THU HOOOOO..........

Heng thu ho tak tak hmang hian i han in tlak puar teh ang ooooo.......

Champhai tlaitla engmawi tak thlir hian nunhlui hi kan dawn ve fo a ni e...

# Tukin Pu Nghaktea vawksa sah chu mi tam takin an nghah thup laiin a sa a eng(yellowish) a, mipui tam tak beidawngin an haw..

# Pu H.Lalthantluanga te khuai lak tum pawh an lo rauh san a. Lung lian tak an kar thlak hnuah chuan kutzungpui tiat vel a thlar a lo awm....

# Kimte a pawh a te telh telh...

K.T.P AW (Issue 25) Dt. 31.7.2011

page 1.......

THAWHLAWM.... 
# Pathian ni kal ta a Kohhran Hmeichhia te missionary ip lak khawm ah `10510 hmuh a ni a, kumin chhungah chuan hmuh that ber tum pawh a ni hial mai thei e, a lawmawm takzet a ni.

CAMPING
Kohhran Committee ten an lo rel tawh angin Dt.14-31 Oct 2011 hian kan kohhran chuan camping a buatsaih dawn ta. Speaker atan Upa.Vanlalzuia, Church Revival speaker chu Synod Executive Secretary i/c Revival -in min phalsak angin rawih a ni ang.


SENIOR DEPTT. CAMP
Dt 3-6 August 2011 hmang hian Senior Dept. camping neih tur a ni a, he hun a senso tur atan hian `20000 kohhran comt. in a theh chhuak. He Camping- a Speaker tur atan hian Senior Deptt. Leader Pu B.Rosangzuala hman a ni ang.

FELLOWSHIP TUR
Vawiin chawhnu inkhawm banah hian K.T.P member te fellowship tur tih kan han in hriattir e. Programme chu Programme column -ah

BIAL FAN PROG.
Naktuk Thawhtan zanah hian Bial K.T.P O.B. leh Bial Zaipawl ten kan Branch min rawn tlawh dawna, member te thehnem ngai takin inkhawm ila. Inkhawm banah hian Branch Comt. chuan Vestry-ah mikhual te kawmna hun a hmang ang.
------------------------------------------------------------------------------------------

FAITH PROMISE

(Roreltute 11:30-40; Mat 25:28-29; Johana 3:16)

Kanan Br. K.T.P - Dt. 31.7.2011 :

Faith Promise awmzia hi kan hriat hnu vek pawh ni mah sela, ka'n sawi nawn veleh ang e.

'Faith' tih hi noun a ni a, 'rinna' tihna a ni a; Promise pawh hi noun ve tho niin 'thutiam' tihna a ni. Chuti chuan Faith Promise tih chu Rinna Thutiam tihna a ni.

Awle, Faith Promise kan tih hi kan hmanna a la rei lutuk lova, amaherawh chu kan hmang uar ta khawp mai a, Branch tam tak chuan kan sum lak luhna tha ber a ni hial awm e. Amaherawh chu Faith Promise hi a awmzia hre tawk lo kan ang khawp mai. Ngaihtuah chiang ila, tu rinchhanin nge kan intiam thin? Lo inbih chiang ve teh.

Enchhinna i han nei lawk teh ang. Tun July thla Faith Promise a kan thawhkhawm chu Rs 10500 a ni a, 400(Member zat) in 10500 han sem teh. Member pakhat thawh zat chu Rs 26.25 a ni a. Rs 26.25 chu 12(Kum khata thla awm zat) in puntir leh ta la, Rs 315 a ni a, Rs 315 kha  400 in puntir leh la K.T.P member 400 in kum khat atana a thawh zat chu a lang mai ang. K.T.P member pakhat in Rs 30 theuh thawh ni ta ila, member 400 in a thla khata kan thawh khawm tur chu Rs 12000 a ni a, thla 1 a Rs 30 zel thawhin thla 12-ah chuan Rs 360 kan thawh dawn a lo ni ta a, ava lawmawm dawn em!!! A aia sang thawh phei chu......

Chuvangin Pathian rin chhan a neiin Faith Promise hi i intiam tawh ang u.

Tupawh a nei a piang an pek belhchhah ang a, a lo ngah ang; tupawh a neilo a piang erawh a neihchhun pawh an laksak ang (Mat 25:29). Johana 3:16-ah chuan Pathianin khawvel a hmangaih em avangin a fapa mal neih chhun dik tak a pe a. Rereltute 11:30-40 -ah chuan Jeptha in halral thilhlan atan a fanu neih chhun a pek thu kan hmu.

K.T.P member kum 14-40 inkar Thalai te hian Pathian rawng kan bawl zelna atan Faith Promise-ah hian eng zat nge kan pek zel dawn le?

Lalpa'n a thu malsawm rawh se...Amen.

___________________________________________________________________

Aug. Ramthar Balhla tuk turte : 

1.   Pu T.Lalchhawna(Leader)

2.   Upa Dengrikhuma

3.   Tv C.Lalrozara

4.   Pi Biakluti

5.   Pu Ngurthanzama

------------------------------------------------------------------------------------------------------

ZAI HRUAITU TURTE

August thla chhung K.T.P Inkhawm zai hruaitu turte:

Lectern : Pu R.Zoramliana

Keyboard : Pu B.Vanlalchenpuia

Khuang : Pu Vanlalrawna

Guiter : Pu C.Lalawmpuia

Bassist : Pu C.Rodinsanga

Kan chanvo a pawimawh zia hriain Inkhawm i kal hma hram hram zel ang u.

-------------------------------------------

Vawiin tlai Fellowship banah hian thu hmanhmawh deuh ngaihtuah tur a awm avangin Branch Committee te Committee lawk tur a ni e.

-------------------------------------------

July thla Inkhawm Hruaitu:

Upa Lalmaka

SUNDAY SCHOOL

Tantu : Pi Awidotingi

Zirlai : Zirlai  : 28-Simna

Chawhnu Inkhawm

Tantu :Pi Zamchuaii

Thusawitu:Rev.C.Thangthuama

Zan Inkhawm

Thusawitu :T.Upa GLK.Thanga

FELLOWSHIP PROG.

Hruaitu : Pu B.Vanlalchenpuia

Tantu : Nl Rohmingthangi

G.K. : Pu K.Lalbiakhlira

K.T.P INKHAWM

Hruaitu : T.Upa H.Phairosiama, Leader

Tantu :Nl Hmangaihsangi,  BZP

Thusawitu : T.Upa C.Zora- mchhana, Trea.

