PAGE 1
THAWHLAWM....
# Tukin hi Ramthar Ip lakkhawm hun a lo ni leh ta a, chhungtinte Pathian hnena thilpek pe turin lo inring lawk ila.
# Vawiin chawhnu Pathian biak Inkhawmah hian Rethei pual thilpek lakkhawm tur a ni bawk e.
Nimina Kohhran Hmeichhia te’n thlakhata tha khat an pekna atana Pangpar huan an thlawhah mi 22 lai an hnatlang a. Niminah vek khan Bial Kohhran Hmeichhe Committee chu Vestry-ah neih a ni bawk.
Kan hnung karah khan Bial Zaipawl te’n recording an ti tan ta a. Voice recording an zawh hnuah hian muang mar deuhin video shooting lam an ti leh ang.
Zirtawpni khan CKTP Rorel Inkhawm bawhzuiin Bethel Kohhran Hall-ah Bial K.T.P O.B Training neih a ni a, he Training-ah hian Bial 15 atangin mi 70 lai an kal a, Training neih pui tur hian Pu Zohmingliana, A.Ldr, CKTP leh T.Upa Lalramdina Ralte Comt. Member, CKTP te an lo kal a, Dr. Zatluanga hnen atangin AIDS Awarness Campaign neih a ni bawk. Nimin vek khan Mizoram hmun hrang hrang hmun 9-ah Training hi neih a ni bawk. Tlaiah Bethel Kohhranin Traininga kalte hi Zanriah an kilpui a ni.
-------------------------------------------------------------------------------------------------------------
Vocation kan hmang tha hle mai....
SENIOR DEPTT. CAMPING REPORT
Kanan Br. K.T.P - Dt. 7.8.2011 :
He Camping-ah hian naupang 37 lutin Zirtirtu 8 ten an riahpui reng a, tin, a tul apiang ti turin pawnlam atangin mi 4 vel an inpe reng bawk.
School chawlh lai denchhena Kohhran Committee te’n hetiang an buatsaih hi a lawmawm hle a, naupang hmun danga zalen taka an awm ai chuan Pathian thu a an inchiah hi a hlawk thlak hle a ni. Senso tura ` 20000 lai an ruahman te hi an inpek zia leh an inphal zia tilangtu a ni.
Tin, eirawngbawlsaktute; Nl Rampanzeli, Pu Langkhawsuana, Pu Vanlalhlua leh Pu C.Lalthansanga te chungah leh Mic. Operators; Tv C.Lalpekmawia leh Tv Lalenkawla te chungah Zirtirtu te an lawm hle a ni.
=========================================================================
PATHIAN HNENA LAWMTHU SAWINA
T.Upa GLK Thanga te chhungkuain Pathian hnena Lawmthu sawi nan Kohhranah Ran an rawn pe
Kohhranah Lawmthu sawi nan Bawng 1 leh Vawk lian tawk tak 2 chu Kohhranah Pathian Chawimawi nan an rawn pe a, hei bakah hian Ar leh Sangha te pawh an ngaihtuah tel bawk. Hengte hmang hian Dt. 9.8.2011(Thawhlehni) hian Kohhran chuan Lawmthusawina RUAI a buatsaih dawn a, Kohhran mipuite tel vek tura sawm kan ni.
An mahni chenna in lamah Thawhtan zan atangin Lenkhawmna neih a ni ang a, he Lengkhawm hi T.Upa Hmingliana’n a hruai ang. Thawhleh chawhmaah Inkhawmna neih a ni ang a, Inkhawm banah Lenkhawm a ni leh ang a, hruaituah Upa Chawngliana a ni ang. Tin, zan lam hi Kohhran Hmeichhe Inkhawm hun a ni nain Kohhranin Programme pawimawh tak a neih avangin hemi zan hi chu Inkhawm loh tur a ni ang a, an in lamah Lenkhawm chhunzawm tur a ni thung ang. He Lengkhawm hi Upa Lalmuana’n a hruai ang.
Thawhleh chhun Inkhawm Programme chu Programme column-ah tarlan a ni a. Kohhranin he Ruai a buatsaih turah hian Fatu tur leh chanvo hrang hrang changtu turte inruat fel a ni a, inruatna Lehkha pawh sem a ni. Tin, Zanin Inkhawmah puan chhuah a ni bawk ang. Kan chanvote hlen chhuah tum vek ila a duhawm hle.
