K.T.P AW...ISSUE 41(Dt.27.11.2011)

PAGE - I 

THAWHLAWM.... 
# Pathianni hmasa Pathianram ip lakkhawm vawi hnihnaah ip 64 tlain hetiang hi sum hmuh dan a ni.
       Pathianram 22975;       Ramthar 11260;       Tualchhung 15850;       Biak In 11975;       Total 62060  
Tichuan Pathianram hi avaiin ` 259136 lai mai kan hmu a, ip hi 287 lai a tla bawk a ni.

# Pathianni hmasa K.T.P Faith Promise ip lakkhawmah khan Rs 11755 lai mai hmuh a ni a, a lawmawm thin hle mai.

# Tukin hi Kohhran Hmeichhe Missionary ip lakkhawm hun a lo ni leh ta reng mai. Kum a tawp tep tawh bawka thahnem i ngai thar leh teh ang u.

BIBLE EXAM
Thawhtan kalta khan khawl lam chiang kuan loh avangin Bible Exam paper sem chhuah a ni lova, naktuk zan Inkhawm banah sem chhuah a ni ang.

HNATLANG
Kohhran Hmeichhe Ni (Zirtawp)ah khan mi 56 an hnatlang a, khawlai an ti fai tha khawp mai, thingpui tui tak an in a. Tlai lamah Show ropui tak an nei a, ` 1540 lai an hmu a, he an show hian hlut a hlawh hle. Zanah Inkhawmna hun an hmang a, Women Centre chanchin an zir ho.
# Mizo ten Kohhhran Upa Hmasa ber kan neih tan, kum 1911 atangin kumin (2011) hi a kum 100-na Centenary a ni a. Mission Veng Branch KTP chuan Mizoram Kohhran Upa Centenary Lawmna hun hi Biak Inpui, Mission Vengah an buatsaih.

-----------------------------------------------------------

KOHHRAN UPA KAN THLANG DAWN

(Kohhran mipui te’n thinlung leh tihtak zetin Kohhran Upa hi tawngtaiin Pathian hnenah i dil ang u.)

Kanan Br. K.T.P : Dt. 20.11.2011 : Bial Inkhawmpui, Dinthara neihah khan kan Kohhran chuan Kohhran Upa 3 dilin inkhawmpui khan Presbytery a kal zel turin min chhawpchhuahsak a nih kha. Tichuan, Zotlang a Champhai South Presbytery Inkhawmpui chuan Kohhran Upa kan dil zat hi thlan min phalsak ta bawk a, tichuan, vawiinah hian Kohhran Upa chu kan thlang dawn ta reng mai.

Kan Kohhran dinhmun. Upa kan mamawh em??? :

Tunah hian Presbytery Statistics(as on August 31) angin kan Kohhranah Kohhran member 1806 awmin Kohhran Dan zawhkim hi 1102 lai kan awm a, chhungkua(awm hlangna) hi 387awmin inawmpawlhna hi chhungkua 5 kan awm bawk. Hetihlai hian Kohhran Upa hi 9 awmin Tual Upa hi 6 kan nei thung a. Bial thenah(average a lakin) Kohhran Committee pakhat hian  in/chhungkua 26 zel vawng ang an ni a, Upa pakhat hian Kohharn Dan zawhkim Tual Upa tel lovin Kohhran dan zawh kim hi 123 vel zel enkawl ang an ni bawk.

Tin, kan   Kohhran Upa kum chawhrual(average) hi 67.33 an ni. A upa ber hi Upa Hrangkhuma niin kum 81 a ni a, a naupang ber hi Upa Lalmaka niin kum 55 a ni. Tin, Tual Upa kum chawhrual(average) hi 65 vel an ni bawk. 

Tichuan, heng tehna pahnih atang ringawt pawh hian kan Kohhran hian Kohhran Upa hi kan mamawh hle niin a lang e.

