KTP AW..ISSUE 32 (Dt. 18.9.2011)

PAGE-I

THAWHLAWM.... 

# Tukin hi K.T.P Faith Promise lakkhawm hun a lo ni leh ta a, member te lo inring lawk leh ila, hmasawn theuh tum thei ila a duhawm hle. Kumin chhunga pek tur pe tlak tawh pawhin ala pek theih zel e.

# Pathianni hmasa Pathianram ip dawh vawi khatnaah ip 250 tlain hetiang hi sum hmuh dan a ni.

       Pathianram 73860;       Ramthar 41367;       Tualchhung 56115;       Biak In;   71080;       Total 242422  

Pathianram ip hi vawiin lamah dawh chhunzawm leh a ni ang.

# Tun thla chhunga Ramthar ip lakkhawmah ip 274 tlain  ` 26985 lai hmuh a ni.

THING LO THLENG

Kohhran Hmeichhe Pangpar huan dawlna tur thing a lo thleng leh ta a, tunah Sunday School Hall kawtah dah a ni a. Khawthat hun remchang hmasaah Kohhran Hmeichhhe Commt. te’n hnatlanga dahthat tur a ni ang.

# Section tin Krismas leh Kumthar Committee lam hmalakna hriat a chakawm leh tawh khawp mai.... kan reh rei leh vung vung tawh hle.

----------------------------------------------------------------------

Enkawltute lam damlohna leh indaihlohna avangin THUHRILTU chanchinbu chu a chhuak thei thin lova, a rang lama tihchhuah thuai tum a ni e....

----------------------------------------------------------------------

SENIOR DEPARTMENT INKHAWMPUI VAWI 8-NA

(Chhungte Kohhran Biak Inah)

Kanan Br. K.T.P - Dt. 18.9.2011 :  

Vawiin Chawhma, Chawhnu leh Zan Inkhawm hmang hian Chhungte Kohhranah Bial Senior Department Inkhawmpui vawi 8-na chu hman a ni dawn ta. ‘Kristian nun-Sawrkar lam’ tih leh Quiz, an Zirlai bu 1-33 hmangin Intihsiakna neih a ni ang. Senior Department Inkhawmpuiah hian Bial chhung Kohhran hrangte kan inzat loh deuh thin avangin kum dangah chuan Senior Department a tel tur hi an kim lo thin a, Kohhran thenkhat chu Senior Department zirlai nei thei lo an awm thin. Mahse kumin chu Kohhran hrang hrang Senior Department te an tel kim thei dawn a, a lawmawm hle. 

He Inkhawmpuiah hian Pathianni chawhma Inkhawm leh zan Inkhawmah te thilpek lakkhawm a ni ang a. Puipa turte heng mite hi an ni:

Chairman : Pu B.Rosangzuala, Kanan

Secretary : Pu Lalpianpuia, Tuipui

Treasurer : Pu Lalhmuliana, Salem

----------------------------------------------------------------------

SENIOR DEPARTMENT INKHAWMPUI PROG.

18th September, 2011

PATHIANNI ZING

Chair : Pu B.Rosangzuala, Chairman

Tantu : Nl F.Lalnunhlimi, Kanan

Intihsiakna : Kristian nun-Sawrkar lam

Special Item

Quartette : Chhungte Kohhran

Solo : 1) Lalrinpuia, Salem

         2) Rebecca Lalngaihawmi, Dinthar

Group zai : Kanan Kohhran

PATHIANNI CHAWHNU

Chair : Pu B.Rosangzuala, Chairman

Tantu : Nl R.Lalmuanpuii, Dinthar

Intihsiakna : Quiz

Senior Deptt. zirlai 1 - 33

Quiz master : T.Upa C.Zoramchhana, Bial S.S. Secy

Special Item

Recitation : Lallianmawii, Dt.

PATHIANNI ZAN

Chair    : Pu B.Rosangzuala, Chairman

Thusawitu  :    Upa C.Thangchhunga, Bial Secy(Jr)

Zaipawl   :     Kanan Senior Deptt

Result puan : Secretary

Lawmman sem

Semtu   : Upa Lalhmangaiha, Bial Chaiman

FELLOWSHIP

(Pathianni tlai)

Hruaitu :        T.Upa RL Hmingthanzaua, Chhungte

Tantu : Lalngaihawmi, Chhungte

Solo        :        C. Lalrinawmi, Kanan

Male Voice : Chhungte 

----------------------------------------------------------------------

THLA TAWP COMT.

