FOR LALMUANKIMA(MKA)

Mk----(Hmangaihtei nau) Hun tak i chhungte i biak tawh loh avangin an mangang deuh a, rawn biak che an tumin an phone tlang thei bawk si lo. In School hming an hre bawk si lova, in principal biak dawnin a address kan hre bawk si lo. Khawngaihin he bloh hi i lo tlawh a, hei hi i lo hmu a nih chuan i chhung te chu lo phone ang che oooo plijjjjjjjjjjjj

K.T.P AW ISSUE 28 (Dt. 28.8.2011)

PAGE-I

THAWHLAWM.... 
# Pathianni hmasa K.T.P Faith Promise lakkhawmah ` 10250 lai mai hmuh leh a ni a, a lawmawm thin hle.
# Pathianni hmasa khan Pathianram ip vawi hnihna dawh a ni a, ip 155 tlain hetiang hi sum hmuh dan a ni.
       Pathianram 38440;       Ramthar 20090;       Tualchhung 25625;       Biak In   37235;       Total-   121390
Dawh vawi khatna nen ip hi 279 tlain ` 292163 lai hmuh a ni. Kumin chhunga Pathian ram ip atanga sum hmuh tam ber tum a ni e.


FELLOWSHIP
Vawiin tlai, Chawhnu Inkhawm banah hian K.T.P member te Fellowship leh tur a ni a, thahnem ngai taka Fellowship i tum ang u.

BEIRUAL
Tun kar Ning-ni atangin Beirual kan tan leh dawn ta. A hun hmasa lamah hian Ramthar hapta hman leh a ni ang. Kan Kohhran chuan Inkaihhruaina anga kalin Biak Inah Beirual thla hi kan hmang ang.

GRANT DAWNG
Kan Bial chuan Pastor Quarters Fencing Grant ` 30000 lai mai kan dawnga a lawmawm hle. Synod O.M. chuan kan Quarters hungna siam thar a ngaih thu te an hria a, Grant hrang hrang an passed zingah dawng ve turin min thlang a, a lawmawm takzet a ni.

  -------------------------------------------------------------
Vawiin Chawhma Inkhawm banah Zaipawl member te hla zir tur.
--------------------------------------------------------------

KOHHRAN COMMITTEE THU

Kanan Br. K.T.P - Dt. 28.8.2011 :  

Zirtawp zanah khan Kohhran Committee te Thla tawp Committee neih a ni a, chuta thurel tlangpui te lo tarlang ila:

1. Mi pariat(8) Dan chhunga lakluh tur an awm a, chungho te chu Dt. 31.8.2011(Nilai zanah) lakluh tur a ni.

2. Audit Report atanga a lan danin Kohhran sum chi hrang hrang tuna kuta kawl lai chu ` 351189 a ni a, August thla chhunga Synod sum lut chu ` 198475 lai a ni.

3. Bial fan report atanga a lan danin August thla chhungin in 56-ah Tawngtaina hman a ni.

4. U.P.C. Mizoram atangin mi 7 kan Kohhranah an rawn lut a, heng mite hi Dt. 28.8.2011(Pathianni) Sunday School hunah lawmluh tur an ni ang.

5. K.T.P in DDK record na’n a bungrua an dil leh Kohhran Hmeichhia te’n November, 2011 chhung hun remchang hmasa a Kristian Chhungkaw Campaign hun an rawn dil chu rem tih a ni a, Kristian Chhungkaw Campaign ah hian Campaigner hmun dang ami hman tum a ni.

6. Ramthar Ni, August 31.8.2011(Nilai Zan) Programme hetiang hian ruahman a ni.:

Chairman : Rev. C.Thangthuama, Bialtu Pastor

Tantu : Pi C.Lalthansangi

Thusawitu : Upa Vanlalnghaka

--------------------------------------------------------------------

Report leh Comment:

TLANGSAM BRANCH TLAWH BORUAK A NUAM

Ruahman angin Tlangsam Branch chu kan va tlawh a, member kal kan tam a, an lo inbuatsaih nasa bawk a, a boruak a nuam hle.

Bus-a chuang leh mahni lirthei kenga kalte kan ni a, kan vaiin member 60 vel kan kal. An Centenary Hall-ah Programme kan hmang a, theih ang tawkin an lo chei ve a, an mahni tawkah chuan an inbuatsaih nasa ve hle a ni.

Chairman-in thu hma sei deuh a neih hnuah Programme angin kan kal a; Solo, Group zai, Short Sermon, Shortplay te chu a hmuhnawmin a ngaihthlak a nuam hle. Engkim kha pangngai tak vek a ni a, mawilo leh thil duhawm lo thleng a awm hran lo, Mahse...

i) Hetiang hunah hian Thalai te’n zalen taka Pathian kan fakho na hun a ni thin a, Special Item tam lutuk thin hian Zaiho-na hun a ti tlem a, ngaihtuah a ngai em????

ii) Branch dang tlawh leh thiltihna reng rengah hian member te inthlahrung miah lova kal tur a ni a, mahse...a hnu leh zelah hian Pathian hnaihna hmanruaah hmang thei ila, rawngbawlna kawng hrang hrangah a bul tan nan hmang thei ila, tin, tisa lamah nilovin thlarau lamah hlawkpui tum thin ila.