Zaipawl : Bial Zaipawl

Duet : Nl K.Lalrempuii & Nl Hmangaihsangi, Bial Zaipawl

Thilpek lakhawmtute:

Upa KT Group : Nl C.Lalbiakzuali

Upa HC Group : Nl C.Lalhmangaihzuali

Upa ZN Group : Nl Rohmingthangi

Upa KK Group : Nl Lalsawmliani

KOHHRAN HMEICHHIA

Hruaitu : Pi Chawnghnuni

Tantu : Pi Zorinsangi

Thusawitu : Pi H.Lalrinawmi

NPSS ZIRLAI

Beginner Department

Isuan thlipui a hau reh

Primary Department

Isua an kheng bet

Junior Department

Daidim tehkhin thu

Intermediate Department

Paula zin vawi 2-na

Sacrament Department

Rinna avanga khawngaihna a chhandam

Senior Department

Kohhran mi rinawm

------------------------------------------------------------------------------------------

Editorial..........

TIHSUAL PALH

Ringtu kan ni emaw, nilo emaw, Puitling kan ni emaw, nilo emaw, Tar kan ni emaw, nilo emaw pawh nise Mihring tung chhoa kal tawh phawt chu(Isua tiam lohin) tumah kan famkim thei lova, TIHSUAL kan nei thin.

Khawvel mifing, mithiam, milar tak tak te pawh hian rilru hrehawm vawng vawngna khawp leh beidawn rum rumna khawp hi tihsual an nei ve fo thin a, mahse chumi atang chuan ZIRLAI pawimawh tak zir chhuakin an lo ding chhuak leh thin.

Engkawngah pawh tihsual kan neih hian chumi tisual leh tawh lo tura chu tihsual chu kan hmanthiam a pawimawh a, tin, miin thil an tihsual/tihpalh kan hmuh atang pawh hian chumi dai ve lo tur leh tisual ve lo tura ZIRLAI lo zir thiam chu a pawimawh hle a ni.

Thil tisual reng mai niin kan inngai thei a, chumi avang chuan kan rilru a nain a hrehawm ngawih ngawih thei bawk. Mahse Thil tihsual nei ve lo Isua Krista hian min pui thei reng a ni tih hi i hre bawk ang u.

---------------------------------------------------------------------------------------------

GROUP NEWS

# Upa Zaneihhmunga Group te chuan kar kalta chhung khan Ban khur 2 an lai zo a, inhlawhna siamsaktu Pi Vanlalruati te chhungkaw chungah an lawm hle.. Zing karah mi 9 lai hnatlangin chhun lamah mi 5 an hnatlang thei bawk. Pu K.Lalengzauva leh Nl Rohmingthangi te’n hnatlang ei tur an tum sak a, member te an lawm hle bawk. Heti hian Group Budget chu an tlin tep tawh a ni.

# Upa Khawtinthanga Group te chuan Inkhawm remchang hmasa berah Group Budget pek an tum a, tin, EPL Fixture siam turin an inbuatsaih mek bawk.

# Upa Hrangchhuana Group te pawh ban khur an la lai tluk tluk mai. Ban khur 3 dang an lai leh a, tunkar thla hian khur dang laih chhunzawm leh an tum bawk. An tang riap riap hle a ni. Anni hnatlang hi Pu Biakmawia te Theihai in a tuar hle a, a rah hmuh tur pawh a awm tawh mang lo a ni.

# Upa Khawkunga Group te chuan Book Mark an siam mek a, tunkar thlaah hi chuan zawrh chhuah hman an inbeisei a ni.

-------------------------------------------------------------------------------------------------------------

TRAINING NEI ANG

Kumin 2011 KTP Rorel ‘Bial hruaitute Training buatsaih ni rawh se’ tih chu Central KTP Committee-in bawhzuiin a thawhkhatna atan nimin khan Aizawl lamah Training hi buatsaih a ni a, tunkar Zirtawp lamah hian Champhai lamah Training an buatsaih ang a, Bethel Kohhranin Training hi an thleng dawn ang. Hemi ni hian Mizoram hmun hrang hrangah Training hi buatsaih a ni bawk ang.

KEKAWR HAK LOH NISE

Kumin October thlaa Y.M.A General Conference thlengtu tur, Kolasib khawpui chu kawng hrang hrangin a inpuahchah mek a; YMA Gen. Conf. Organising Committee chuan, conference rorel inkhawma kal tur hmeichhiate'n kekawr hâk loh hram ni se, puan bih nise an ti. He thil hian Mizo Culture kawng tam takah a tihnun phah an beisei a ni.

B.S.I GENERAL SECRETARY THAR

Rev. Dr. Mani Chacko, tuna Director, Ecumenical Christian Centre, Whitefield, Bangalore chu August 1, 2011 a zawm turin Bible Society of India General Secretary atan Nilai ni khan ruat thar a ni a. General Secretary ruattu zingah hian Rev. C. Rosiama, Vice President, Bible Society of India pawh a tel.

KRISMAS LEH KUMTHAR COMMITTEE LAM

# Vanapa Krismas & Kumthar Committee te chu Thawhleh zanah khan thil pawimawh hrang hrang relin an Committee a, nasa leh zuala hmalak an tum mek a ni. An Section huam chhung Statistics mumal takin an siam a, heta tang hian an Budget tur pawh chiang takin a hriat theih a ni. An Section huam chhungah hian Puitling 356 awmin Naupang 54 an awm bawk a ni. Sum pawh a lo danglam hlek tawh a, Rs 8800 lai mai an hmu toh.

# Neuva Section pawh karkalta lamah khan an Committee a, thil hrang hrang pawimawh tur an ngaihtuah a. Thawhleh zanah hian Collector te ko khawmin hmalak dan tur an sawipui dawn a ni.

Krismas leh Kumthar Committee te’n budget an siam dan lo ti lang leh ila:

# Puitling 1-ah Rs 70 # Naupang 1- ah Rs 50

# Tin, chhungkaw khatah thingman Rs 20 khawn tel tur a ni. Section tin ten paper kan mamawh chuan Pu C.Thanzauva hnenah a lam theih reng bawk a ni e.