Tunkar ni 23(Zirtawp zan)-ah khian Kohhran Hmeichhiate thlatawp Committee neih leh tur a ni e. Member te’n lo hria ila.

----------------------------------------------------------------------

CHHUNG THEI TEP

Biak In bathlar, S.S. Hall chung siamthat hna chu kalpui zel a ni a, tunah hian rod an ram zo thawkhat a, chhun theihin an peihfel thawkhat ta.

----------------------------------------------------------------------

VAWIIN LAM PROGRAMME 

SUNDAY SCHOOL

Tantu : Pi Lalramngaii

Zirlai : Zirlai  : 35- Chhandamte leh intodelhna

K.T.P FELLOWSHIP

Hruaitu : Pu C.Lalawmpuia

Tantu : Pu Lalrammawia

Short Sermon

Sawitu : Tv Lalchungnunga

Faith Promise hlanna leh tawngtaihona neih a ni ang.

NPSS ZIRLAI

Beginner Department

Isuan zeng a tidam

Primary Department

Petera’ keibai a tidam

Junior Department

Appolova

Intermediate Department

William Carey-a

Sacrament Department

Kawppui zawn dan

----------------------------------------------------------------------

IKHAWMHO TUR

Vawiin Chawhnu Inkhawmah hian Intermediate Department leh Sacrament Department te inkhawm ho leh tur a ni a, Inkhawmpui thlirletna neih tur a ni ang.

RESULT

Pathianni hmasa khan Dinthar Kohhranah Sunday School Inkhawmpui vawi 8-na chu tluang taka neih zawh a ni ta a, chuta Department hrang hrang Intihsiakna result chu hetiang hi a ni:

1st - Junior Department

2nd - Primary Department

3rd - Inter/Sac Dept.

4th - Beginner Department

Kan Bial chhunga Kohhran member te kan inzat lo hlawm deuh thin a, Kohhran thenkhata Inter/Sac Dept. phei chu Zaipawlah a part kima sa thei lo te pawh an awm. Chuvang chuan Kohhran mala inel lovin, Department wise-a intihsiakna buatsaih a ni thin hi a zawng- chhang thlak hle a ni.

----------------------------------------------------------------------

----------------------------------------------------------------------

PAGE-II

Editorial..........

BEIRUAL HLAWK THLAK

Kumin Beirual thupui kan zirho chu kum dang zawng aiin kan Kohhran chuan kan tuipui emaw tih tur a ni a, sawiho tur sawi kan awm nual thin a, a lawmawm thin hle.

Kar kalta khan Kohhran thurin kan zir a, hei hi kan tuipuiin kan hlawk tlang hle niin a lang bawk. Kumin a hetiang zirlai an rawn chhawpchhuak hrim hrim hi a lawmawm a, kan Kohhran hian ka lo mamawh hle a ni tih a lang. A bik takin Kohhran Thurin phei chu kan mamawh zual hle niin a hriat a, nakum lamah te hian zir turin rawn chhawpchhuak leh se la, a duhthusam hle ang. 

Tin, kan hmaa Kristian Chhungkaw hapta kan la hman tur pawh hi a chakawm tawh khawp mai... 

----------------------------------------------------------------------

DOWNLOAD THEIH

Bial Zaipawl te Music video hmasa ber chu youtube atangin a download theih ta. Youtube i hawn hnuah ‘lung min len’ tih chu i chhu ang a, tichuan a lo in hawng ang a, a url i copy zawhah youtube downloader -ah i paste ang a tichuan... a ni mai....