--------------------------------------------------------------------

PROGRAMME

Aug thla Inkhawm Hruaitu:

Upa Sangkhuma

SUNDAY SCHOOL

Tantu : Pi Sangthuami

Zirlai : Zirlai  : 32- Chhandamna thu puan darh

(Ramthar Ni Inbuatsaihna)

Chawhnu Inkhawm

Tantu :Pi Hauthangi

Thusawitu:Upa Thang- chhingpuia

Zan Inkhawm

Thusawitu :Upa Lalmaka

Tawngtai Inkhawm

A awm lovang

K.T.P INKHAWM

Hruaitu : Pu C.Vanlallawma

Tantu : Tv R.Vanlallawma

HIV/AIDS chungchanga Paper zirhona neih a ni ang.

Hun hmangtu : Nl H.Lalremmawii

September thla rawngbawltu hlanna

Hlantu : Pu C.Vanlallawma

KOHHRAN HMEICHHIA

Hruaitu :Pi C.Thanzuali

Tantu : Pi Lallungmuani

Thusawitu : Pi Sialdimi

NPSS ZIRLAI

Beginner Department

Isua’n khawsik a tidam

Primary Department

Vung tihdam

Junior Department

Paula

Intermediate Department

John Wesley-a

Sacrament Department

Inneihna

Senior Department

Hippolytus-a

--------------------------------------------------------------------

PAGE-II

Editorial..........

DDK ZAIPAWL LEH A BEHBAWM

Insawi-thiam lawk ang.

Kan hriat angin DDK Zaipawl chu Recording tih mai theih a ni tawh a, tunkar hun remchang hmasa berah Recording tih a ni ang. 

Kan hria a, vawi hnih lai kan hlawhchham hnuah tunah chuan kan puitlin teuh tawh khawp mai. He Zaipawl member-a tel tur hian K.T.P Inkhawm banah a duh a piangte inziahluh a ni a, inziaklutte chu Hla zir tura koh an ni. Hemi hnuah hian Thawhtan zana Inkhawm lo te pawh  an rawn inpe leh a, inpeklehna hun pawh hawn a ni. Hemi chung chung hian Committee thurel fuh lo chu a sir atangin kan hmu a, kan lo sawisel leh thin a ni.

Thil kal tawh leh tuna kan boruak thlirin tuna Zaipawl kal dan hi a fuh ber a, a peih chu an inpe a, a peihlo pawh insawmluihna a awm lo. Chu chu a fair a, induhsakna a awm lo bawk. Chuvangin engtin pawh lo sawi ila, engmah a danglam phah dawn chuang lo a, kan ngaihdan kha a tha zawk bik hauh chuang lovang.. tih hi a chhiar chuan ngaihtuah chhunzawm ila. A sir atanga lo sawisel reng hi chu a tel tak tak peih lo an ni duh tlangpui...

--------------------------------------------------------------------

BIBLE LETTU THI

Christian Today-in ‘a sakhming hi chu kan hrereng tawh lo pawh a ni mai thei, mahse a kutchhuak hi zawng Kristian awmna chhungkuaah chuan a awm zel dawn a nih hi’ alo tih, Bible lettu(Traslator) lar tak Eugene A. Nida chu kan hnung, Ningani khan kum 96 mi niin a thi. He pa hian ‘Bible kan leh hian mite’n he thu awmzia tak hi engtin nge an hriat theih ang tiin ka ngaihtuah thin’ tiin a lo sawi nghe nghe a ni.

--------------------------------------------------------------------

THUNAWI.....

@ Tukin hi Kohhran Hmeichhia Missionary Ip lakkhawm hun a ni e.

@ Kohhran Hmeichhia te Dt. 3.9.2011(Inrinni) hian Thlakhata tha-khat atan pangpar huan thloh fai leh tur a ni.

@ Thla tawp Nilai zan hla zir tur: KHB 1- na leh 17- na a ni e.

@ Kan Printer 2 te siam that a ni leh ta e...

@ Tunkar chho-ah hian Bial Zaipawl te’n music video an siam turah video shooting an nei ang.

--------------------------------------------------------------------

FELLOWSHIP PROG.