Upa Zaneihhmunga Group te pawh ban khur laiah an innghat top mai. Tomato zawrh aiin a hahthlak deuh nain Thawhhona a tha zawkin an hria ni awm tak a ni. Tin, Retreat zana an Leader Pu Liantea leh Pu Tluanga te Chemtatrawta thawnthu sawi kha disk-ah write in an zuar mai thei bawk.

-------------------------------------------------------------------------------------------------------------

@ HIV/AIDS chungchanga harsatna nei te tan +919862725504 -ah biak theih a ni a, kan thuruk reng reng chu zep tlat zel a ni ang.

@ Pathianni leh khi NPSS Thlaithar thawhlawm Ni a nih kha aw....

@ Kan Leader Aizawl kal pawh a rawn keu haw vuk mai...

-------------------------------------------------------------------------------------------------------------

INTUAITHARNA PART-II

Intuaitharna Vawihnihna chu kan nei leh a, internet lam a chiangkuan loh deuh avangin duh angin kan update har tlat mai.

Zan khatna aiin kal kan tlema, mahse a kal chhun te kan hlawk tlang hle a ni. A picture nen i hrilhfiah leh mai ang.

Nl Zamthani hi Tantu a ni a....

Puipa lampang an ni e. Coat buang leh Kamis pawl ha thu hi kan Speaker Tv Hranghluna a ni a, Jacket var ha hi Pu Sangtea(Secy) chuan a piah ami hi Pu Lawma kan Chairman(Trea) a ni.

Pu Awmpuia Solo pawh 'ka hrawk a na' a ti chungin a zai tha khawp mai.. a hla a nalh a, a common lo bawk..

Kan speaker Tv Hranghluna. Samsona chanchin atangin tunlai Thalai te Sualna hrang hrang ten min awmtlei tawh zia a sawi chu a va hlawk thlak em. Intuai tharna atan a tha kher mai...

Ruth-i a ni e. "I tlai ang e" tih music video a an Singer kha a ni e. Live in a zai kan ngaithla a, a manhla hle e. Pu Lawma'n Zai turin a ko bik a, a thik awm rum rum dawn a lawm le...

Tichuan, banah Hmangaihna/Malsawmna inhlantawnna chibai kan inbuk bawk a ni...
Hengte hi kan Prog hman dan tlangpui chu a ni a, kei pawhin ka hlawk pui hle mai...Ka member pui duhtak te pawhin anhlawkpui ngei ka beisei e.

Ma-Zemawii hi a zan khatna ah khan Upa Khawtinthang Group aiawhin thiam takin a zai a, ka post hmaih a, ka rawn tilang leh a ni a. Hemi zana che tha pawl tak a ni................

K.T.P AW (Issue 24) Cont....

GROUP NEWS
# Kar kalta chhung khan Upa Hrangchhuana Group te Ban khur laiin vawi thum lai an hnatlang a, khur thum ngawt an lai zo nghe nghe. Tunah hian an ban khur laihna Bill nghakin an thu veng veng tawh a ni. Pi Vanlalruati te chhungin inhlawhna an lo siamsak a, an lawm hle.


KRISTIAN THALAI CHANCHINBU MAN
Kristian Thalai Chanchin bu man hi Central lamin an duh hmanhmawh deuh thin avangin Branch sum atang hian pek lawk a ni thin a, tichuan Chanchinbu la te hnenah a hranpain a man hi khawn leh thin a ni. Chanchinbu man la pe lo ten ngaihsak deuh ila a duhawm hle ang.


BUDGET PE
# Bial Budget pek tur kan la neih ` 3600 chu pek a ni a, heti hian Bial Budget ` 21600 chu kan pe tlak fel ta.
# Tin, Computer Installment kallai ` 5600 pawh pek a ni a, Computer man ` 22600 chu kan pe tlak fel ta bawk.


TLANGSAM LAM HAWIIN......
Champhai Joint K.T.P in mahni Bial pawh ami Branch tlawh nise atih angin kan Branch chuan Tlangsam tlawh kan tum a, anni lam pawhin rem an lo ti a, hetiang hian kan Branch atanga Item kan neih theih tur leh Programme tlangpui duan a ni a, a theilo tur chuan a rang lama inhriattir tur a ni ang.
A hun : Dt. 22.8.2011(Zan)
A hmun : Tlangsam Kohhran Hall
Chairman : Tlangsam Branch lam atangin
Tantu : Nl B.Lalrithangi, Comt. Member
Report & Introduction
Branch pahnih Secretary te
Thusawi : Pu B.Rosangzuala
Shortplay : Buaipuitu- Pu K.Lalbiakhlira
Group Zai : Convener-Pu C.Vanlallawma
Solo : Tv Rinthangpuia
Present lo lei turin Pu H.Lalthantluanga leh Tv C.Vanmawia te ruat anni a, motor lo ngaihtuah turin Pu C.Liansanga leh Pu C.Vanlallawma te ruat an ni bawk.
------------------------------------------------------------


I KHAWVEL....THLOH
Thloh(woodpecker) te hian thing hi an tuk chawrh chawrh reng a,an hmui hi Kahpathir ai pawh in a chang zawk a,milimetre khat pawhin a ti sual ngai lo a, hisap sual a nei ngai hek lo. A tuk na zawnah chuan thing nget emaw fanghmir bu a lo awm ngei ngei thin. A thing ker sa chu a kalsan hnuah ran nung leh sava te tan riah buk tha tak a ni nghal a, a ma in tur a ker erawh chuan thli leh ruah laka a him nan chho zawng in a ker a chumi hnu ah tawite in chhuk zawng in a ker puk leh thin, a chhung ah hian ei tur dah na kudam(godown) pawh a nei hrang thlap.

UPA HRANGCHHUANA GROUP HNATLANG

Upa Hrangchhuana Group te chu Dt. 14.7.2011 kar thla khan vawi thum lai ban khur laiin an hnatlang a, an inti chau ve hlawm hle..He an hnatlang hi Pu C.Vanlallawma chuan a ho thei reng a ni.

K.T.P AW(Issue 24) Dt. 24.7.2011

THAWHLAWM....
# Pathianni hmasa Pathian ram ip dawh nawnnaah ip 74 tlaiin hetiang hi kan sum hmuh dan a ni.
       Pathianram 9190 Ramthar 6120 Tualchhung 6990 Biak In 11575 Total 33875
Tun thla chhungin Pathian ram ip lakkhawmah ip 290 tlain ` 225105 lai hmuh a ni.
# Pathianni hmasa K.T.P Faith Promise lakkhawmah ` 10500 lai hmuh a ni, a lawmawm hle.
# Tukin hi Kohhran Hmeichhia Missionary Ip lakkhawm hun a ni e.