Inthlan hi???? : Kohhran Upa thlang tur hian Kohhran Dan zawhkim zatve(kan Kohhranah chuan mi 551) tal kan Inkhawm a ngai a. Tin, Inkhawm te vote hmun thuma thena hmun hnih(3/2) tal hmuh a ngai bawk. Chuvang chuan Kohhran thenkhat chu Kohhran Upa thlan tum hian an hlawhchham fo tawh thin reng a ni. 

Pathianah Innghat ang...: A mite’n hruaitu tha kan neih chu kan Pathian hian a duh ngei ang. Chuvang chuan thinlung leh tih takzetin tawngtai ila, Upa thlang thei ngei tur kan inkhawm theih nan leh kan thlan chhuah theih ngei nan i dil ang u.

Sunday School lam...: Hming lam zawhah inthlanna hi neih tur a ni a, tin, NPSS lam pawh hming lam zawhah Zirtirtute chu Biak Inpui lamah chhoh mai tur a ni e.

Upa kan neih tawh zat...: Kan Kohhran hian Kohhran upa hi 14 kan nei tawh a. Chung zinga mi 4 chuan Chatuan ram min pansan tawh a, pakhat chu a pem chhuak tawh bawk. Kan Kohhran hian Dt. 29.10.2006 a Upa kan thlan bak kan la thlang leh miah lo a ni.

-----------------------------------------------------------

PROGRAMME
Chawhma Sunday School
Tantu : Pi R.Thanzuali
S.S. Zirlai : Zirlai 43 - Chhandamna leh Kohhran & Zirlai 44 - Chhandam hlimna

Chawhnu Inkhawm
Thusawitu : T.Upa C.Lalbiakmawia

Zan Inkhawm
Thusawitu : T.Upa F.Vanlalrosanga

FELLOWSHIP
Hruaitu : Nl C.Lalrozami
Tantu : Nl R.Lalremruati
Krismas hman duh dan sawina
Sawitu : Nl Remtluangpuii
Hei bakah hian mi pakhat tan sawina hun hawn a ni bawk ang.

K.T.P  INKHAWM
Hruaitu : Pu C.Vanlallawma
Tantu : Nl Rampanzeli
Thusawitu : Nl R.Lalengkimi
December thla rawngbawltu hlanna
Hlantu : Pu C.Rodinsanga

KOHHRAN HMEICHHIA
Hruaitu : Pi F.Lalchhuangi
Tantu : Pi Tlangmawii
Thusawitu : Pi R.Lalroengi

NPSS ZIRLAI
Beginner Department
Berampute
Primary Department
Berampute
Junior Department
Mary Slessor
Intermediate Department
Insumtheihna
Sacrament Department
Pathian biak - Thilpek leh tawngtai
Senior Department
Nuna rawngbawl & Ziaka rawngbawl
-----------------------------------------------------------

NPSS ZIRTIRTU COMT.
Vawiina Upa thlan zawhah hian NPSS Zirtirtu zawng zawng te thu pawimawh tak ngaihtuah tur a awm avangin Sunday School Hall-ah Committee tur a ni a, kim taka kal tur a ni e.
-----------------------------------------------------------

PAGE - II 
Editorial..........
TUNLAI KAN BORUAK HI

Tukin chu a lawmawm zawngin thil i thlir teh ang.


Tunlai kan boruak pakhat chu Naupang thenkhat te’n tawngtai an ngaina a, zing leh tlaiah tawngtai turin Biak Inah an kal thin. Tin, Biak In an ngaina a, hmeichhe naupang thenkhat phei chuan Biak In kawt velte an phiat fai thin. Tin, naupang thenkhat chu Tawngtai hun biah lo pawh thian hoin hnehna puang chungin Biak Inah an tawngtai thin bawk...


Aw... Kan hun tawng hi ava lawmawm em... Heng zawng zawngte hi Pathianin malsawmna min pek a ni. 