Hruaitu : Nl C.Lalhmangaih- sangi

Tantu     : Nl K.Lalengzuali

# He hunah hian Tlangsam tlawh Review a duh apiang tan neih a ni ang.

# Tin, Faith promise inkhawmah hlanna hun kan neih theih loh avangin Fellowship-ah hian hlanna neih a ni ang.

--------------------------------------------------------------------

SCRUB TYPHUS : He natna, Trombiculid mites rannungin a thlen hi tunlai chu a lar a, a vanduai phei chuan an thihpui a, tin, enkawl har phei chuan pawisa tam tak senga inenkawl a ngai a. Enkawl thuai a nih loh chuan mihring taksa chaknain a dampui mai thei lo. He natna hriat dan awlsam ber chu, rannung seh ang maiin a awm a, a hmuamhma hmawr(vent) hi a dum thin. A damdawi hi lei a har lova, kan hriat tlanglawn a ni, chu chu; Tetracycline-500 leh Doxycycline a ni. Inringhlel kan awm chuan ei mai tur.

--------------------------------------------------------------------

Vakkom B. Purushothaman

MIZORAM LARSAP THAR

Shri Vakkom B. Purushothaman hi Congress hruaitu hlun leh Advocate a ni a, kum 1928, April ni 12-a piang a ni. Kerala Minister hlui a ni a, Andaman and Nicobar Islands-ah kum thum chhung Lt Governor a ni tawh bawk.

Kum 1946 khan students Congress-ah a inhmang tan a, member of Vakkom Panchayat kum 1953-ah. President, DCC, Thiruvananthapuram, General Secretary, KPCC leh Vice – President, KPCC. AICC ah kum 25 member a ni.

Kerala Legislative Assembly-ah 1970, 1977, 1980 leh 1982-ah Attingal Constituency atangin thlan tlin a ni, Agriculture and Labour Minister a ni a, Health & Tourism minister a lo ni tawh bawk.

Chairman, Committee on Public Undertakings and Committee on Subordinate Legislation of Parliament anih tawh bakah Chairman of the Consultative Committee of Experts to the CIDP of Inter Parliamentary Union, Geneva kum nga chhung a chelh a. Kerala CM awm laiin CM charge te pawh a lo la tawh bawk.

(Daily Newspaper lamah an tichhuak tawh em kan hre lo, a remchang em a, kan rawn chhuah a ni e.)

--------------------------------------------------------------------

TUNKAR BEIRUAL PROGRAMME

Dt. 1.9.2011(Ninga zan)

Chairman : Upa Hrangkhuma

Tantu : Pi C.Lianthangpuii

Thupui : “Ramthar rawngbawlna chanchin tlangpui”

Hawngtu : Rev. C.Thangthuama, Bialtu Pastor

Dt. 2.9.2011(Zirtawp zan)

Chairman : Upa Vanlalnghaka

Tantu : Pi Zionthangi

Thupui : Isua hi Missionary ropui a ni

Hawngtu : Pu T.Lalchhawna

Dt. 3.9.2011(Inrinni)

Chairman : Pastor/Upa Hrangkhuma

Tantu : Pi Biakzami

Thupui : Isua’n Chanchin Tha hril turin min tir

Hawngtu : Pu C.Liansanga

--------------------------------------------------------------------

Kar kalta DDK Zaipawl Camp-ah mi 41 riaklutin, langa hla zir te nen zaipawl member hi mi 45 vel an nih hmel a, kan Branch hmel lanna tak tak an ni dawn e...Tunkar chhoah hian Recording hi neih tum a ni a, hla 4 record a ni ang.

--------------------------------------------------------------------

SCRUB TYPHUS

He natna hi tunlai chu Champhaiah a lar khawp mai. Ka hriat theih chinah chuan mi 3 velin an thihpui tawh. Tin, mi 3 vel bawk chu nasa taka inenkawl ngaiin an awm. He natna hi an buaipui thar hle.

Champhaia Doctor pakhat chu he natna veiin a pan a, 'i khuavang hi a thang thei a nih hi' te a lo ti vel mai mai a, a hnuah a zual ta vak a. Chu Doctor chu pan ngam tawh lovin, MED-AIM Adventist Hospital an pan a. An va thlen chuan a BP pawh hmuh tur a awm tawh lo. Mahse he nu hi Pathian zarah a dam chhuak leh hlauh.

Mahni hriat ang ang ka'n tarlang ve ang e....

HE NATNA HI...

He natna hi rannung chi khat, trombiculid mites in a thehdarh a ni a. Tin, khawvel medical science-ah chuan tsutsugamushi triangle tiin chhinchhiah a ni. Japan ram leh Russia khawchhak lam te, Australia hmar lam leh Pakistan leh Afghanista ram te hi he natna hmelhriat hmasatu an ni a, a tuar hmasa tu pawh an ni.

A NATNA LANCHHUAH DAN....

Khawsik, Luna, Tihrawl na, Khuh, Ek chiang lo, Hnar atang te a Thi chhuak fo. Hengte hi a natna rawn lanchhuah dan tlangpui chu a ni a. Mahse hengte rawn lan hma hian, taksa nem lai, entrna..pum, zak hnuai, kap, leh a dangah pawh a ni thei..chungah te chuan rannung seh ang takin hmuamhma a rawn nei a, chu chuan zakah emaw, kapah emaw thal a ti thoh thin. Ti chuan a hmuamhma chu hai rual lohin a hmawr(vent) a rawn dum bik thin bawk. Chu chu a tirin a na hle a, a hmuamhma na chu a ziaawm telh telh a, mahse khi'ng a chunga kan sawi tak natna te khi a rawn nasa tial tial thin thung.