THLAI THAR THAWH LAWM
Naupang Sunday School ten Dt. 7.8.2011(Pathianni) hian Thlai Thar Thawhlawm neih tur a ni a, a hun hnaih lamah kan la inhriattir leh dawn nia.


CAMP CHHUAK
Bial Zaipawl te Music Video siam tura an inbuatsaih nana an Camp chu Inrinni zing khan an chhuak.


KOH. HMEICHHIA
August thla chhunga Kohhran Hmeichhia te Thla khata Tha khat atan Pangpar huan thlawh fai leh tur a ni.


MASS THAWHLAWM BOK
Section tin Mass Comt. a Collector ten Mass Thawhlawm an rawn khawn leh dawn a, a remchang thei chuan lo ngaipawimawh hram hram ila.  
-------------------------------------------------------------------------------

INTUAITHARNA
MEMBER KAL AN TLEM
Kanan Br. K.T.P - Dt. 24.7.2011 : Kan lo ruahman lawk tawh angin Branch K.T.P Member te Intuaitharna chu Dt. 21 & 22(tunkar Ninga zan leh Zirtawp zan)-ah neih a ni a, he zan hnih hunah hian member kal an tlem hle.
Zan khatnaah hian member 50 bawr vel kalin Programme hlim taka hmang chungin member kal kan tlem lutuk deuh erawh chuan rilru a tinuam lo hle a.
He zan khatnaah hian Group hrang hrang ten Item an rawn nei tha hlawm hle a, talent nei tha tak tak pawh an awm nual a ni.
Zan hnihnaah hian zan khatna aiin member kal kan tlem zawk a, amaherawh chu Speaker Tv Hranghluna thusawi te, zai ho te, Malsawmna inhlan te chu a hlawkthlak hle a, a bik takin Speaker thusawi phei chu kan Branch in kan mamawh tak a ni a, a hlawkthlak leh zual. Speaker rawn zui hian Emmanuel After Care Centre lam atangin mi 11 lai an rawn kal a, kan Branch member erawh chu 40 vel chauh kan ni. Member nawlpui atanga teh chuan 9.52% bak kan kal lo a ni.
He hun hnih pawimawh tak tak kan hmanah hian, Sunday School Zirtirtu, Group Hruaitu, Bial Zaipawl, Branch Committee leh rawngbawlna langsar chelh thenkhat te kan kal tha lo hle a, INTUAITHARNA kan mamawh lo nge ni, a tul kan ti lo tihpawh a hriat tawh love.
-----------------------------------------------------------

HIV/AIDS DONA KAWNGA HMALAKNA
Central K.T.P in ruahmanna an rawn siam bawhzuiin Branch K.T.P chuan HIV/AIDS dona kawngah hma a la ve tak tak dawn ta.
Dt. 29.8.2011(Thawhtan zan) Inkhawmah hian Central K.T.P atanga AIDS dona kawnga zir ho tur lehkha rawn kal chu zir ho a ni ang a, hun hmangtu tur chu Programme Sub. Comt. te’n an rawn la ngaihtuah ang.
Tin, he Inkhawmah hian thilpek lakkhawm a ni ang a, chu thilpek kan lakkhawm chu Hospice RCCC(Grace Home) tanpuina: Presbyterian Hospital-a HIV/AIDS vei enkawl mekte tanpui nan hman a ni ang.
Tin, a huhoa hmalak reng a harsat thin avangin HIV/AIDS te tanpui leh a tul anga hma lo la thin turin Nl H.Lalremmawii ruat a ni a. Ani hi he lam kawngah hian a mikhual lo hle a, hna berah hun rei tak a lo neih thin tawhin mi thenkhat harsatna te pawh a lo pui fo tawh thin a ni. Tin, helama harsatna nei emaw, thu zawhfiah duh kan nei a nih chuan Phone hmang pawhin zawh mai tur a ni a, hming sawi kher pawh a ngai hran lo a ni. Tin, inkawmfal(Councelling) duh pawhin a remchang thei zel dawn bawk a ni. A be pawp duh tan +919862725504 ah biak mai tur a ni e.
----------------------------------------------------------------------------------

Editorial..........
KUM CHANVE HI...
Kum chanve kan thlen apianga KAN CHAKLO kan tihfo thin hi engvang nge ni ang le?>?!!!!


Kum tir lamah hian Inkhawm leh hmalakna dang reng rengah kan tha thina, mahse tun ang hunah hian kan hniam leh thin a nih hi. “Kum tin dan a nia lawm” tiin kan thlir liam mai dawn nge “Tan kan ngai a ni” tiin puanven kan sawi chhing dawn?


Kumtirah Chanvo hrang hrang kan inruat thar hian kan phur a, tin, kum tharah hi chuan rilru te pawh a lo thar ve bawk thin a. Hengte avang hian hmalak a nuam a, thil tih vel pawh a nuam thin. 


Mahse kum chanve lamah hi chuan kan phurna a lo reh tawh a, kum tira kan rilru thar sur mai pawh kha thil hrang hrangin alo pawlh dal ta... Tichuan, chetvel a lo sak ta talh a, tihluih fe loh phei chuan chet chhuah a har tawh khawp mai. 


Hetah tak mai hian Ringtu leh Lal Isua phatsan lotu chu a hriat hran khawp mai. Phurna avang chauhva Rawngbawltu ai chuan, Mi zawng zawngin ti dawn lo mahse Lal rawngbawltu nih tlat hi kan tih tur a ni.
---------------------------------------------------------------------

SANGHA MAN
Kan hnung deuh a Branch K.T.P in Sangha kan zawrhna man kha mi tam takin kan la ba tlat mai. A rei tawh deuh bawka i ngaihven tlang deuh ang u.
Other News will be cont. due to uninterupted power supply

THLANMUALAH CHHUM

Amak ve ngawt mai..mi zawng zawngin mak ti loin hmuhnawm ti lo mahse..thlamual, a bik takin Inte(khualbuk) chung zawna chhum var awm hi ava hmuhnawm em....all heart is going on whity clouds..as usual... missing someone....

hei pawh hi...]

Nobody can never take away whity cloud...

INTUAITHARNA PART-I

Pathian hruaina zelin Dt. 21.7.2011(Ninga zan) khan Sunday School Hall-ah INTUAITHARNA PROGRAMME Zan khatna hun kan hmang a. 