CHHUNGKAW TANA CHHE BER RAM

Zirchianna tihchhuah hnuhnun berah Europe ram hrang hrang 27 an zirchianna atanga Chhungkaw dinna tur atana ram chhe ber te chu :

1st - Romania

2nd - Bulgaria

3rd - England/Britain

Heng ram zingah hian Britain chu Europe ram zingah Pawisa an buaipui ber a, hna an thawk nasa lutuk leh an chetvel sang lutuk avangin naupang rawn thang chho tur tan ram tha a ni hlawl lo an ti a. Hetih lai hian Unicef in zirchianna an neihah Britain naupangte chuan Nu leh Pa an thlahlel ber a, Chhungkuaa hlim taka awm chu nuam an ti ber a ni.

source : christian today.com

RETHEI BAWK

Source: www.economist.com

Economist.com hovin India State hrang hrang an khai khinna-ah Mizoram hi State rethei ber pathumna niin kan hnuaiah Sikkim leh Andaman & Nicobar Islands te an awm a. Indepent country ni ta ila Africa-a Liberia ram nen kan economy a in ang vel ang a (2008 figures), kan GDP(Gross Domestic Product) chu $0.8 billion vel a ni ang. Hetiang zawnga chhut chuan India ramah Maharastra a hausa ber a, independent ram chu nise Singapore ang vela hausa a ni thung ang an ti a nih chu.

----------------------------------------------------------------------

TUNKAR BEIRUAL PROGRAMME

Dt. 18.9.2011(Pathianni chawhnu)

Chairman : Upa Hrangkhuma

Tantu : Pi Thalmeni

Thupui : Ringtute tih tur I-na

Sawitu : Upa Lalmaka

Dt. 18.9.2011 (Pathianni zan)

Chairman : Upa Hrangkhuma

Thupui : Ringtute tih tur -II-na

Sawitu : T.Upa C.Lalbiakmawia

Dt. 19.8.2011 (Thawhtan zan)

Chairman : T.Upa F.Vanlalrosanga

Tantu : Pi Tingdimi

Thupui : Thlarau thianghlim leh a hnathawh

Hawngtu : Pu C.Vanlallawma

Dt. 20.9.2011 (Thawhleh zan)

Chairman : T.Upa GLK Thanga

Tantu : Pi Zakungi

Thupui : Krista din chhuah Sacrament te

Hawngtu : Pu Vanrambeiseia

Dt. 21.9.2011 (Nilai zan)

Chairman : Upa Dengrikhuma

Tantu : Pi Biakkhumi

Thupui : Kristian chhungkua

Hawngtu : Pu T.Lalrotawna

Dt. 22.9.2011 (Ninga zan)

Chairman : Upa H.Sangkhuma

Tantu : Pi Khuangthangi

Thupui : Chhungkaw Maicham

Hawngtu : Pi Vanramthari

Dt. 23.9.1011(Zirtawp zan)

Chairman : Upa Chawngliana

Tantu : Pi K.Vanlalengi

Thupui, : Naupang ngaihpawimawh

Hawngtu : Pi T.Thanpari

Dt. 24.9.2011 (Inrinni zan)

Chairman : Pastor/Upa Hrangkhuma

Tantu : Pi Tinkhawtingi

Thupui : Nupui pasal zawn dan

Hawngtu : Pu Raldokhuma

----------------------------------------------------------------------

I KHAWVEL

EQUINOX.....

Sept. 23(Zirtawp) hi Equinox a ni a, he hunah hian chhun leh zan a inchen chiah dawn a ni. He hunah hian Ni chu Equator chungzawnah ngil takin a awm dawn a ni. Equinox hi kan lei (earth)-ah hian kum tin vawi hnih, March 21 leh Sept. 23 -ah te a awm thin a, planet dangah erawh chuan a dang hle thung. Saturn angah te chuan kum 14 danah an nei ve chauh a ni. Kan lei axis hi 23.44 degrees a awn chungin Ni a hel a, tichuan, he hunah hian North Pole leh South Pole te chu darkar 24 chhung zan hun an hmang ve thung ang a, tin, darkar 24 chhung vek chhun hun an hmang bawk ang.

----------------------------------------------------------------------

Vawiin Khawchin... Vawiinah chuan khua a chhiat loh pawhin a tha ang. Chhum a lan loh chuan Ni a sa ang...Pu John-a’n a ti.......

======================================

RIH DIL LAM PANG A NI E.....