Hetih rual hian rual u zawk te’n mawhphurhna lian tak kan nei e... Anni nun enkawla kai hruai tur leh phurna te pe thin tur hian kan kal hmasak a ngai. Biak In leh a chhehvelah pawh kan mit kham zawnga an lo awm a nih palh pawhin awm dan tur tha takin hrilh ila, i fuih sauh sauh ang u. Tin, chhungkua pawhin fuih zel ila, Biak In hi i ngainattir ang u.  Hei tluka hlu hi a awm chuang dawn em ni??? Tunlai kan Boruak hi a duhawm teh a sin!!!!!
-----------------------------------------------------------

KRISMAS COMMITTEE LAM PANG

A hun kan hnaih telh telh a, chanchin a ngaihnawm telh telh mai. Ninga zan khan Krismas Committee neih a ni a, thurel tlangpui te:

1) Krismas leh Kumthar thlen in(lenkhawmna) chu Sunday School hall (emaw Kohhran Hall remchang ber)ah a ni ang a, a thlengtuah Branch K.T.P. te an ni ang. Anni hian thil tul leh buaipui ngai a piang apiang an buaipui dawn a ni.

2) Tin, Section tin ten hun bi inangah ruai theh tur a ni ang a, ruai theh hun tur pawh hetiang hian siam nghal a ni:

Fatu         : Dar 1 ah

Mipui : Dar 2 ah

3) Section tin Report hetiang a ni.

VANAPA SECTION :

Puitling - 356; Naupang - 54; Chhungkua - 105

Sum hmuh tawh - Rs 34300

hmuh beisei - Rs 58260

Anni Section hian Pu Chhawna te in chhak Tanky bul velah khian ruai theh an tum.

NEUVA SECTION :

Chhungkua - 100; puitling - 300; naupang - 80

sum hmuh tawh - Rs 20000

Anni Section hian December ni 6 ah thing la a hnatlan an tum

KHUANGCHERA SECTION :

Chhungkua - 60

Sum hmuh tawh - Rs 38650

Anni Section hian Upa Vanlalnghaka te in velah ruai theh an tum a, a remlo thut a nih chuan Vanlaia-huan lamah a ni ang.

-----------------------------------------------------------

BIAL K.T.P COMMITTEE THU
Nimin khan Bial K.T.P te kan Kohhran Vestry-ah Committee an nei a, an thurel tlangpui te hengte hi a ni e.
1. Dt. 20-22 January, 2012 a Chhungte Kohhrana Bial K.T.P Conference Programme duan a ni a. Conference thupui tur hi  ‘Lawmchunga Lalpa rawngbawl’ (Sam 100:2) tih a ni ang a, Speaker atan Rev. C.Thangthuama, Bialtu Pastor a ni ang. Thupui hi Pathianni Chawhma Inkhawmah chiah sawi tur a ni ang a, hun dang chu Bial Hruaitu te’n an insawi chhawk thin dawn a ni. (Detail Programme chu tarlang lo mai ila)
2. Bial Zaipawl member indaihloh chungchang ngaihtuah a ni a, a hnuai amite hi Bial Zaipawl member atan lak/ruat thar an ni:
1. Tv C.Lalpekmawia - Kanan Branch
2. Tv Lalparlawma        - Dinthar Branch
3. Nl C.Lalhmangaihzuali - Kanan Branch
Bial Zaipawl member lak thar an nih leh tak avang hian Form man leh thil tul dang tur atan hetiang hian Special Budget pawh siam nghal a ni.
Kanan Branch - Rs 2000
Tuipui Branch - Rs  500
Chhungte Branch - Rs  500
Salem Branch - Rs  500
Dinthar Branch - Rs  500
Total - Rs 2000
Heng Special Budget te hi December thla ral hmaa pek tlak tur a ni ang.
3. Bial K.T.P Flag siam thar tir nise tih a ni a, tin, Committee-ah hian Bial K.T.P Sport Meet hman liam tak thlirletna neih a ni bawk.