Member kal kan tlem deuh nain kan zai tui a, kan hlim hle.

Hruaitu Pu Raldokhuma chu a insit viau nain a hruai thiam hle a, a zei tak zet a ni. Mahse, Tv Liansangzuala'n nula thutpui tur a nei lo erawh chu ka tha a na hle. He hunah hian thil thleng mak tak tak a awm a, chu chu i lo thlir teh ang....

Tv Liansangzuala mai pawh a ni lo, Tv Ramtea pawh hi a rian khawp mai....

Tichuan, Programme kan tan a, kan Chairman in Thuhma; Isua'n tlang chunga a thusawi hrang hrang hmangin a tan a, chu mi hnu ah chuan an Group ten Item an rawn tih theih dawn loh avangin Pu Liantea leh Pu H.lalthantluanga'n Chemtatrawta thawnthu chu English in an sawi ta...A nuizatthlak zia chu ha....ka sawi thiam lo...Best jokes in this night.....

Upa Hrangchhuana Group te chuan Drama hmuhnawm tak  mai an show a, a bik takin MP-i a che tha hle. Tunlai hian Upa HC Group te hian bankhur laiin sum an tuak thin a, chu chu memebr te hmuh theih turin an rawn show ta a ni...

Drama-ah chuan settings hmuh tur awm si lovin, hmanrua chu an intodelh khawp mai..

Hmangaihtei hi Cowboy Hat a inhmeh khawp mai.... Chairman hi enteh u..........uuuuuuuuuuu

Playing Card an deng lo, Drama an chang anih hi...

Bungbu kut kut hi Ruatdika a ni a, lei a  lai a nih  hi...

Heng ho Group zai hi an vawi khat perform na a ni a, mahse ngaihthlak a nuam khawp mai..Ti ngun deuh phei se chuan kan Branch aiawha ruat fo chi a ni.

Special Group te chu an convener Pu Khuma hoin "Lalpa chu ka nunna a ni, ka phaw leh inhumhimna" an rawn ti thep thep mai...an lam ut ut a, an hmuhnawm khawp mai...

A sir ber atangin introduction... Pu Vanlalngaia, Pu Lalawmpuia, Pu K.Laldinsanga, Pu Raldokhuma

Lam thiam 2: Tete-i leh Sawmtei te pawh an che tha lehpek khawp mai.....Dance in heaven...

Tichuan DUHSAKNA thil pek chu kan inpe ta sup sup mai....

Keini pawh kan inpe ve..ka rin ai daihin ka lo thau a nih khi....

Hemi zanah hian Nl Dingtei'n Pu Sangtea ar note(broiler) a pek chu a lar hle...

Hemi te 2 hian thingpui leh chhang an kham lo a nih hi..

Tichuan a Zan khatna chu kan hmang zo ta...

T.P. AW Issue (Dt. 17.7.2011)_

THAWHLAWM....
# Pathianni hmasa Ramthar ip lakkhawm vawi hnihnaah ip 45 tlaiin ` 2440 a tla a, kan mamawh chu kan tlin thei ta hlauh e.
# Pathianni hmasa Pathian ram ip lakkhawmah ip 216 tlaiin hetiang hi kan sum hmuh dan a ni.
       Pathianram 57610 Ramthar 34932 Tualchhung 47542 Biak In 51146  Total 191230

Pathian ram hi vawiin lamah dawh chhunzawm leh a ni ang.

BIAL FAN
Vawiin Chawhnu leh Zan hmang hian Bial K.T.P O.B. leh Bial Zaipawl te’n Dinthar Kohhranah Bial fan Programme an hmang dawn.  Bial fan Programme hi Dinthar bakah Kanan leh Tuipui te an la hmabak a ni.

bial zaipawl camp
Ni 18-23.7.2011 hian Kanan Pastor Bial Zaipawl te music video siamna tur inbuatsaih nan Kanan Kohhran S.S Hall ah Zaipawl camp an nei dawn...

ZIRTIRTU COMT. TUR
Vawiin Chawhma Sunday School banah NPSS Zirtirtu zawng zawngte Thlaithar Thawhlawm ngaihtuaha Committee tur a ni e.

NPSS Inkhawmpui
Bial Naupang Sunday School Inkhawmpui chu Dt. 11.9.2011(Pathianni) hian Dinthar Kohhran Biak Inah neih tur a ni a, mahni Deptt. theuhah Intihsiakna tur hi zir tan a hun tawh hle a ni.
----------------------------------------------------------------------------------------------------

BRANCH K.T.P INTUAITHARNA
Kanan Br. K.T.P - Dt. 17.7.2011 : Kan lo inhriattir thin tawh angin Branch K.T.P Member te Intuaitharna chu Dt. 21 & 22(tunkar Ninga zan leh Zirtawp zan) hian neih a ni dawn ta.
Zan khatnaah hian Variety Programme hman a ni ang a, ‘Duhsakna Inhlantawnna’ hman a ni ang. Tin, zan hnihnaah hian Pu Hranghluna chu Speaker atan rawih a ni ang a, ‘Malsawmna chibai inbuk tawnna’ hman a ni ang. Programme hetiangin:
Zan Khatna
Chairman : Pu Raldokhuma
Tantu : Nl Lalmuanpuii
Duhsakna Inhlantawnna
Hun hmangtu : Pu K.Lalbiakhlira, Asst. Leader
Group Recitation : Committee member hmeichhia te atangin
Special Item : Group tin atangin pakhat theuh
Worship dance : Presby. Meet a mi kha.
Zan Hnihna
Chairman : Pu C.Vanlallawma, Fin. Secretary
Tantu : Nl Zamthanmawii
Thusawi : Pu C.Hranghluna, Speaker
Malsawmna chibai inbuk tawnna
Hu hmangtu : Chairman
Solo : Pu C.Lalawmpuia
-------------------------------------------------------------------------------------

RAWNGHNAWIH THAR
Sunday School Hall thutthleng(Bench) chu rawng hnawih thar mek a ni a, bench bakah kawngkhar leh platform te pawh hnawih thar a ni bawk.
--------------------------------------------------------------------------------------

GROUP NEWS
# Upa Khawtinthanga Group  ten Group sum tuak nan Sangha zawrh an tum, Ruah tui a la tam deuh avangin duh ang in hma an la la chak thei lo..kar leh lamah chah hman an in beisei,chhung tin ten lei sak theuh i tum ang u.
# Group dang te hma lak na kan hre thei rih lo

grape zu
Champhai Winery chuan Mizoram kohhran ngenna angin Grape Zu a Alchohol content chu 14% atangin 11% in tihhniam an remti a. Mahse hetiang hian tihniam pawh nise Beer alchohol content aiin a la sang zawk deuh. Food Item atan chuan a la him chuang lo mai thei a ni.

