Chanchinthar...KTP AW 24.6.2011 ISSUE

MEET BORUAK A NUAM ZEL

Kanan Br. K.T.P - Dt. 26.6.2011 : Theih tawpin kan inbuatsaih a, kan nghakhlel a, Meet hmang tur palai duhawm tak tak hmuh kan inbeisei a, tichuan, chung te chu a rawn thleng ta. Kan hlim tlang hle a, Meet boruak a nuam zel e.

Nimin lamah PD Sena Memorial Hall-ah Variety Programme hman a ni a, boruak a nuam viau nain inkhawm erawh duh angin kan la tha vak lo. Zan lamah Pathian biak Inkhawm hman a ni a, he Inkhawmah hian Bial Report pek a ni a, Sermon ngaihthlak a ni bawk. Vawiin lam chiah hun kan lo nei leh ta, a khamawm loh hle dawn a ni, vawiin chu Pathian fak turin inpe ila, kan hun te am takin i hmang ang u.

Vawiin lam programme han tarlang ila:

Chawhma Pathian biak Inkhawm

Hruaitu : Rev. David Lalrinmawia Sailo, Presbytery Moderator

Thusawitu : Pu C.Rochangliana, Vice Chair.

Zaipawl : 1) Ruantlang Bial Zaipawl

2) Hospital Branch Zaipawl

3) Kelkang Bial Zaipawl

Thilpek lakkhawm a ni ang a, Meet puala serhhran tur a ni ang.

Chawhnu Pathian biak Inkhawm

Hruaitu : Pu F.Lalthanzuala, Asst. Secy.

Thusawitu : Pu Lalrinawma Varte, Trea.

Zaipawl : 1) Kanan Bial Zaipawl

2) Zotlang Branch Zaipawl

3) Vengsang Branch Zaipawl

4) Melbuk Branch Zaipawl

Zan Pathian biak Inkhawm

Hruaitu : Pu C.Rochangliana, Vice Chair.

Thusawitu : Pu C.Liansanga, Chairman

Zaipawl : 1) Vengsang Bial Zaipawl

2) Kanan Branch Zaipawl

3) Zokhawthar Branch Zaipawl

4) Combine Bial Zaipawl

Thlengtu pualin thilpek lakkhawm a ni ang.

TLAI FELLOWSHIP

A hmun : PD Sena Memorial Hall

Hruaitu : T.Upa H.Phairosiama, Leader Kanan Bial

Tantu : Nl F.Biakthianghlimi, Melbuk Br.

Items :

1) Solo : Tv Lalmuanawma, Dilkawn Br.

2) Duet : Dinthar Branch

3) Musical Drama : Vengsang Bial

4) Male Voice : Mualkawi Branch

5) Solo : Nl Lalrinfeli, Zokhawthar Branch

__________________________________________________________________________________

THAWHLAWM....

# Tun thla chhunga Pathianram ip kan hmuh dan hetiang hi a ni e. 

Ip 275 tlain 72.36% chauh a tla a, thla hmasa lam kan phak lo deuh niin a lang.

Pathianram  :  70407

Ramthar : 41547

Tualchhung : 58218

Biak In : 59618

# Pathianni hmasa K.T.P Faith Promise ip lakkhawmah ` 10070 hmuh a ni a, thla hmasa lam kan phak lo deuh bawk.

# Tukin hi Kohhran Hmeichhe Missionary ip lakkhawm hun a lo ni leh ta bawk e.

# Tin, tunlai chho hian Krismas & Kumthar thawhlawm section hrang hrang ten an khawn chho mek a, lo remchang thei thin ila a duhawm hle.

# Tun thla chhung Ramthar ip lakkhawmah khan ip 271 a tla a, ` 25400 hmuh a ni e..

INTUAITHARNA

Puitling Sunday School leh Naupang Sunday School Zirtirtu Intuaitharna Kohhranin a buatsaih dawn a, a hun atan Dt. 8 July, 2011 (Fri) zan a ni ang. Programme hetiangin

Chair :  Upa Chawngliana   Superintendent

Thusawitu : Rev. C.Thangthuama, Bialtu Pastor

HEALTH SUNDAY & HOSPITAL SUNDAY

Pathianni leh khi Health & Hospital Sunday a ni a, he huna thupui sawi tur hian hunruat chhuak pangngai rin tur a ni ang.

#Vawiin tlai hi Chawngheia tawngtai hun kha a ni a, meet avangin vawiin tlai tawngtai chu thulh mai tur a ni e.