-----------------------------------------------------------

CHRISTMAS TREE VANGIN
November ni 22 khan Auckland, New Zealand-ah helicopter a accident a. Mak tak maiin thi an awm lo a ni. Passenger pakhat damdawiin pan pui a ni a, a pilot erawh na lutuk nei lovin helicopter atang hian a chhuak a ni.
Christmas tree lian tak, building chhawng sarih vela sang siam nan he helicopter hi an hmang a, vanduaithlaktakin christmas tree an thlunna wire pakhat chu helicopter thla (blade) hian a tai a, vanduaina hi a tawk ta a ni.

-----------------------------------------------------------

KRISMAS THING LA
Nimin khan Krismas Vanapa Section te Krismas thing lain an hnatlang a, section huam chhung a mite an phur tlang hle a, mi 60 chuang lai an kal.  Motor pahnih hmangin thing an zuk la nuala, an section huam chhunga mi inphal ten sum thawhkhawmin sa an lei a, chaw tui takin an ei.
# Kan Leader Vairampur kal pawh a rawn haw a, a duh chuan thla a lakpui theih ang. Tin, a thil thar neih vel pawh a man a zawh theih reng bawk.

-----------------------------------------------------------

# Thawhtan hmasa member camper pual Inkhawmah khan hetiang hi inkhawm dinhmun a ni.
Upa KK Group - 25
Upa KT Group   - 21
Upa HC Group       - 24
Upa ZN Group        - 28
Total                        - 98
Thilpek - Rs 1006

-----------------------------------------------------------

# Kan Treasurer Aizawl zin ala rawn haw hman lo tlat mai.

# Vawiin lam chu ka hming hi a lang lo ang tih a sawi theih loh...Tv Enkawla

-----------------------------------------------------------

PAGE-I

KRISTIAN CHHUNGKAW CAMPAIGN BORUAK A NUAM HLE

(Zanin tleng tur hi a ni a, tan ila sauh sauh ang u)

Kanan Br. K.T.P : Dt. 20.11.2011 : Kohhran Hmeichhia te’n Kristian Chhungkaw Campaign beihpui an thlak a, in tinah kal kualin hun an hmang thin a. Chu chuan rah duhawm tak a chhuah thin; Chhung Inkhawm, Buhfaitham leh thil dangah hma kan sawn phah hle a. Tichuan tun tum chu a dan dang deuh hlekin ruahmanna an siam a, Kohhran Committee te remtihpuinain Counter for Christ Team te ruaiin nizan atang khan Biak Inah Kristian Chhungkaw Campaign neih tan a ni ta.

Nizan lamah pawh Inkhawm kan tamin Biak In kan khat hle a, a lawmawm tak zet a ni. He hun hi a rei dawn lova, vawiin hun zawng a nih tawh avangin Kohhran mipui te tan kan lak sauh sauh a tul hle awm e.

Nimin tlai lamah khan kan mikhual te hi an rawn thleng a, an vaiin mi 11 an ni. Heng mite hi an ni e.

1) Vanlalsailova(Speaker) 2) Rampuia

3) Lalthununpuia 4) Lalrinliana

5) Sangzuala 6) Driver(hming hre lo tlat)

7) Lalhruaikima 8) Lalremruata

9) Lalhruaitluanga 10) Lalropuia

11) Lalnunpuia

---------------------------------------------------------------

SLAB CHHUNG BAWKIN

Nimin khan Zorun Slab chhungin Branch K.T.P Member te kan inhlawh a, member te inpekna a zarah hma takah kan zo thei a, a lawmawm hle. Nimina member hnatlang kal zat han tarlang ila:

Upa Khawkunga Group         - 12

Upa Zaneihhmunga Group         - 9

Upa Khawtinthanga Group - 13

Upa Hrangchhuana Group     - 7

Mahni awmna Group hrelo te nen kan vaiin nimina hnatlang chu mi 45 vel kan ni e.