Dt. 3.9.2011(Inrinni) khan thianho/chhungkaw picnic RIH DIL lamah kan nei a, a nuam ve khawp mai.....

Nikhuain a zir bawk a, hmuh a nuam khawp mai....

Naupang hoin nuam an ti hle a, ei tur a tam a, tui an cheng thei bawk a, nuam an ti hle a ni.....

Pi Teruati ho in a thuk lo laiah an pawr ve khawp mai....

Rin aiin lan sek a awl khawp mai.... Hnung lam a mi hi he mi ni hian nuam a tih loh hmel ber mai..he ti hian a thu reng zel mai a ni.

He pa hi chu hla deuh atanga lak pawhin a lang lian tho tho a ni....Rih dil hi zim a tih hmel khawp mai....

Uvana hi hemi ni hian zu a in lo, Beer pawh a in lo, tuiah hian hlauh a nei a ni chuang lo, a posi hi a mawi lo ve hrim hrim

A posi hi sawi dan pawh ka thiam loveeee.....UKHUMA  a ni tih hi sawi mai ang. Mahse in rilru tur chu ka hre mai....

Heng ho hi kan ni e, pawisa tam tak seng ral a, han intihlim vel chuuuuu....Mahse kan hlim teh a nia...

Man-hunt a alo tel ve lo hi chu a pawi a ni.....
Thlalak dang tam mahse duhtawk mai teh ang...kan ruak tawlh tawlh mai a, uvana mawng a lang palh ang.

K.T.P AW(Dt. 4.9.2011)

1ST PAGE

THAWHLAWM.... 

# Pathianni hmasa Kohhran Hmeichhia Missionary ip lakkhawmah `10010 lai hmuh a ni.
# Tukin hi Ramthar ip lakkhawm hun a lo ni leh ta. Thla hmasaa Ramthar ipa kan pek kha ` 10 talin khum thei zel ila, hmasawn i tum zel ang u.

VESTRY KAWT SIAMTHA ANG

Kohhran Biak In chei that mekah Vestry kawt slab chu rod awmna thleng kerin a hranpain slab chhun leh tura buatsaih mek a ni. Ruah far a ziaawm tawh tura ngaih a ni a, a rinawm hle tawh bawk tura ngaih a ni bawk.

TAWNGTAI RUAL THIN

Ninga zan atang khan Kristian Chhungkaw Committee hmalaknain Inkhawm ban apiangah kan hmaa Kohhran in Camping kan neih tur pual in tawngtai rualna neih thin a ni a, kal an tha thei hle.

PASTOR BIAL FAN

Vawiin Chawhnu leh Zan hun hmang hian kan Kohhranah Pastor Bial fan Programme hman a ni ang a. Chawhnu Inkhawmah hian Sacrament pahnih; Baptisma leh Lalpa Zanriah Sacrament buatsaih a ni ang. Nausen Baptist tur nei te chuan Kohhran Secretary Upa Sangkhuma (ph. 9862725771) hnenah a rang lama inhriattir ngei tur a ni.

# Nilaini kaltaa Ramthar huana hnatlang neihah khan mi 8 vel an thawk chhuak.

---------------------------------------------------------------------------

BEIRUAL BORUAK A NUAM DAWN E

Kanan Br. K.T.P - Dt. 4.9.2011 :  

Ninga zanah khan Mizoram Presbyterian Kohhran chuan Beirual kan tana, chumi ruala kan Kohhran-in Beirual hun kan tan ve kha a lawmawm hle a ni. He atan zanah hian Biak In khatin kan inkhawm a, kan hlimin a nuam hle. Beirual hawngtu kan Pastor pawh a inbuatsaih that zia a lang a, ngaihthlak a nuam khawp mai.

Kan Kohhran chuan Beirual hun hi hlawk thlak zawka kan hman theih nan ruahmanna fel tak a siam a. Beirual thla chhunga Inkhawm kimte hnenah lawmman tha tak siam a tum a ni. He Beirual thla chhunga Kohhran pawimawhna avanga Kohhran danga Inkhawm te chu kal kim anga chhiar tho tur a ni a, tin, kum 14 a chin chung lam, kal kim te tan lawmman hi siam a ni ang.