TREATMENT....

A damdawi hi a lar hlawm khawp mai a, mahse kan hriat tur erawh chu a invenna(Vaccine) hi an la hre lo.... Chung a damdawi te chu...doxycycline, Rifampin, azithromycin, clarithromycin, roxithromycin, fluoroquinolones leh Tetracyclyne-500 te an ni a, tin, naupang tan leh raipuar tan chuan  Azithromycin or chloramphenicol te hi a tha bawk.

Hlawkpui awm tak ang maw............

For U-Khuma

Kan hnung (Dt. 23.8.2011)ruah sur cherh cherh khan Pu Raldokhuma te huan leh Upa Lalmaka te huan a ti khi nasa hle a. An in ban atanga ft 2-4 vel a hlaah a khi phei a ni.

Zing karah Pi Teruati mangang chuan thenawm leh thenrual tha te a phone kuala, tichuan Pu Chhawna te Silpouline hawhin khuh hul a ni a, tin, khuh hmain sawh muk a ni bawk. Tichuan, a thla te lain Silpouline dilna buatsaih a ni a, chu chu Inhnuai-pa Pu Panmawia(Pa thau tak mai) chuan DC-ah ava kalpui a, Silpouline 2 chu a rawn hawn a.

Tunah tak chuan ruah a sur tawh lova, tin a khi hi a thuk hmel vak lova, mahse ven uluk erawh a ngai hle thung ang.....

Here the pictures have posted.....

TUNLAI KAN VENG NEWS THENKHAT.............

# Kan veng thlang lamah mithi an awm. Naute kum khat mi vel a ni a, a hming ka theihnghilh daih. Kan veng mi hlun chu an ni lo. Thihchhan : Khawsik
# Zanin, Dt. 23.8.2011(Thawhlehni) hian DDK Zaipawl kan  Camp tan dawn a, a peihawm vak loh khawp mai.
# Tunlai chu zing leh tlaiah Sunday School naupang te'n Inkhawmpuia intihsiakna tur chang an zir leh tan ta.
# Pu Raldokhuma'n SUMO thar a nei dawn a, Aizawlah a thang mek.
# Tunlai chu ruah a sur deuh reng mai. Chuan, Champhai pawh a lum hle a, ruah sur thin mahse a lum reng mai a ni.
# Upa C.Thangvuka te inbula kawng kawi deuh kha an lai mam deuh a, a kawi lutuk pawh a ziaawm deuh ta khawp mai.....

TRIPPING TO TLANGSAM....Photo Collection Chhunzawmna

Chhunzawm leh mai ang aw....

Heng zawng te hi a ni rih a, remchangah thlalak dang lakkhawm tur a awm chuan kan la tilang leh ang chu.... He Tlangsam kan tlawh hi member activity that phah ila a duh awmhle a ni.

TRIPPING TO TLANGSAM(Awi a nuam e....)

Pathian hruaina zelin Dt. 22.8.2011(Thawhtan zan)-ah Tlangsam Branch kan tlawh a, a hlimawmin a nuam a, a hlawkthlak takzet a ni. Bus ah khat tanin kan chuang a, mahni motor thawhchhuahpui an awmnual bawk. Member kal kan tha a, a lawmawm. Pathianin hun tha min pe hi a lawmawm a ni. Chuan Photo Collection hi thlir mai mai ila, mahse Solo Tv Rinthangpuia te, kan Branch atanga Drama chang lai te, Group zai te, leh ngaimawh zual kan capture hman lo, ka indaih lo ve deuh a....

# He kan intlawh atanga Tawngkam thar te

1) Mit rawngbawlna

2) Tlang sum

3) Thim hi ka lo ngaina lutuk a....

PHOTO COLLECTION CHU AW....

Electric a thim tlat,,,,,,a en leh hunah PHOTO COLLECTION chhunzawm leh ang.......

CHHUM LEH BAWK............

Favang kan hmang chho tan a, chhum var a lo tam leh ta em em mai nia a ninawm eeeee........... Zingah a lo var ve a, mahse a lehlam kan entlang chuan a DUM vek...a awmzia chu ngaihtuah lo mai rawh u...Heng chhum zawng zawng te hi a mawi thin..He leilunga thil mawi ber a ni a, mahse tunah chuan a phenah hian a DUM a awm vek..tumahin mawi ti suh uuuuuuuuuuuuuuuuu

CHELSEA AN CHAK HRAM E.....