KOHHRAN HMEICHHIA
Kohhran Hmeichhia Group  Budget petlak tawh te:
1) Ruthi Group
2) Sari Group
Kohhran Hmeichhia hi Group 7-ah an inthen a, ` 6000 an Budget a ni. Group hrang hrang te an tang bawk a, tunah hian Budget la pe lo pawhin pek tur chu an nei deuh vek tawh bawk.

# Tukin hi K.T.P Faith Promise Ip lakkhawm hun a ni leh ta e.
------------------------------------------------------------------------------------------

PASTOR QUARTERS GATE RED MARK-AH
Sorkar-in kawngpui zauh hna a kalpui mekah kan Pastor Quarters pawh Gate chhuchhiain tawlh hnung deuh tura tih a ni. Sorkar duh ang taka tih chu Bial Standing Committee hian tha a ti a, tichuan Gate chu chhutchhiat vek a ni ta. Kohhran tih awm tak tih a ni hi a lawmawmin a ropui hle mai.
Tichuan, Bial Standing Committee chuan Kohhran tin hnenah Gate siamthat lehna tur Special Budget chu a hnuai ami ang hian a siam ta a:
1) Kanan Kohhran 14000
2) Tuipui Kohhran 4200
3) Chhungte Kohhran 1800
4) Salem Kohhran 2000
5) Dinthar Kohhran 3000
Total ` 25000
Special Budget hi July thla chhung ngeia pektlak tur a ni.
-------------------------------------------------------------------------------------------------

NPSS INKHAWMPUI
Dt. 11.9.2011(Pathianni) hian Dinthar Kohhran Biak Inah NPSS Inkhawmpui neih tur a ni a, Department hrang hrang intihsiakna tur hetiang hi a ni.
Beginner Department
Thu : Mathaia 5:7-9
Hla : NPHB No. 7(Kan pa hmuntina awm chuan)
Thu-inchhang : Part I, Bung 1:1-10
Primary Department
Thu : Sam 105:1-4
Hla : NPHB No. 45(Lal Isua’n min entir)
Thu-inchhang : Part II, Bung 3:1-10
Junior Department
Thu : Thufingte 22:1-9
Hla : NPHB No. 83(Sande Sikul i kal ang u)
Thu-inchhang : Part III, Bung 6:1-10)
Inter/Sacrament Department
Thu : Jeremia 17:5-13
Hla : NPHB No. 97(Lal Isua chaknaa innghatin)
Thu-inchhang : Part IV, Bung 10:1-8)
Department tinte hi Group hnih, Group-I leh Group-II a inthen tur a ni a, Group khat atang hian Item pahnih, Solo&Recitation neih tum tur a ni. Hla sak atan NPHB leh KHB ami ngei sak tur a ni.
-------------------------------------------------------------------

CHAWHNU NAUPANG INKHAWM HRUAITUTE(July-sept,2011)
LITTLE LAMB: 1.Tv.Lalchungnunga(Convener)  2.Tv.R.Lalramliana 3.Pu.Zaitluanga 4.Nl.Lalengzauvi 5.Nl.C.Lalbiakzuali 6.Tv.F.Lalramliana 7.Nl.Lalramchuani 8.Nl.K.Lalhmangaihzuali 9.Nl.Lalmuansangi 10.Tv.K.Lalnunpuia
11.Tv.Liansangzuala 12.Tv.Robert.Zoremtluanga
YOUTH FOR CHRIST: 1.Pu.K.Lalbiakhlira(Convener)
2.Nl.Lalramchhani 3.Nl.C.Lalzemawii 4.Tv.C.Vanmawia
5.Pu.C.Ngurthanzama 6.Nl.H.Lalneihmawii   7.Nl.C.Lalrinengi

(Current a thim leh tlat mei...... Intuaitharna Programme chu vawiin tlai lamah en theihin a awm ang.

He thu hi a ngaihnawm ve riau...

Two men are stranded in the desert. One man has water, while the other has none. There is enough water for one man to make it to safety. However, if they share the water, they will both die before they could get to safety. What does the man with the water do?

The rabbinical answer is that the man with the water should take the water to save his own life. Of course, the Christian answer is that the man with the water should give it to the other man and give up his own life. I discussed this specific example with my Jewish supervisor, who is married to a rabbinical scholar. Apparently, it made quite an impression, since the topic was discussed by the husband and wife, who reported their conversation back to me. When confronted with the differences between Judaism and Christianity, both thought that Christianity took the higher moral ground.

VENG CHEI THAR A NI...TLEMTEIN

Bazar chu chei that a ni a, Numaliani te, Chawhmeh zuar ho chu Pu Ramthanga(L) te in varandah-ah an in pho top....

a lan dan mai khi chuan a ro hmel ngawih2 thin e...thil zawrhna pawh a ang lo...mahse kan veng ho chawhmeh leina ve ber a ni e. Buiding infrastructure lam hi chu kan la hniam ve hlawm khawp mai.

Kawng hi tlem an lai zau a, chuan Sidedrain hi an siam bawk...wet area lam chu a ziaawm hmel ve deuh ta e...hma kan sawn hi chuan - khawchhiat laiin a diak a, khaw that laiin a khu bawk....

Pastor Quarters Gate hi tunlai Sorkarin hma a lak mek na kawngpui zauh chung changah Red Mark hmu vein tawlh hnung turin an ti a. An tihna ang chiahah phunnawi lovin Kohhran hrang hrangah Special Budget siamin heti hian Re-construction an bei mek...(ruah a sur deuh a nih hi)

LALTUA A THI

Tv Ramtea te in bul Step a mi, Laltu-a kha Dt. 13.7.2011 zing dar li khan Lungphu chawlin a thi...a pawi hle.
A natna hi lungphu chawl an ti na in zan khuain an inbawihsawm a, zing lamah a chat thla ta a ni. Tunlai zu ah hian Asthma natna vei a awlsam em em a, an vei tawh chuan an thihpui duh khawp mai... Thawk a har an ti a, an chau a, an thi mai... A thlalak kan nei lo tlat....