---------------------------------------------------------------------------

BEIRUAL HMAN TAN DAN

(Beirual kan hmang chho tan dawn ta. Beirual hman tan a nih dan leh Beirual hmasa ber hlawk zia chu a ngaihnawm khawp mai..han chhiar teh le)

Kum 1894-ah Chanchintha kan dawng a, kum 1906-ah Harhna tum khatna a lo chhuak a,  a tum hnihna pawh  kum 1913 ah a lo chhuak leh a, ringtu an  pung hle. Mahse    hun engemaw chen hnuah harhna chu a lo reh a, Kohhran a lo nguiin a lo chaklo leh ta, rinna kawnga an la ngheh tawk loh avangin han ban leh puk puk te a awm a, khawvel miten nuihzatin “Pathian thu awih leh aichhia chuan thal an hua a nia” an ti thin. Mahse,  mi engemawzat rinnaa mi nghet leh rinawm an awm  a, phurna hloh mahse thahnemngaihna hloh lovin an thawk zel a.  He Harhna hnua Kohhran han ngui leh chuan mi tam tak hnungtawlhna leh zuaina a siam mai bakah, thawhlawm pawhin a tuar nghal a, 1917-a Tirhkoh tirh chhuah 7 chu thawhlawmin a daih loh avangin an hlawh bi cheng 10 chu cheng 8/- a tihhniam a ni a. Tichuan ringtute intihchak tawnna leh ringlote beihna chu hnapuia neih an duh ta a ni.

Hetih lai hian Mizoram Hmar chan  pum pui hi Khasi Synod hnuaiah Presbytery pakhat  kan ni a,  kum khatah vawi hnih ( March & Oct ) Inkhawmpui  an nei thin a, March 15 - 18, 1918  Presbytery Inkhawmpui Aijal-a neih chuan hetiangin a rel a.

            “ Kristian Beihrual-na hi June, 1918 a hian lo awm tan turin kan ruat a. Thla chawhma lam chu mahni Kohhran ho tan a, in tih chak na tur leh in tih thianghlimna leh in tih ngah lawk na atan kan hmang theuh ang a, tin, thla chawhnu lam chu ringlo te tan a hman tur ani ang, mi hruai hram  turin. Tin, Kohhran tin in an thawh-zia dan theuh tur an ngaihtuah ang”. (Presby. 1918  No.10, Kristian Tlangau  May 1918  phek 94 )

Rev. Sandia pawhin hetiang hian hriattirna a chhuah a-

            “Hmar-Chan Presbytery thil-tih chhiar ilang-in, thil pawimawh em em an ruat a ni. Tun June thla chhung hian Hmarchan khaw-tin-ah Pathian Ram tizau turin leh Isua mi zawng zawng tithianghlim turin kan beirual ang. Hetiang-in tunlai-in India ram pumpui-ah an ti mek a ni. Malsawmna tam tak an hmu tawh a ni tiin beirual hman dan tur thu a chhuah a.” (Phek lehlamah chhunzawm a ni)

---------------------------------------------------------------------------

VAWIIN LAM PROGRAMME

SUNDAY SCHOOL

Tantu : Pi Vanlalsiami

Zirlai : Zirlai  : 33- Ram leh hnam chhandamna

K.T.P  FELLOWSHIP

Hruaitu : Tv C.Lalpekmawia

Tantu : Tv K.Zothansanga

Kumpuan thupui zirhona

Thupui hawngtu : Pu K.Lalengzauva

Bible Study : Pu C.Vanlallawma

NPSS ZIRLAI

Vawiin NPSS lam chu Inkhawmpui Inbuatsaihna neih tur a ni a. Mahni Department tinah a remchan dan anga neih tur a ni. Junior Department te chu Sacrament Department Room -ah Inkhawm tur a ni a, Sacrament Department leh Inter Department te chu S.S. Hall -ah Inkhawm ho tur a ni.

---------------------------------------------------------------------------

MUSIC VIDEO SIAM ZO

Nilaini khan Bial Zaipawl te chuan Music Video Shooting an nei zo ta. Kar leh lamah chuan a hmuh theih ngei tawh ang.