Lawmthu : Branch Y.M.A in inhlawhna tha tak min pe a, an chungah Branch K.T.P chu a lawm takzet a ni. Tin, member 45 vel lai mai hnatlang turin kan inpe a, kan chau hlawm hle ang. In chungah Branch K.T.P chu a lawm tak zet bawk e.

Tichuan he hnatlang, slab chhunah hian Rs 6000 lai mai kan hlawh a, a lawmawm hle thin mai. Hnatlang te hian tlaiah zanriah tui takin kan ei bawk.

---------------------------------------------------------------

PASTOR TRAINING : November 30 (Nilaini) thleng a awh  tur FG&CC -in Pastor-te puala Intensive Residential Pastoral Care & Counselling Training vawi 21-na, Synod Conference Centre, Mission Venga an buatsaih chu Nilaini  khan Synod Moderator Rev. C. Lalsanglianan a hawng. Tun tum training-ah hian Pastor 15 koh an ni a, an vaiin an tel kim thei a ni. FG&CC hian kumin January - 15 November chhungin pantu (client) 1000 an nei tawh bawk.

---------------------------------------------------------------

THAWHLAWM.... 
# Pathianni hmasa Pathianram ip lakkhawmah ip 223 tlain hetiang hi sum hmuh dan a ni.
       Pathianram 54697;       Ramthar 30731;       Tualchhung 67670;       Biak In 43978;       Total 197076
Pathianram ip hi a hmasaa remchanglo te tan vawiin lamah dawh chhunzawm leh a ni ang. Tualchhung lam kan uar a, a lawmawm hle.

# Tukin hi K.T.P Faith Promise lakkhawm hun a lo ni leh ta e. Thahnemngai takin aw....
---------------------------------------------------------------

BIBLE EXAM

Bible Exam a tawp berna tur chu Evangelical Cell lam ten an rawn peih fel leh ta. Naktuk zan Inkhawm banah exam duh apiang te’n lam leh tur a ni ang. Exam tur hi Zawlnei Isaia lehkhabu a ni ang.

HNATLANG

Nimin khan Kohhran Hmeichhia te Pangpar huan thloin an hnatlang leh a, an thlo zo a, tlaiah chaw hlui an kil ho nghal.

---------------------------------------------------------------

ATC HI...Kum 1907 khan Aizawl Theological Sikul din tan a ni a, kum 1965-ah Kohhran ngenna angin Serampore Senate chuan L.Th. sikul atana pawmin Serampore Senate zawmtu a lo ni ve ta a, a hming pawh Aizawl Theological College tih a lo ni ta a ni. Serampore Senate phalnain kum 1971-ah B.Th. zirna hawn belh leh a ni a, kum 1998-ah B.D. zirna hawn belh lehin kum 2000 atangin Dip.C.S, BCS leh D.Min zirna hawn belh leh a ni a, kum 2002-ah M.Th. zirna hawn belh a ni leh bawk. Tunah hian zirlai mi 135 an nei mek a, doctorate degree lak theihna tur atan hmalak leh mek a ni bawk.

---------------------------------------------------------------

ZAI HRUAITUTE :
Lectern : Pu Ramdinmawia
Keyboard : Pu C.Rodinsanga
Pu B.Vanlalchenpuia
Khuang : Tv T.Doneihthanga
Guitar : Pu C.Nguthanzama
Bassist : Pu C.Lalawmpuia

 MASS LAM

Kar kalta chhung khan Vanapa Section leh Neuva Section te an Committee a, tin, a hmasa leh lamah khan Khuangchera Section te an Committee bawk. Hmalakna tur an sawi a, issue lehah sum hmuh dan tarlan kan tum leh ang.