=========================================================================
August thla thilpek lakhawmtute:
1) Nl C.Lalbiakzuali2) Nl HS Lalengmawii
3) Nl Lalramchuani
4) Nl Lalsawmliani
Buhfaitham semtu:1) Pi Zoramthangi
2) Pi Vanramthari
Electric Bill khawntu:1) Pi Vanlalhnuni
2) Pi Rammawii
=========================================================
PAGE 2
INKHAWMPUI THIL ZIR hi...
Hmanah chuan NPSS Zirtirtu te leh Naupang te hian kum khata kan thil nghahhleh ber pakhat chu NPSS Inkhawmpui hi a ni. Inkhawmpui inbuatsaihna atang rengin Zirtirtute kan kal tha in Naupangte thil zirtir chu nuam kan ti a, Naupangte pawhin nuam an ti.
Mahse tunah chuan chungchu a ngaihawm tan ta khawp mai. Naupang thil zirnaah hian Zirtirtu kal an tlem bakah a kal te an tlai a, phurna hi a awm lo niin a lang. Pathiannia nalh tak leh inchei taka Naupang hmaa kan Fashion leh make-up kan show leh vel hi kan rawngbawlna hlenna a ni lo. Hengah te thleng hian Naupangte hma kan hruai anga, hlim taka Pathian an fak theihna kawng hi kan kawhhmuh tur a ni.===========================================================
CHOIR CABIN
August 9 (Thawhlehni) zan dar 6:30 hian Synod Conference Centre, Mission Vengah Synod Choir Hla zirna tur bik room an siam thar (Choir Cabin) hawnna inkhawm neih a ni dawn a, Synod Moderator Rev. C. Lalsanglianan a hawng ang. Mizoram Synod Choir te hmun danga hla zir kual tawh lovin Choir Cabin-ah hian an zir zel thei tawh dawn a ni.
=========================================================================
GROUP NEWS
# Upa Hrangchhuana Group ten Ban khur an laih belh a, an Bill an la nghal bawk. Mahse an eiral a lo tam deuh hlek a, an hlawk tur ang pawhin an hlawk dawn ta lo a ang hle mai.=========================================================================
NCCI Tribal & Adivasi Sunday
National Council of Churches in India (NCCI) Annual General Meeting September 7, 2010-a Bangalore-a neih chuan NCCI hnuaia Kohhran hrang hrangten kum tin NCCI Tribal & Adivasi Sunday hman turin a rel a.Tribal & Adivasi Sunday hman chungchangah hian SEC 234:24 chuan Mizoram Synod bikah erawh chuan hman ve loh mai nise, tiin a lo rel tawh a. NCCI lamin tawngtai sakna tal hmang tura an rawn ngen leh tak zel avangin O.M. 11:8 chuan tawngtai rualna chu neih ve ni se tia an rel angin
zanin Kohhran Inkhawmah NCCI Tribal & Adivasi (Tlangmite leh Phairama hnam hnufual zawkte)pualin tawngtaina hun hman a ni ang.-------------------------------------------------------------------------------------------------------------
THLAI THAR THAWHLAWM
Tukin hi NPSS lam Thlaithar Thawhlawm hun a lo ni leh ta a; naupang te’n thlai thar kan neih ang ang kenkhawm leh tur a ni e. Tin, Thlaithar nei remchanglo kan awm a nih pawhin a pawisa a ken theih bawk. He huna thil buaipui tur hrang hrang te hetiang hian chanvo insem a ni.
Thutthleng rem fel - Inter Dept; Thutthleng senghawi - Junior Dept;
Kohhran nu leh pa te’n tlawmngaiin leisak hram thei ila a duhawm hle.Vaimim zawrh - Senior Dept; Fanghma leh thei dang - Beginner Dept; Iskut leh Thlairah dang - Primary Department
Thlai hnah - Sacrament Department
==================================================================================
Fimkhur loh hi a pawi a, tihluih hi a huatthla la-awm zual
Y.M.A CHAIR 250 CHU HAL CHHIAT VEK A NI
Heng mite hian a theih ang anga kawng indapin Dressing Room chu an lut ta ngei a, An Thalai-pui tam takin thil tha an tih suau suau lai leh Inkhawma Pathian an pawl laiin anni thil tum erawh chu a dang tlat mai. Thil pawi vawng vawng mai ti tur hian an mahni rilru pangngai pawlh nut loh chuan a tiduh kher lovang le. Mahse, tiphurtu a awm a, pawisak lohtirtu a awm a, a pawi dan tur leh a hlut zawng pawh chhut nachang hriattir lotu a awm a ni phawt mai le.... Somalia rama Tam avang leh Helhoin eitur an dan chah tlat avanga naupang 100000 lai an thihte, Indonesia thihchilh bomb vanga mi pawisawilo thisen luang te, Rajasthan State-a Oil puak avanga thi te chu fimkhur loh vang leh misual te’n an thil duh tihhlawhtlin tumna avanga mipawisawilo nunna tam tak channa te chu thil pawi tak a ni. Tunah pawh hian mahni nuam tihna leh duhna tihhlawhtlin tir tum a, a nghawng ngaihtuah miah lova thil tih hi a pawi a, a pawi tak zet a ni.