RECORDING ZO

Zirtawp zanah khan Branch Zaipawl te’n DDK Contract an neihah Hla 4(pali) Recording chu an zo ve ta bawk a, remchang veleh shooting an nei chhunzawm lehnghal ang. Recording hi Vestry-ah an nei thin a ni.

INNEI DAWN

Kan member pui Tv Laldenga leh Aizawl Bungkawn Vengthar nula, Nl Lalnunziri te chu kan Kohhran Biak Inah Dt. 9.9.2011(Zirtawp ni) Dar 12:00 noon khian an innei dawn. Innei turte kan lawmpui hle e

---------------------------------------------------------------------------

2ND PAGE

Editorial..........

UPA TE THUKHAWCHANG

Kum upa na-na-na chuan hriat an ngah a, thil tha leh tha lo te hi an ral hriat tawh lova, an experience ngei atanga an hriat a nih avangin a tak a, a hlu bik em em a ni. Thalai nun kaihruai a, an thil hriatte hmanga Kohhran leh Khawtlang nun siam tur pawh hian Upa deuh pakhat talin ROREL  a ho loh chuan thil tihsual palh a awl thin.

Kan tunlai nunah hian Thalai te hi Upa te thurawn la peih kan tam lo em em a. Kohhran kal zel turah pawh an thu rawn kan lak thin loh chuan kan tisual fo ang. An kum a lo tam tak avangin a tha lam thawh naah an thawh hlawk vak tawh loh avangin an inkiltawih thei, chuvang chuan rorelnaah pawh an duh ang leh tha an tih ang te sawi ngam lovin an ngawih bo pui mai mai thin a ni. Kan kal zel turah Upa te thukhawchang lak thiam hi a tul a, a fin thlak em em bawk a ni. 

Inkhawmnaa Kohhran Upa, upa lam deuhin min hruai a, thunawi a neih te hian nin mai loh tur a ni a, thu fing tak tak an sawi hi lo chhinchhiah thin ila a finthlak hle a ni.

---------------------------------------------------------------------------

THILPEK LAKHAWMTUTE

Nl JH Malsawmengi, Nl B.Lalrithangi, Nl Lalneihmawii, Nl Tabith Lalzarmawii

---------------------------------------------------------------------------

GROUP NEWS

# Upa Khawkunga Group te’n Book-mark siamin an hralh chhuak ta ur ur mai. A man hi a inang lo thluah a, ` 10 leh ` 20 man a ni tlangpui.

# Group dang chanchin erawh a reh leh ta khawp mai.

FELLOWSHIP

Beirual hun chho a nih avangin K.T.P te Pathianni tlaiah Fellowship thin tur a ni a, Fellowship naah hian Attendance lak tur a ni a, tin, thilpek pawh lakkhawm thin bawk tur a ni.

SYNOD FINANCE COMT.

Synod Finance committee vawi 97-na neih zawh taka kan Synod sum hmuh tawh zawng zawng chu ` 31,18,77,582 a ni a, budget pumpui atangin 43.19% hmu tawh ang kan ni a, a tam zawk la hmuh a ngai a ni. Nikum tun ang hunah khan ` 8,76,80,155 hmuh a ni a, a in thlau khawp mai.

F. OF PEACE NEI

Zirtawp ni leh Inrinni khan ni hnih awh tur, Festival of Peace, J.M. Lloyd’s Hall, Synod Office-ah hman a ni. He Festival of Peace programme hi World Communion of Reformed Churches (WCRC) leh Central Kohhran Hmeichhe Committee te tangkawpin an buatsaih a ni a,  mi 313 an kal thei a ni.

Festival of Peace hian a tum ber chu ni tin kuthnathawktute eizawnna lama harsatna zir chian leh hmasawnna kawng zawn te, vantlang nunhona kawnga harsatna kan tawhte thlirhona leh hma lak zel dan tur hmachhawp siam te a ni.

---------------------------------------------------------------------------

Beirual  hman tan dan chhunzawmna....