JOINT SERVICE CHU

Pathian awmpuina leh kaihhruaina hnuaiah Kahrawt branch K.T.P te nen Dt. 11.7.2011 khan Sunday School Hall-ah Joint Service kan hmang a, a nuam khawp mai.

Secretary te 2 report pek a ngaihnawm a, Kahrawt atang Solo leh Felfeli zai te ngaihthlak a nuam khawp mai...Short sermon diktak Pu Zotea(Kahrawt Leader) hnen atangin kan ngaithla a, Kahrawt Short Play leh kan Branch atanga Group zai te chuan boruak a siam hle. Tin, Uvana' n present a pek cu lawm a hlawh hle bawk.

kan secretary(Pu Sangtea) pawh a che zei khawp mai

Group zai an thiam a, mahse a thiamna lang tur khawpin sound lam an failed deuh tlat...pawi khawp mai.. mahse an thiam e....an hmel phu lohin..heh..heh/////

Hall chu kan khat mawi tawk ve khawp mai...

Thianpa Ramtea'n Kahrawtin present min pek chu thla a lak pui a, a bula pangkhing lang khi Usangtea a ni e.... Internet a chk loh thin em avangin duh angin thlalak ka post thei lo, sorrrrrri

MHIP LEH PHAI

MHIP  in tur, hnatlang an laih vung chu JCB leh Tripper hmang leivung paih fai a ni.


chua,.... PHAI pawh buh an phun tan tawh a, a nalh tan tawh khawp mai.....

JOINT SERVICE NEI TURIN BANNER

Joint Sevice Kahrawt Branch K.T.P te nen kan neihna a tar turin Banner kan siam e

Enkawla leh Pekpuia te chuan an uluk hle mai....

Kan pawt dalh dalh a, kan hlim hle mai.

a bel pawh kan uluk hle mai...

Tichuan hei hi a lo chhuak ta a ni. He mi zana kal te:

1) Kei(a atangkai lo ber)

2) Tv R.Lalramliana(kan hotupa)

3) Enkawla(a beltu)

4) Pekpuia(a endiktu)

5) MP-i(eitur siamtu)

6) Rohmingi/te-tei(fevicol tattu)

7) Sawmtei(kan chhawr rim phal loh)

8) Unaunu Zualtei(fel ememi)

ZOTUI (Dt. 10.7.2011)

YMA FLAG LEH A KAIHNAWIH

Dt.9th .July.2011 (Pathianni) : Kan flag hian entir awmze nei tak a nei. A chung berah a sen a awm a, chu chuan YMA chu pawl lar tak leh Zohnahthlak tawh phawt chuan kan hriat vek a ni tih a entir. A laiah a var a awm leh a chu chuan pawl thianghlim, mitin huapzo a ni tih a entir leh a. A hnuai berah a dum hian YMA chu mi chanhai, riangvai leh lusunte thian a ni tih a entir.

Tun dinhmuna YMA hian kan thiltum leh dinchan pathumte hrechang lo lek hian chak tak leh ropui takin kan kal ta em? tih hi kan inenlet fo a tul.

YMA chu Politics rawngkai lo, tlawmngai pawl a ni tih hre reng chung hian YMA hi Political platform-a hmang duh hruaitu ikan nei a nih chuan a  vanduaithlak ngawt ang le. Kan hruaitu thlan danahte hian Politics rawngkai lo, tlawmngai pawl a nihna i tilang zel ang u.

MHIP LAWMTHU

M.H.I.P Day (Dt.6th.Jul.2011) ni khan kan din champhaphak lawmna atan kan inhmun laiin kan hnatlanga, members 60 lai kan thawk chhuak thei, kan lawm hle. Hemi ni hian kan zawh hman loh deuh avangin Ni 8th.Jul.2011(Friday) khan kan hnatlang chhunzawm leh a, hemi ni pawh hian members 40 lai kan thawk chhuak leh thei a, a lawmawm takzet a ni. M.H.I.P Day pual hian mi inphal /tlawmngai ten thilpek hlu tak tak min pe a :

1.  Pi Zaitei _ Rs.200

2.  Pu Zamkhawnanga _ Rs.200

3.  Pi Thalmeni _ Rs.  50

4.  Pu Nghaktea _ Vawksa 1/2 kg

5.  Pi Ngaihtiangi _ Amul & Chini

6.  Pi Hauthangi _ Antam

7.  Pi Hnuntei _ Buhfai

8.  Pi Lawmi _ Buhfai

Tin, hnatlangho eirawng min bawlsak tura inthlahrung tak chunga kan ngen leh kan sawm ten chak zawk ang maia phur taka eirawng min rawn bawlsak thin hi kan lawm takzet bawk a ni.

Tlawmngaia hnatlang thawk chhuak zawng zawngte leh phal taka thilpek min petute zawng zawng chungah Kanan Branch M.H.I.P hruaitute kan lawm tak meuh a ni.

Sd/- (C.LALTANPUII)

Secretary

M.H.I.P Kanan Branch

-------------------------------------------------------------------------------------------------------------

Engineer zir dawn

Tv.Lalremsiama s/o T.Lalrotawna chuan Computer Software leh Hardware engineering zir turin a inziak tling ta.. A zirna hmun tur hi Tamin Nadu a ni ang.

Gopal-a

Mumbai-a Mizo nulate hralh thintu Gopal-a chu naktuk hian Aizawl rawn hruai thlen a ni ang.

Joint Service

Champhai Kahrawt Branch KTP te chuan naktuk zan hian Kan Branch KTP te an rawn tlawh dawna, programme chi hrang hrang hmangin Pathian an fakho ang.

Kawng siam zel

Kan Veng lun lai kawngpui  chu siamthat hna thawh chhunzawm zel a ni a. Hemi atan hian ni za inhlawhna sum atangin in khatah Rs.400 zel cut tur a ni a, hemi pawh hian a la daih dawn lo nasa niin kan lo hria.

SECTION NEWS

Taitesena Sect. : Kar kalta Zirtawp zan khan an committee-a, an section huam chhungah boruak muanawm leh thianghlim zawk a lo awm theih nan Welfare Committee an din. Chuta an hruaitute chu :

Chairman :Pu Haukhanmunga

V. Chair. : Pu C.Lalmuankima

Secretary:Pu K.Lalhmunsanga

Treasurer : Pu C.Lalsangzuala

Nimin zing khan an section huam  chhung bawlhlawh tifaiin an hnatlang nghal bawka, member thawk chhuak an tha hle.