---------------------------------------------------------------

PROGRAMME

Chawhma Sunday School

Kristian chhungkaw Campaign

Chawhnu Inkhawm

Kristian chhungkaw Campaign

Zan Inkhawm

Kristian chhungkaw Campaign

FELLOWSHIP

Hruaitu : Pu T.Paungaihliana

Tantu : Nl Lallianpuii

Spl. Item: Pu K.Lalbiakhlira

Krismas hman duhdan sawina

Sawitute : 1) Pu K.Lianthanga

2) Tv F.Lalramliana

K.T.P INKHAWM

Phek lehlamah Programme a awm e.

KOHHRAN HMEICHHIA

Hruaitu : Pi Khuangthangi

Tantu : Pi K.Lalnunmawii

Thusawitu : Pi Vanlalzuii

NPSS ZIRLAI

Beginner Department

Mari leh Josefa an zin

Primary Department

Onesima

Junior Department

Hudson Tylor-a

Intermediate Department

Ngilneihna leh Thatna

Sacrament Department

Pathian biak dan leh a hmanruate

Senior Department

Nuna rawngbawl

---------------------------------------------------------------

PAGE-2

Editorial..........

INKHAWM LAIA CHHUAH HI.....

Tukin chu inngaihbel fe fe kan awm mai thei e, mahse hma kan sawn phahna a nih beiseiin kan thupui hi han ngaihtuah tlang ta ila a tha awm e.


Inkhawm laia chhuak te hian chhuah chhan an nei thin a, a inang lo thei hle thin awm e. Thenkhat chu hrisel lohna avanga zun ram thiar ngai te kan ni ang a, thenkhat chu thil pawimawh avanga koh chhuah te pawh kan ni thei ang a, thenkhat te chu damlohna avangte pawh a ni thei ang.


Kan Kohhran Inkhawmah hi chuan a chhuak thin te hi an chhuak an chhuak thin niin a lang. A then chu kan chhuah hian kuhva te kan lo va ei a, thenkhat chuan zial kan va zu a, a tha lo hle  a ni. Kan sawi tawh ang khian a chhuak thin ate hi lo chhinchhiah ila a ngaite bawk an lo ni leh thin.


Chuvangin Inkhawm laia chhuah hi harsatna ai mahin chhuah dawklak hri kan vei niin a lang a, sim a tha khawp mai. A thatna aiin thatlohna a nei hnem zawk ngei ang. 


Biak Ina kan luh dawn hian zun ram thiar lawk ila, min tibuai theitu tur awm hrang hrang te hi lo ti hmasa vek ila..Inkhawm laia chhuah hi i sim ang u.
---------------------------------------------------------------

BUDGET PE LEH TA

Pathianni hmasa Fellowship-ah khan Upa Khawtinthanga Group te chuan Group Budget Rs 6000 an pe leh ta a, Rs 100 laiin an khum thei bawk. A lawmawm thin  hle mai.

HRALH A KAL E

Calendar -2012 chu veng chhungah zawrh a ni ta a, veng chhung mipuite’n tlawmngaiin min lo leisak thin a, copy 500 chu hralh zawh a ni ta. Copy 100 dang chah leh mek a ni a, veng chhunga la zawrh lohna thenkhatah zawrh chhuah leh a ni ang.

ADVANCE CHRISTMAS

Bial Zaipawl, Salem Branch leh Chhungte Branch te chuan Dt. 8.12.2011 (Ninga zan, tla en lai takin) Chhungte-ah Advance Christmas an hmang dawn.

THU NAWI DANG

# Pathianni hmasa zana Venglai Kohhrana Joint K.T.P Meet -ah kan Branch Zaipawl member 100 chuangin hla kan rem thei a, a ropui takzet a ni. Lam lamah pawh hma kan va hruai thei bawk.

# Ningani khan Bial Zaipawl te chu Upa Vanlalnghaka te slab chhungin an inhlawh a. Upa Nghaka te’n inhlawhna an lo siamsak avangin member te an lawm hle.