Tichuan, Lenkhawmna atangte leh Inkhawmna atangtea kang mei chhuak tihmit tuma kalkhawm thalai te chu a hmun an zuk thlen meuh chuan thil zawng zawng chu a pawi tur angin a lo pawi zo vek tawh.....Chair 250 a kang chhe vek a, tukverh frame leh kawngkhar te chu hman tlak a ni tawh lova, Electric line pawh a chhe vek bawk. Heng thil chhia zawng zawng hlut zawng hi
A titute chu Hruaitute thahnemngaihna zarah zawn chhuah an ni tawh nain he chanchinbu(Kohhran ta)-ah hi chuan kan ti lang lovang. Mahse, he thil hi a pawi a, a hmingchhiat thlak a, heng thil chhia te nei leh tur hian kum engzat nge ngai ang? A pawi a ni.
PD Sena Memorial Hall velah hian kan fate’n Denrite an hnim thin a, zu an in thin. Sualna hrang hrang a zalen em em a, keini nu leh pa te erawh chu kan Inkhawm a, thian kan kawm a, kan duhzawng kan ti daih a. ‘Ruihtheih thil an ti’ an tih chang hian mi fate tihturah kan ngai a, kan fate kan ngaihtuah thleng pha lo. Rin aiin thil a lo pawi nasa tawh thin a nih hi.... YMA chuan Hall bul vela Ruih theih thil ti an man chuan na taka hrem nise an ti bawk e.==================================================================================
Thunawi.....@ Senior Camping -a an Director Pu R.Ram- panmawia chuan Camping zawhah meuh chuan nau a paw peih tawh lo, nau puak chu Director tih chi-ah a ngai lo.
@ HIV/AIDS chungchanga harsatna nei te tan +919862725504 -ah biak theih a ni a, kan thuruk reng reng chu zep tlat zel a ni ang.
-------------------------------------------------------------------------------------------------------------------------------------------------------------------
the end the end the end the end the end the end the end the end the end the end the end the end
Kan hnung Pathianni kalta zan, Inkhawm tan hnu leh Lenkhawm(Jail lamah) lai tak khan PD Sena Memorial Hall velah chuan zuin an awm a, an sulhnu atangin Denrite pawh an rui tel mai thei e. Kawngka leh tukverh vel kalh vek a nih avangin Dressing Room lama Ventilation chu luhna awmchhun a ni deuh mai. ` 10,5000 man aiin a tlem thei lo hrim hrim a ni. Kan hnung kar, Dt. 3-6, August khan Senior Department Camping chu tluang takin neih a ni a, naupang an lut tha thawkhat a, Lal Isua hnena inpe tharin Lal Isua zui zel turin DUHTHLANNA an siam vek.He Camping -ah hian Senior Department Leader Pu B.Rosangzuala chu Speaker atan hman nghal a ni a, a ni hnen atang hian Pathian thu, pawimawh tak tak te naupang te’n an dawng thin a ni. Tin, ‘Sex Education leh Ruihtheih thil lama inzirtirna’ chungchanga zirtirna nei tura an sawm angin Dr. Benjamin Lalramchuana’n (MED-AIM Hospital Doctor)he hun hi a rawn hmang thei bawk a. Tin, a ni bakah hian Nl H.Lalremmawii(Senior Deptt Ztu) chuan AIDS Awarness Campaign a hmanpui a, Upa C.Thangvuka hnen atangin Zirna(Education) tih chu zirhona neih a ni bawk.
No comments:
Post a Comment