Lalhnawka khua Lungsum leh  Lalzika khua te Report thenkhat lo tarlang ila. “Thla chanve a lo ral dawn Pathianni vawi thum zan ah chuan Inpumpekna inkhawm kan nei a Chu mi inpumpekna ah chuan “Inpumpekna lehkha” an ti a, Pathian hnena kan thu tiam zawng zawng kan lo thlah thlam tawh shi kha chawk harh leh turin In tiam na lekha te tak te mi zawng zawng hnena an shem a. Tin, mi pakhatin Pathian hnena inpek tharna lam thu a shawi a; han ngaih thlak meuh chuan kan Pathian thu awina hi a lo pan deuh tak a lawm maw ! tiin kan in shit theuh mai a “Tun hma lam ai kha chuan ka va bei nasha deuh tawh dawn em” kan ti rilru theuh a ni. Tin, thu shawi zawh a chuan “In-pum-pek thawh-lawm” an ti a,thawh-lawm kan upa ten an khawn bawk a, chu tah pawh chuan ni dang ai chuan kan thawh tam  zawk theuh a ni awm a, chu mi tum maiah chuan cheng 14/- lai kan ngah a. Tin, chu tah chin a chuan Pathian thu awi lo ho kan bei tan ta a. Mi lian deuh in mi lian deuh an bei a, mi te deuh in mi te deuh kan bei a, nula in nula, tlangval in tlangval, pitar in pitar, putar in putar, naupang in naupang, mahni tum tawk theuh kan bei a. Pathian in chakna min pek avangin tumahin hlau lo leh zak lo leh ning lovin kan bei theuh va: ruah sur chung te pawh hian kan bei zel a kan lawm em em vek a ni...........”

Khaw hrang hrang atanga Report a lan danin he Beirual hmasa berah hian mi 344 te chu Kristian-ah an inpe thar a ni.

Kum 1918 ah June,  1919 leh 1920 ah September, 1921 ah January ,1922 - 1924 ah April thlaah te  hman thina ni a, mumal taka September thla kan hman hi 1925  atangin a nih hmel  e. (Presby. Oct. 1920 No.25,  Oct. 1921 No.33, Assembly  1925  Jan No. 18)

---------------------------------------------------------------------------

TUNKAR BEIRUAL PROGRAMME

Dt. 5.9.2011(Thawhtan zan)

Chairman : Upa Lalmuana

Tantu : Pi Laltlanchhuahi

Thupui : Chanchin Tha hrilna hmun

Hawngtu : Pu K.Vanlalhlira

Dt. 6.9.2011 (Thawhleh zan)

Chairman : Upa Chawngliana

Tantu : Pi Ngurchhingpuii

Thupui : Mizote’n Chanchin Tha kan chhawrzia

Hawngtu : Pu Hrangthianga

Dt. 7.8.2011 (Nilai zan)

Chairman : Upa Dengrikhuma

Tantu : Pi K.Lalhmangaihi

Thupui : Chanchin Tha hriltu inbuatsaihna

Hawngtu : T.Upa Zahlira

Dt. 8.9.2011 (Ninga zan)

Chairman : Upa C.Thangvuka

Tantu : Pi Rualchhingpuii

Thupui : Awm hmuna Chanchin Tha hril

Hawngtu : Pu Vanlalvena Chhangte

Dt. 9.9.2011 (Zirtawp zan)

Chairman : Upa Thangchhingpuia

Tantu : Pi Lalthanpari Colney

Thupui : Kal chhuaka Chanchin Tha hril

Hawngtu : Pu T.Remmawia

Dt. 10.9.2011 (Inrinni zan)

Chairman : Pastor/Upa Hrangkhuma

Tantu : Pi Ngaihtingi

Thupui : India ram Presbyterian Kohhran Thurin tobul

Hawngtu : Pu B.Rosangzuala

---------------------------------------------------------------------------

ADVERTISEMENT

ZONUN SUMO chu naktuk Thawhtan zing dar 6 atangin Champhai leh Aizawl inkarah service tir a ni dawn ta. Veng chhung mipui zin turte chuan min duhsak thin turin kan ngen a che u. Vanduai palh accident pawhin sum leh paia intanpui dan a awm bawk e.

Raldokhuma

---------------------------------------------------------------------------

Tunlai chu buai a na deuh a, kan veng news thenkhat kan update hlei thei lo tlat mai. A pawi hle mai. Tan lak a ngai a ni............