 Chelsea chuan Wes Brom chu Malouda zarah 2-1 in an hneh hram. Minute 4 lekah free ball tha lutuk chu Long-a'n goal ah a chantir. Man. Utd. an khelh tumin goal nalh tak a thun tawh...hepa hian mit ala ta tlat mai. Chelsea in an nawr a, mahse goal bulah ho tak takin an che. Torres a NIL leh tan tlat. An inkhelh dan en chuan an NIL ral leh mai dawn niin a lang.

Mahse 53 mins ah Anelka goal ropui kan hmu. A tar telh telh nain a sir atang hian a hlauhawm reng mai a nih hi. Tichuan 83mins ah Malouda chuan Bosingwa cross tha zet chu sir tak atangin a lo pet a, a goal. Chelsea an Home-ah an mualpho tep a ni.

West Brom hi an che chhe ngai lova, an vanduai a, 0 point an hmu. Tin, an tumte hi Top Club an ni a, an mahni level ang khel se eng result nge an neih ang? An fight back a tha a, an inpe em em a, hmuhnawm Game min hmuhtir thin. An tanawm ta riau mai.(Tan lo viau mah ila, Chelsea fans ka lawmpui eeeeee............)

SATURDAY PREMIER LEAGUE RESULT (Dt. 20.8.2011)

 Swansea City -0       v          0 - Wigan Athletic  

      Everton - 0              v          1 - QPR  

                                                            (Tommy Smith)

    Aston Villa - 3        v          1 - Blackburn Rovers 

(Gabriel Agbonlahor, Emile Heskey and Darren Bent)  (Pedersen)

   Arsenal - 0             v           2 - Liverpool 

                                                         (Ramsey OW, Suarez)

 Sunderland - 0      v            1 - New Castle United 

                                                          (R.Taylor)

Chelsea leh West Brom Inkhel result ka tarlang hman lo, a rem chuan naktuk lamah ni mai. Tunah rih chuan West Brom hian si 1 an pet goal toh. Chelssea hi an mualpho thei mai thei.

MANCHESTER UNITED v TOTTENHAM HOTSPUR

Naktuk zan(Mon) a Inkhel tur Man. Utd leh Spur hi i lo thlir lawk mai mai teh ang.....

Session liam taah khan Spur hi Man. Utd te bei tawk ber ti ila kan tisual lovang. A bik takin White Hart Lane- a chet that hi thil awlai ani lova, mahse tun tum chu Old Trafford tur a ni tlat.

Evra chu ankle injury avanga Match hmasa ber a missed hnuah a rawn inlan dawn a, Defender inhliam ngah tak, Man. Utd tan chuan chanchin tha a ni e. Tlar hnung lamah chuan Phil Jones and Jonny Evans te kan hmuh ngei a rin awm. Hengte hi Inhliam an la awm cheu : Darren Fletcher (virus), Antonio Valencia (ankle) leh Javier Hernandez (concussion) te. Hei bakah hian Michael Owen pawh hnungzang na avangin a la inlan thei dawn lova, Rafael-a pawh a hmel kan hmu lovang.

Hengte hi Manchester United Squad tur an nih hmel e: De Gea, Lindegaard, Smalling, Ferdinand, Jones, Evra, Evans, Fabio, Nani, Park, Cleverley, Anderson, Carrick, Giggs, Young, Rooney, Berbatov, Welbeck, Diouf, Macheda.

SPURS HO PAWH INHLIAM AN NEI NUAL MAI: Tom Huddlestone (ankle) Sandro, Wilson Palacios (both knee) Steven Pienaar (groin), leh Jermaine Jenas (Achilles) te hi. Mahse tunlaia chanchin ngah tak Modric erawh chu a hmel kan hmuh hmel hle. Tin, Spurs ho hi Europe-ah Heart ho chu 5-0 lawihin an hneh a, an in confi khawp ang.

Tottenham Hotspur: Gomes, Friedel, Cudicini, Bale, Kaboul, Bassong, Dawson, Corluka, Walker, Assou-Ekotto, Huddlestone, Lennon, Van der Vaart, Modric, Kranjcar, Rose, Livermore, Townsend, Bentley, Pavlyuchenko, Crouch, Defoe.

Player inhliam nei rau rauah Spurs ho aiin Man. Utd ho hian an tuar zawk ang. A bik takin Hernandez inkhel thei lo hi an tuar ngei ang a, tin, Rio leh Vidic inhliam rual hi a pawi bawk ang…Mahse chak hram se ka va ti emmmmm

K.T.P AW ISSUE 27 Dt. 21.8.2011

Pathianni hmasaah Printer that loh avangin kan chhuah theih tawh lo. Veng chhung mipui/Kohhran mipui te an zahawm hle. Tunah pawh chhuah thei lo tura kan inngaih tawh laiin Pu Raldokhuma chuan a printer phal takin min hman tir a, a chungah ka lawm tak zet a ni.
==================================================================

PAGE - I

THAWHLAWM.... 

