. Kumin Health Sunday & Hospital Sunday atan hetiang hian programme duan a ni:
HEALTH SUNDAY PUAL Thupui : Hrisel nan ei leh in
HOSPITAL SUNDAY PUAL Thupui : Nat tinrenga nâte a tidam
---------------------------------------------------------------------------------------------------------------------------------
KOHHRAN HMEICHHIA
July thla Buhfaitham semtu : Pi C.Thanzuali,
Pi C.Lianthangpuii
Electric Bill khawntu :
Pi Lalzuithangi,
Pi Lalkohthangi
THAWHLAWM KHAWNTU
Nl C.Lalhmangaihzuali
Nl V.Lalthlamuanpuii
Nl Malsawmdawngliani
Nl Vanlalchami.
NPSS Chawhnu zirtirtu inthlak a hun leh ta e.....
June thla Inkhawm Hruaitu:
Upa Lalmaka
SUNDAY SCHOOL
Tantu : Pi K.Biakmawii
Zirlai : Zirlai 23 : Huho chhandamna & 24 : Dam leh hriselna thu
Chawhnu Inkhawm
HEALTH SUNDAY
Tantu : Pi Thangseii
Thupui : Hrisel nan ei leh in
Sawitu : Upa Lalmaka
Zan Inkhawm
HOSPITAL SUNDAY
Thupui : Nat tinrenga nâte a tidam
Sawitu :Upa Thangchhingpuia
tawngtai inkhawm
Hruaitu : Zaipawl Conductor-te
K.T.P INKHAWM
Hruaitu : Pu H.Lalthantluanga
Tantu : Nl Tabith Lalzarmawii
Report : Finance Report
KOHHRAN HMEICHHIA
Hruaitu : Pu PC Lalrinthangi
Tantu : Pi Lalramnghaki
Thusawitu : Pi Khuangthangi
NPSS ZIRLAI
Beginner Department
Stephana & Paula
Primary Department
Isuan thlipui a hau reh & Isua Jerusalem-ah ropui takin a lut
Junior Department
Isua tui chungah a kal & Isuan thihna a hlau lo
Intermediate Department
Saddukai-te & Pharisai-te
Sacrament Department
Mihring leh Thlarau Thianghlim chungchang Thurin & Chhandamna leh Sacrament chungchang
Senior Department
Thihnain sual a hneh & Chawimawiin a awm
------------------------------------------------------------------------------------------------
Editorial..........
fimkhur phawt ang
Biak In thuthleng te chu Varnish hnawih that a ni a, lamtual te rawng hnawih a ni a, Maicham carpet thlak a ni bawk. Tin, bench thenkhat chu rawng mawi tak hnawih a ni bawk.Heng zawng zawng te hi a enkawltu chu Biak Ina kal thin te hi kan ni vek mai. Kan dim thiam tlan hi a pawimawh a, thut paha varnish leh rawng khawk thei zawnga kan awm loh hram a pawi mawh thin a ni. Chei thar hi a harsa thin si a, i dim tlang hram hram ang u.
PRAYER
REQUEST
# Tukin chhung Inkhawm chu K.T.P member, Biak In lama lang ngai lo, ruihtheih thilin ala awm tlei te i tawngtaisak ang u.
# K.T.P ten kan hmaah tih tur hrang hrang kan la nei a, heng zawng zawng hi Pathian ropui nana hlen chhuah a niha, mite tana malsawmna a nih theih nan i tawngtai ang u.
-------------------------------------------------------------------------------------------------
Tunlai chu khua a chhe lutuk a, Group tan pawh hmalak a har aniang, chanchin thar an nei lo
tlat mai.
-------------------------------------------------------------------------------------------------
K.T.P INTUAITHARNA
Dt. 21 & 22 July hian K.T.P Member intuaitharna neih tur a ni a. Zan khatnaah hian Variety Programme hman a ni ang a, ‘Duhsakna Inhlantawnna’ hman a ni ang. Tin, zan hnihnaah hian Pu Hranghluna chu Speaker atan rawih a ni ang a, ‘Malsawmna chibai inbuk tawnna’ hman a ni ang. Programme hetiangin:Zan Khatna
Chairman : Pu Raldokhuma
Tantu : Nl Lalmuanpuii
Duhsakna Inhlantawnna
Hun hmangtu : Pu K.Lalbiakhlira, Asst. Leader
Group Recitation : Committee member hmeichhia te atangin
Special Item : Group tin atangin pakhat theuh
Worship dance : Presby. Meet a mi kha.