---------------------------------------------------------------

KOHHRAN HMEICHHE NI

Dt. 25.11.2011(Zirtawp ni) khi Kohhran Hmeichhe Ni a ni a, hemi lawm dan tur ruahmanna chu Central atangin rawn neih a ni a. Kan Kohhran Hmeichhia te pawhin he hun hi a tha thei ang ber leh a nuam thei ang bera hman an tum a ni.

Hemi ni chaw ei khamah Kohhran Hmeichhe member zawng zawng te Pastor Quarters-ah chhuah khawm tur a ni a, khawlai thianfaia hnatlan tur a ni. Buara emaw, cement ip ruak emaw ken tur a ni ang. Tin, chawhnu lamah Bazar-ah ennawm ropui tak an chhuah dawn a, vawi khat en manah Rs 10 chauh an la dawn a ni. Hlim taka awm duh zawng zawng te chu rawn en vek turin an hriattir nghal e.

Tin, Hemi zanah hian Inkhawm a awm ang a, Programme tlangpui hetiang hi a ni ang.

Chairman         : Pi Khuangthangi, Chairman

Tantu : Pi Lalnunpuii

Thu zir : Women Centre -a Kohhran Hmeichhiate hmalakna

Chhiartu : Secretary

Tawngtai rual

Thupui : 1) Pathian hnena lawmthu sawina leh inhlan tharna

        2) Women Centre-a hlawhtlin theih nan

---------------------------------------------------------------

Mizoram Synod Sum (Apr-Oct 2011) 

Source: mizoramsynod.org 

Synod Executive Commitee hnuhnung bera sum leh pai dinhmun thlir lawk ang.

Sum dinhmunah April, 2011 atanga October, 2011 chhunga hmuh tawh chu Pastoral Budget pum puia hmuh beisei zat Rs 38,40,43,300 ah Rs 25,54,29,946 hmuh tawh a ni a, hmuh tawh zat hi za zela 66.51 a ni. Mission Budget pum puia hmuh beisei zat Rs 33,80,48,600 atangin Rs 20,72,82,971 hmuh tawh a ni a, hmuh tawh zat hi za zela 61.32 a ni.

Synod Budget pum puia hmuh beisei zat chu Rs 72,20,91,900 a ni a, Rs 46,27,12,917  hmuh tawh a ni a, hmuh tawh zat hi za zela 64.08 a ni.

Pawisa kum hmasa aia kumina thla tina hmuh tamna chawhrual chu Pastoral-ah Rs 97,71,788 a ni a, Mission lamah Rs 84,24,027 a ni a. A pum puia thla tina sum hmuh nikum lam aia a tam zawkna hi Rs 31,81,95,815 a ni. Hma kan sawn zel e.

---------------------------------------------------------------

MEMBER CAMPING PUAL INKHAWM

Naktuk zanah hian KT.P Member, Camping a lutte puala inkhawmna hun hman tur a ni a. He hunah hian K.T.P member, Camping a lut zawng zawng te chu inkhawm tura beisei kan ni a, a hranpaa sawmna siam a nih loh avangin he inhriattirna hi ngaipawimawh thei ila, a lawmawm hle ang. Tin, Camping a lutlo te pawh tumah inthlahrun chuan loh tur a ni a, hlim taka Pathian faka Inkhawm ho tur a ni ang. Programme chu a hnuaia mi ang hi a ni e.

Chairman         : Pu B.Rosangzuala, Secretary

Tantu : Pu Lalchhuanmawia

Thusawitu   : Upa Vanlalnghaka, Koh. Represent

Solo         : Pu C.Rodinsanga

Faith Promise hlanna leh Tawngtai rualna neih a ni ang. Tin, Zai hruaitute kal hma thei hram hram bawk ila.

---------------------------------------------------------------

K.T.P SHOOTER

# Speaker te haw hnua lam duh si lo, Tv Sailova te lokal veleh a lam leh te kha ka chhinchhiah dawn che u.. - Pu T.Zokhuma

---------------------------------------------------------------