# Ramthar ip vawi hnih dawhah Rs 33695 hmuh a ni a, kan budget kan la tlin lo deuh. Vawiin lamah pawh pek zel theih a la ni. Kan Kohhran hian tunah hian Tirhkoh 34 kan chawm mek a ni.

# Tukin hi K.T.P Faith Promise lakkhawm hun a lo ni leh ta e.

# Pathianni kalta Pathianram ip lakkhawmah ip 124 tlain sum hmuh dan hetiang hi a ni.

  Pathianram 51735;       Ramthar 29760;       Tualchhung 41373;       Biak In 47905;       Total 170773

Pathianram ip hi vawiin lamah dawh chhunzawm leh a ni ang.

K.T.P HNATLANG

Kar kalta chhung khan K.T.P member te chu Upa Vanlalnghaka-te Tanky lai chhunzawmin hnatlan leh a ni a, tum li(4), (nilengin) thawhchhuah a ni a, tichuan 8ft laia thuk chu laih zawh a ni ta. Tum li(4) hnatlana Group member te thawhchhuah dan hetiang hi a ni.

Upa KK Group- 14

Upa ZN Group - 13

Upa HC Group - 10

Upa KT Group - 9

He hnatlangah hian ni li(4) thawhchhuah a ni a, tha 46 a lut a, Rs 4000 kan hlawh a ni.

FRAME LEI LAWK

Branch K.T.P chuan member te inneih certificate present a mi tur Frame 8 lai a lei lawk, a inneih chur chur theih a nia. 

=========================================================================

Branch K.T.P Committee thu....

DDK RECORDING AUGUST THLA CHHUNGA ZAWH HMAN TUM A NI

Kanan Br. K.T.P - Dt. 21.8.2011 :  

Dt. 11.8.2011(Thu) zana Branch K.T.P Committee thu tlem han tarlang ila.

1. Tlangsam Branch kan tlawh tur Preview neih a ni a, kan Branch atanga chanvo nei tur hrang hrang te thei lo tur kan awm lo niin a lang a, tin, Microphone pahnih ken theih nise, Light & Sound Sub. Comt. ah dilna thlen nise tih a ni.

2. Keyboard repair a ngai a, lo buaipui turin Branch O.B te ruat an ni.

3. DDK Recording chungchang ngaihtuah a ni a. August thla chhung ngei hian Recording tih zawh fel hman tura hmalak tum a ni a. Tin, kar khat chhung vel chu Camp neih tur a ni bawk ang. 

4. Beihrual thla(September) chhung hun hman dan tur rel a ni a. Pathianni tlai tin fellowship tur a ni ang a, fellowship naah hian kum danga tih ngai lo deuhin hming lam leh thilpek lakkhawm kalpui tur a ni ang. Fellowship programme chu Programme Sub. Comt. in a duang thin ang. Attandance lak tur a nih avang hian Inkhawm kal kim tumte chu Fellowship thulh loh hram tur a ni a, theihtawp chhuah hram hram a ngai a ni e.

=========================================================================

Pathian fakhona hun kan hmang dawn...

TLANGSAM LAM HAWI ILA

Champhai Joint K.T.P in mahni Bial pawn ami Branch tlawh nise atih angin kan Branch chuan Tlangsam tlawh kan tum a, a hun pawh naktuk zan mai khi a ni ta. He huna chanvo hrang hrang neitu te leh tihtur hrang hrang neitu te an inbuatsaih fel tawh a, Pathianin rem a tih chuan naktuk zan chu Tlangsam lam kan pan dawn ta a nih hmel e.

A hun : Dt. 22.8.2011(Zan)

A hmun : Tlangsam Kohhran Hall

Chairman         :        Tlangsam Branch lam atangin

Tantu : Nl JH Malsawmengi, Comt. Member

Report & Introduction

Branch pahnih Secretary te

Thusawi         : Pu B.Rosangzuala

Shortplay         : Buaipuitu- Pu K.Lalbiakhlira

Group Zai         : Convener-Pu C.Vanlallawma

Solo         : Tv Rinthangpuia

Present lo lei turin Pu H.Lalthantluanga leh Tv C.Vanmawia te ruat anni a, motor lo ngaihtuah turin Pu C.Liansanga leh Pu C.Vanlallawma te ruat an ni bawk.

A kal turte chu tlai dar 5:45-ah Bazar-ah kim vek tur a ni a, tlai palh a hlauhawm avangin kan hun ruat hi ngaih pawimawh hram hram tur a ni e.

=========================================================================

F/P ENHO TUR

Vawiin Chawhnu Inkhawm banah Senior Hall-ah Faith Promise en ho tur a ni a, Committee member bial vawnglo te pawh kim taka kal nise.

===========================================================

PAGE - II

Editorial..........

CAMPING

Kan mamawhna leh mamawhlohna

Kan Kohhran chuan Chhandamna Camping a buatsaih dawn a nih kha, chumi tur chuan Speaker pawh biak fel a ni tawh a, October thla lama nei turin ruahmanna pawh kan siam a nih kha. Hemi chungchangah hian ngaihdan a inang lo hle hlawm a. ‘Tul ti’ kan awm laiin ‘tul tilo’ kan awm bawk.