Zan Hnihna
Chairman : Pu C.Vanlallawma, Fin. Secretary
Tantu : Nl Zamthanmawii
Thusawi : Pu C.Hranghluna, Speaker
Malsawmna chibai inbuk tawnna
Hu hmangtu : Chairman
Solo : Pu C.Lalawmpuia
------------------------------------------------------------------------------
CHAWNGHEI TAWNGTAI(Vawiin tlai)
Central K.T.P in Biak In thleng phaklo te tan Chawngeia Tawngtai dan tur ruahmanna a rawn duang a. Ruahmanna ang chuan Dt. 11.7.2011 a tawngtai tur a ni a, mahse Kahrawtin min rawn tlawh dawn avangin sawn hma a ni a, vawiin tlaiah hian K.T.P member te Chawngheia tawngtai tur a ni.
Chawhnu Inkhawm banah tumah haw lovin tawngtai nghal tur a ni ang. A hmun atan Biak In a ni ang a, Chairman-ah Pu C.Liansanga, Leader a ni ang. He hunah hian thilpek(pawisa) ken khawm tur a ni a, chu chu Central K.T.P in hmeichhe humsual daite puala camping a buatsaih tur tanpui nan pek tur a ni bawk ang. Vawiin tlai tawngtai tur avang hian Evangelical Cell Programme chu zing lamah sawn a ni.
--------------------------------------------------------------------------------
siamtu thilsiam mak chu.............
Insect te tak te te zinga chi khat, Micronecta scholtzi chuan a chithlahna a dula a nawh hmanga ri ring tak a siam theih avangin, 'the loudest animal on the planet' an ti thlawt!
He rannung, 2mm chauh a sei hi Boffins-ten an record dan chuan 99.2 decibels zeta ringin ri a siam thei a, chumi awmzia chu ropui taka orchestra ngaihthlak a, a tlar hmasa lama thu ten ri ring taka an ngaihthlak zat vel anga ring a nih chu. He rannung tereuhte, Europe khawmualpui bawr vela freshwater insect an tih hian - hla taka awm a kawppui tur hip nan, a chithlahna chu a pum-ah nawtin chu mi chuan ri ring tak a siam a. (hemi process hi stridulation an ti)
Journal, PLoS One-a chhuak ah chuan tuihnuaia hman tur chi-a duan microphones hmangin record an tum a. Heta an hmuhchhuah chu, average a lakin ri hian 78.9 decibels a thleng a ni. University of Strathclyde, Glasgow-a an Engineering expert, Dr James Windmill chuan: "Mak kan ti zawk a, ri rawn chhuahna kan hriat phei hi chuan kan sound record-na te hi rinhlelh rum rum mai a awl. Vawi tam tak a record dik nge dik lo tiin kan ti nawn tlut tlut a ni. A ri hi a ring em em a, lui mawnga awm chung paw'n ri rawn chhuah se, kawnga kalte pawn an hre ral ral thei a ni" a ti.
Blue whale hian 188 dB thlenga ringin ri an chhuah (hram) thei a, sai in 117 dB - mahse size atanga han khaikhin chuan he rannung te tak te Micronecta scholtzi (tiny boatman an tih mai bawk) te hi he leia rannung hram ring ber/bengchheng ber an ni.
A chithlahna 50 micrometres leka sei - a vang (width) mihring sam ang vel chauhin a chutiang ri ring a siam thei chu a makna lai tak pakhat a ni. Technologically-in hmalam hunah hriatna leh thiamna tharlam hmuhchhuah ngei an inbeiseia, hetianga rannung tereuhte in ri ring tak a siam thei hi nakin hun zela ultrasonic sound system atan a zirchian tlakin a tangkai hle dawn niin an sawi bawk.(Source...Lawrkhawm)
---------------------------------------------------------------------------------------------
TAIWAN LAMAH
Mizoram Synod Choir member te chuan ‘I Love Taiwan Mission 2011’ tih programme a hmangin Taiwan-ah an kal ta. Tunah hian rawngbawlna hrang hrang an nei mek a ni.
BRANCH DANG TLAWH
Champhai Joint K.T.P in an huam chhunga Branch te intlawh tawn tura min ngen angin kan Branch chuan Tlangsam Branch K.T.P tlawh nise tiin a rel a, indawr tawnna kal tir mek a ni. A rem thei dawn a nih chuan Programme pawh la duan chhoh zel tur a ni ang.
--------------------------------------------------------------------------------------------
chanchinbu man hi....
Isuue vawi khatah hian ` 300 vel kan seng tlangpui a, chuvang chuan aman lut tha mahse sum indaih a har em em a, tlawm ngaia issue khat chauh emaw te donate thei kan awm chuan a lawmawm thin khawp ang.----------------------------------------------------------------------------------------------
Meet inbuatsaih lai vel khan hnatlang zingah Ara(handsaw) a fawng sen lo hawn palh kan awm chuan khawngaiha Sacrament room-a lo dah leh tura ngen kan ni e. Biak Ina hnathawk te ta a ni a, hna tan a nih leh dawn tawh avangin an mamawh hle a ni.
----------------------------------------------------------------------------------------------
# Ngaite keini chu inphatsan tawh lovang aw, a ruala tih kan tum dawn nia.
-Nl B.Lalrithangi...