School naupang exam a hnaih tawh avangin an huam chhungah tumahin bengchheng siam lo turin veng chhung mipuite an ngen a ni.

-------------------------------------------------------------------------------------------------------------

Damlo te

# Ramnunsanga s/o Remchhunga chu inrelah a tla a, a awm ruh a sawh khaw lo niin kan lo hria. Tunah hian damdawiinah enkawl mek a ni a, that lam a panzel niin kan lo hria.

# Pi Maria-i W/o Pu Ramlawma K.Sect a mi chu Lung lam that lohna avangin Seven Day Hospital Zotlang ah an in enkawl mek a,hma a sawn zel niin kan lo hria.

#   Pi Luahthangi pawh in- check up-in Aizawlah a thang mek bawk.

Editorial......

Hlawhtlinna..

Mi zawng zawng hian kan kawng theuhah hian hlawhtlin kan duh a, vanneih kan duh theuh bawk. Mi hlawhtlingte kawng hi han chhui kir ila, kawng nuam leh kawng zal fai tha taka kal erawh an awm hauh lo thung. An kawng zawha an harsatna tawh lam hmuh kanin chung harsatna an pal tlang tawh hnua an dinhmun tha tak leh awhawm tak chu kan hmu hmasa zawka. An nih ang nih ve kan chaka, mahse an harsatna tawh ang erawh kan tuar peih ve thin lo a ni.

Hlawhtling bik turin Pathianin tumah a duangsa bik lo tih hre mah ila kan hlawhtling thei si lo a, engvang nge ni ang?  ‘Harsatna chi hrang hrang kan tawrh peih thin loh vang’ a ni.

ZONET Cable TV chuan Mizo Idol 2011 a thlang leh dawna, Entertainment Champhai District pawhin tun thla ni 26 hian Chhaktiang Lelte a thlang leh dawn bawk. Zai lama tui mi, hetiang intihsiakna hmachhawn tum te chuan a lo hlawhtling tawhsa te tun hun hman dan thlir lovin hlawhtling tura an beihna kawng hi chhui kir zawk a tha hle ang. Kar hnih khat lek practice-a topper nih tum nghal ngawt mai te hi hlawhtlinna hian kawng a hawn tha duh der lo nia.. 

Tunlai khawvel thiamna sang tak leh mithiam tam tak awm tawhnaah hian eng kawngah pawh hlawhtling tur chuan theihtawp bakah ‘tlem’ san belh leh a ngaih hmel ta khawp mai. Tin, “hlawhtlinna chu pawn lam lang theiah ni lovin chhungril lam atanga intan, mite hmuha par chhuak a ni tur a ni a, chu chu a tlo a, kumkhua a daih thin a ni,” tih hi hriat reng tlak a ni bawk ang.

CHHAKTIANG LELTE THLANNA

Entertainment Champhai District chuan Champhai District chhunga Zaimite promote-na atan ‘Chhaktiang Lelte’ thlanna a buatsaih dawn a. Champhai District huam chhunga zaimi zawng zawngte lo tel vek tura ngen leh sawm in ni e.

Tan hun : Dt.26th July 2011 (Tuesday)

Prize

1st - Bike (mipa tan) 

 Scooty (hmeichhe tan)

2nd - Rs.20,000

3rd - Rs.10,000

Top ten tan lawmman tha tawk tak siam tum a ni bawk.

Top Ten Offers : 

1) Zonet Mizo Idol-ah Top 50-ah an lut nghal ang.

2) AIR leh DDK-ah Artist tura zaina chance pek an ni ang.

FORM LAKCHHUAHNA HMUN TURTE :

1. Pu Zuata Dawr, Dawrkaikawn Kahrawt

2. Nancy Fashion Store, Vengthlang

3. LR.Store, Dawr Veng (Pi Matluangi Dawr)

4. LCN site Office, Awmpui Veng

5. Malsawm Bakery, Bethel Champhai

6. LCN Main Office, Zotlang.

Form hi Rs.10/- kenga lakchhuah tur a ni a, 20th July 2011 aia tlai lovah mahni form lak chhuahna counter-ah thehluh leh tur a ni ang.

Sd/- (DAVID LALTHLAMUANA)

Asst. Secretary

Chhaktiang Lelte Organising 

Committee

Champhai District : Champhai

Hriat zauna

Thlan chi hrang hrang

Hmanlai Mizote khan a mihring azirin thlan laih dan bik an nei a, chu’ng te chu :-

1.Lungkuang thlan : -Thlan laih pangngaia laiin a thlan chhuat leh a sir tawn tawnah lung phek an phah chhuak veka, chumi hung chhungah chuan mitthi chu an daha, lungphek bawkin an chhin leha. Thlan laih chhungin tlangval thenkhatin lungphek hi an lo zawng thin. Lungkuang thlan hi mi bik tana siam a ni.

2. Tianhrang thlan : Thlan laih dan pangngaiin an lai phawt a, an duh tawka thuka an laih hnuah a chhuat zawlin lehlam chu thlan sei zawng chenin an ker puk ta vaka. Mitthi pawh phum se lang phak lo tura thukin an kera; a kawngka chu thingin an tung phui leh tlat thin. Hetiang thlan hi Pasaltha leh mi bikte phumna thlan a ni.

Chhirtute ngaihdan....

#  Section pakhatah hnatlang an nei dawna, chumi hriattirna chu information mic. atangin kan au thina. An mahni/a hnatlang tura te hriat tura an section information line chauha au mai hi a tawk lo em ni... Section pakhat chauh hriat tur nisi section zawng zawng information line-a au tel ve kher hi a tul lovin beng chheng mai mai a ni.. 

Pu Editor, eng nge i ngaih ve dan le...?

Het sala....Huat awih loh 

@Thla hmasa atang khan kan News Editor Tv.TBC Lalkima chuan a thawh thumna atan Kristian Naupang chanchinbu a la thar ve leh ta...

@Pi Lalhmangaihi pawh thlan hluamin Tuipui kamah a nui thler uar uar ta mai  a...

@E heu... Delhi lam sas a lo haw leh ta,  U Kimte, kan inang lo leh pek dawn mang e ka ti...

- Tv.DNA N.Sect. Secy

@Omte, kan nu awm loh lai a nia, vacancy a awm a nia.. - VL Rona Ed...  

==========================================================