A TUL LOHNA

Kan Kohhran hi Kohhran chaklo tak kan ni khat khawp mai. Kum chanve kan thleng ta a, Kohhran Thlarau lamah chaklo tak kan ni lo. Pathian zarah tual chhungah mi thahnem ngai tak tak kan nei a, tin, Kohhran mite tawngtaina te hian Kohhran mi vawng em em bawk a ni. Helam ngaihtuah hian Kohhranin sum senga camping a buatsaih tur hi a tul vak pawhin a lang lo a, tin, kan mamawh em em ni pawhin a lang lo.

A TULNA

Kohhran Inkhawm leh thiltihnaa rawn thleng phak ngai lo, mamawh nia inhre lo te, tin, mamawh ngawih ngawih hun remchang melh ve reng te, Rawngbawltute zingah ngei pawh mahni nun chingfel thei lo te; hengte tan hian Camping hi a hlu em em a, hnung tawlh leh bosan tawh te’n Lal Isua kan neih leh theih nan a tul a ni.

========================================================================

MEET HMANG VE 

Champhai ‘N’ Presbytery K.T.P chuan Nizan atanga tanin Zanin thleng hian Venglai Kohhran Biak Inah Meet an hmang ve dawn. A thlengtu Venglai Kohhran hian Meet Inbuatsaih nan an Branch K.T.P hnenah Rs100000 lai an pe a, Keyboard thar an lei bawk.

KAN LAWMPUI E

Kan member-pui Tv C.Lalpekmawia(Pekpuia) chu tun tum Independence Day Badminton Tournament ah khan Grade ‘B’ ah pahnihna a ni a, kan lawmpui hle. Vawiinah a duh apiangin thla a lakpui theih ang. Nula lam khan lo hre deuh ila.

DDK ZAIPAWL

Committee in a rel angin Thawhtan zan Inkhawm- banah khan member, Zaipawl-a inpekna hun hawn a ni a; hetah hian member 40 chuang awrh an inpe a. Heng mite hi inlak belh tawh chuang lovin DDK Zaipawl member tur an ni ang a,  midang chu koh tel an ni tawh dawn lo a ni. Nizanah khan Kohna hmasa ber siam a ni a, remchang hmasa berah Zaipawl Camp hi buatsaih ani ang.

-------------------------------------------------------------------------------------------------------------

KOHHRAN HMEICHHE COMMITTEE THU

1. Thla khata tha khat atan pangpar huan thlawh leh tur a ni a, a hun a tan, Sept. 3, 2011 a ni ang.

2. Pangpar chi tha lei belh tur a ni a, maw lo phur turin Pi K.Vanlalengi, Pi Thangseii leh Pi C.Thanzuali te ruat an ni.

3. Kohhran Hmeichhe inkhawmah Chairman in thusawitu hun tawp pe lovin, hruaina hna hi Chairman in a keng tlang tawh ang.

-------------------------------------------------------------------------------------------------------------

MISSIONARY A INCHHAL, MI BUMHMANG

Lalthakima (Jerry-a inti), tuna Orissa Khandamal, Odi, Slum Area hmuna Missionary Volunteer-a kal nia inchhal chu Pathian thu hmanga dawta mi bum tur zawng thin a ni tih hriatchhuah a ni a. Hetianga a lo bum tawh zingah hian Chief Minister nupui Lal Riliani pawh a tel nia hriat a ni.

Chief Minister te nupa hian kumin February ni 19-a Guwahati an tlawh tum -in, Khandamal dist-a missionary hnathawkten an rawngbawl dan chanchinte an sawi a, heng mite tan hian CM te nupa hian Inverter leina an pe a, chu chu Jerry-a pawh hian a lo hre ve nge, CM nupui Lal Riliani’n, ‘Mizoram in rawn chuan chhuah hunah min la rawn tlawh ve ula’ a tih avang leh an chunga lawmthu a sawi a duh avangin, CM Bungalow-ah hian July ni 28, 2011 khan a kal niin a sawi.

Missionary hna thawka rawng an bawlna chanchin tamtak sawiin, a insawi khawngaihthlak hle a, chutiang taka Pathian rawngbawl leh thahnem ngai tak nia inchhal a nih avang chuan CM nupui hian khawngaihin Rs.2,000/- leh Inptechei a lo pe a. CM te nupain Guwahati an tlawh tuma Major ST Dula te nupa leh Mr. & Mrs Emmanuel-a te nena an thlalakho chu Major ST Dula, tuna Guwahati-a awm mek tan an thawn tel bawk a ni.