__________________________________________________________________________________

MEET PALAI DINHMUN

Nizan Inkhawm ban thlenga riaka he Meet hmangte :

1) Dilkawn Branch - 29

2) Kelkang Branch - 14

3) Chhungte Branch - 9

4) Zokhawthar BZP - 22

5) Kelkang BZP - 23

6) Hruaikawn Branch -2

7) Tuipui Branch - 5

Total - 104

Beisei aiin Meet hmang rawn riaklut an tlem tlat mai. Tin, vawiin lama langa Meet hmang tura rawn kal zawng zawng te haw lova zanriah min kilpui vek turin thlengtu Kohhran  te chuan min sawm tak meuh meuh a ni. Chhungtinte in tan an lo inbuatsaih e.

PRAYER REQUEST:

# Tukin chhung Inkhawm chu Meet pualin tawngtai ila, Thalai ten he Meet hmanga Pathian kan pawl theih nan leh A tana kan inpek deuh deuh theih nan tawngtai ila.

# Jail tangte tan i tawngtai bawk ang u.

GROUP NEWS

# Upa Khawtinthanga Group te Forest Department hnuaiah Banner siamin an inhlawh a, Group Budget an tlin ta, remchang hmasa berah pek an tum. Tin, anni Group hian kum tawp lamah intihhlimna eng emaw ber neih an tum hle a ni.

Group dang erawh an reh hle mai.........

HNATLANG

Naktuk hian Pandal thiat leh Hall singsa te leh thil tul dang tam tak senghawiin K.T.P member te hnatlan tur a ni a, member te hnathawh tur a tam avangin thahnemngai takin hnatlang thei ila. Tin, Kohhran nu leh pa ten min rawn puih theih chuan kan lawm hle ang.

-------------------------------------------------------------------------------------------------------------

Champhai Kanan Kohhran Chanchin tlangpui.....

The Local Church History of Kanan Presbyterian Church:Champhai




A BUL ATANGIN : 
Kristianna luh tantirh dan-

1) KRISTIANNA PULUTTUTE :
Kristianna puluttu hmasa ber chu Pu Thangbawnga a ni a. Kum 1918 khan a thiante pathum hruaiin an kal a, "Pathian thu lo awih ve tawh rawh u" an ti a. An thu sawi mawl tak chu Pathianin mal a sawm a. Chhungkaw pathumin an awih ta a, chungte chu-
1) Pu Dothata te chhung
2) Pu Laipawnga te chhung leh
3) Pu Thangkana te chhung te an ni a. Heta tang hian Kristianna meichher chu mit lovin a eng ta zel a ni.

2) RINGTU HMASA TE CHANCHIN :
Heng hun lai hian Pi Pute sakhua, ramhuai biak, inthawi leh zu hmun hlimna a nasa hle a. Ringtu thenkhatte chu han tawlhkir leh ta te pawh an awm bawk. Kohhran Inkhawm pangngai pawh an luahkhat thei lo thin. An phur deuh chang apiangin an inkhawm mai thin a ni. Khawvel mite sawichhiat leh hmuhsitna an tawk nasa a. Nula leh tlangvalte pawhin hming an han pe ve thin tak na a, chawn leh lam nawmnain a hruai kir leh a, an bang leh mai thin a ni.

2) AN HNATHAWH TE :
Kohhran lo ding tir a ni bawk a, thawh tur a tam hle. Kristiante an lo pun zel avangin Biak In neih a tul a, hemi atang hian theih tawp chhuahin an bei a. Kum 1939-ah chuan Biak In hmasa ber chu an lo nei thei ta a ni. Kristian ni lo te Inah lengin Kristian an nih theih nan theih tawp chhuahin an kawm thin a ni. Kum 1940 atangin Sunday School pawh an nei thei ta a. Kohhran pawh a puisui tial tial a, hma a sawn ve zel e.

3) INKHAWM NEIH TAN DAN :
 Inkhawm an han nei tan chu an la mawl hle a,puan veng leh tawnzau ha a Inkhawm te an la tam hle a, thusawitute pawhin tawnzau bak an la ha meuh lo. Dar nawn hunte pawh 'chair' atang veka thunun a ni. Chairman-in a duh hun hunah dar vaw turin a ti mai thin a ni. Eng lamah an harsa em em a. Kham kuhaite an la a; a hnuh kha an dah khawm a, chutah chuan la hrual an dah a, an chhi hluah hluah mai thin a ni. Chu chu an eng neih that ber chu a ni mai.

BIAK IN SAK THAT INDAWT DAN ;
1) Kum 1939 -ah Biak In hmasa ber ska a ni a, he Biak In hi a chung atan di hman a ni a, a tha ve hle a ni.
2) Kum 1951, Biak In hmasa ber sak atanga kum 12-naah Biak In sak that leh a ni a, a chung atan mau hman a ni ve thung.
3) Kum 7 hnu, 1958-ah Biak Insak thar leh a ni a, hetah hian a chung atan rangva hman a ni a, Kahrawt Pastor Bial -ah Kahrawt leh Vengthlang tih lohah chuan Biak In chung rangva nei hmasa ber an ni.
4) Rambuaiah Chhungte khua chu Champhaiah khawmluh an ni a. Anmahni venga a hranga an awm avangin Biak In pawh khawhlui a mi thiata Champhai khawchhunga sak leh a ni a. Hei hi kum 1969 khan an sa tha leh a ni.
5) Kum 1979-ah sak that leh a ni a, a chung rangva, a chhuat cement concrete, a bang tile leh skirting pawh brick a sak a ni. A chung chu in pathum ang deuha sak a ni a, hetiang ang Biak In hi hetih hun lai hian Zoramah a vang hle a ni awm e.
6) Kum 1987 October thla atanga tanin Biak In thar a dung 94ft, a vang 44ft a sak leh a ni a. A vaiin Rs Nuaih 15 vel z sa zo thei tura beisei a ni a, mahse hei aia tam daih hi an seng a ni.

BIAK IN HMUN NEIH DAN
Chhungte khuaa an awm lai chuan hmun thuah harsatna a awm lova, an duhna hmun remchangah an sa mai thin. Champhaia khawmchhoh an nih hnuah pawh hmun remchang berah Biak In hmun chu ruatfel nghal a ni mai a. Mahsela khua leh mihringte, in te a lo tam zel a, tun hmaa ahmun laili ber ang a lang thin chu khaw lu lam a lo ni ta mai si a. Hmun laili remchang leh hmun ruak a avang si a. Kohhran Committee ten Pu Ngurchhina hmun tlang bawk ta tak mai chu Rs 7400 in an lei ta a ni. Hetah hian Biak In leh Sunday School Hall chu duhtakin a leng a, a laili a, tun thlengin hemi hmun hi hmun remchang taka a la ni.

KOHHRAN THAN ZEL DAN
Chhungte khuaa an awm lai hian Kohhran in 40 vel a ni deuh ber a. Hetih hunlai hian khua a tet avangin hmsawn a har hla. Upa tarlan hmasak ber Upa Dengbuaia'n a pemsan tak avangin Upa pakhat chauh Upa Khawtinthanga an nei a. Kum 1961 khan Upa pakhat an neih belh leh a, chu chu Upa Hmingliana a ni. Kohhran member an lo pung vel zel a, kum 1965 khan Upa Hrangkhuma leh Upa Lalmuana te thlan a ni leh a. Heng ho zawng zawng hi Chhungte a awmlaia Upa te an ni. Hengho hian Kohhran an enkawl char char ta a ni.
Mizoram a lo buai tak avangin khaw tam tak chu sawi khawm an ni a. Chhungte pawh chu Champhaiah khawm chhoh a ni a. Champhaia awm hnuah chuan KOhhran member pawh an l o tam chho deuh deuh a. Khawdang atanga lo pem lutte pawh an tam tial tial a. Kum 1981 khan Upa 3: Upa Chawngliana, Upa Khawkunga leh Upa Hrangchhuana te thlan leh an ni a. K.T.P leh Kohhran Hmeichhia lam pawhin hma an sawn chho zel a. Biak In tha zawk te Sunday School tha zawk te, member tam zawk te kan lo ni ta zel a. Pathian ram thilpek pawh a lo pungin Sunday School thawhlawm pawhin hma a sawn chho ta zel a ni. Kum 1987-ah chuan Upa Vanlalnghaka chu Upa atan nemngheh a ni ve leh ta a. Kum 1991 -ah Upa C.Thangvuka leh Upa Dengrikhuma te chu thlan an ni leh ta a ni. Hemi te hi Upa lo nisa thlan nawn leh(pem upa) an ni. Tichuan upa 7 leh T.Upa 5 neiin Kohhran Committee member chu 12 an ni ta a. Kohhran Full member pawh 560 lai an lo tling chho ve ta a ni.(as on 1994)

HARHNA LO THLEN TAWHNA KUM TE:
Harhna hi a thleng ve zauh zauh tawh a, mahse mumal tak leh chhinchhiah tlak deuh deuh te chauh tarlang ila :
Kum : 1939, 1946, 1951,-1955, 1965, 1970, 1983, 1984, 2007