Hemi hnu hian ngaihthat lohna eng emaw a awm avangin, Guwahati Mizoram House Liaison Officer leh Major ST Dula te chu biakpawh an ni a, chutiang ang mi an hriat loh thu leh tun thlenga engmah an la dawn loh thu an sawi avangin, Jerry-a nia inchhal hi Pathian thu hmanga dawta mi bum tur zawng thin a ni tih hriatchhuah a ni, thudawnna chuan a ti.

(Kan Pathian thu hi chu a thleng dik zel a nih hi)

===========================================================

MASS NEWS

# T.Section lam pawh an Committee ve tawh a, sum khawn dan tur leh budget te pawh an ruahman tan tawh. Anni Section hi chu muangmarin an che a, a hunah chuan an thawm a na ber mai thei a ni.

# Section dang pawhin hma an la chhunzawm zel bawk.

# Section tin a Krismas & Kumthar ruai hi theh tur a nih avangin Section tin hruaitute leh Collector te mawhphurhna a sang hle a, kan tan chhoh chu a hun viau tawh a ni.

Hnatlang : Niminah khan Ramthar huanah Thingthupui bul vel thlo faiin hnatlang neih a ni a, mi 13 vel an thawk.

===========================================================

THUNAWI :

# Tun thleng hian hnatlan nia Chana ka ei kha a la lang a, bawp ka la khawkherh veng veng thin.

-Nl Kawkte-i

# Ka vanglaia Chepa ka perhthlak leh kan motor Brake fail-a a jam ka kam hman kha an sawichhuak fo mai hi ka ning ta khawp mai.

Nl Panzeli

=========================================================================

Pathian zarah kan chhuah leh thei ta, a va lawmawm thin em.....

IN HMUKHAWM TA..

Zanin Inrinni zan Inkhawm banah DDK Recording a tel turte chu Inkhawm banah Biak Inah inhmuh khawm a ni a, member tel tur Pathianin min pe a, a lawmawm takzet a ni.

MAN UTD NEWS...

Kei zawng Man. Utd. lam thisen kai ka nih avangin i'n han round thuak thuak teh ang....


Mario Goetze : He pa hi Dortmund -in Bundesliga an lakna kawnga thawhhlawk ber a ni. Session hmasa chhung zawng kha Sir. Alex hian a lo enthla tawh a, tunah chuan Sneijder lak a hlawhchham tituai tawh bawk nen Scholes aiawh turin he pa lam hi a hawi ta tlat mai. La leh tak ang maw...A inkhel hi tlem chu ka en ve tawh a, a inkhel chu a ziaawm khawp mai..Sneijder aiin a lo naupang deuh bawk nen...

Mahse Dortmund lam chuan zawrh lai a ni love, tiin hralh chhuah an tum lo khawp mai..i lo thlir zel teh ang....


BEBE : He Portugese attacker hi Man. Utd club tana a inkhel kan hmu tawh lovang...Besiktas lamin an la ta daih mai..He winger hi chu a chakna leh a thiamna a talent a la hmang thiam lo deuh nain nakin ah chuan a la tha khawp ang....

Berbatov dinhmun hi a derthawng viau mai a, a awmreng tawhloh hmel a ni. Hei bakah hian Vidic, Ferdinand, Silva(Defenders) inhliam hi Defender dang tan fiahna a nih dawn rualin Man. Utd. hian kan tuar thei mai thei a ni. Phil Jones erawh hi chu a that hmel khawp mai.....A bak chu United chanchin dang vak a awm love..Young kan la lut erawh hi chu kan tihsual hmel love...

AN INRU LEH LAWP MAI..

Robert Zoremtluanga s/o T.Upa GLK Thanga leh Lucy Lalthlamuani d/o Siantingi te chu U-Zamtei te, U-Ngaitei te, U-Bawbawihi te leh UKimtea te tel lovin an lo in ru ve leh ta top mai... New Marriage te kan lawmpui e... Fa (hmelchhe deuh pawh nise) nei teuh rawh se.....(Photo is not available)

TUNLAI CHU A HAH THLAK A NI....

Inrinni khan Upa Vanlalnghaka te inhnuaiah K.T.P te Tanky laiin kan inhlawh a, mi 26 vel kan thawk. 8ft lai laih tur a nih laiin hemi ni hian 4ft pawh kan lai tling tha mang lo. A hahthlak dan chu e, thu mai hian a sawifiah phak lo. Lungral la khawih ngai lo te pawhin an khawih phah a, a thuk telh telh a, a lung telh telh bawk...HEI HA....
Mahse kan hlim phian..kan hlim chhan chu maw....CHANA lam a ni.

Lunch-ah Chana kan ei a, kan chana ei chu a chak deuh a niang, kan ei zo chiah chu kan hlimpui khawp mai. A kalve lo chuan an hrethiam pha kher lovang, bakah sawifiah thiam a har bawk...

(Thla la tu nih chu kan lang ve thei lo. Lang lo lamah hian Pa hmelchhe deuh a awm e.)
Chuan....Independence Day- khan a lawmna ni pah fawmin kan hnatlang leh a, 2ft tling lo deuh chu kan lai. Mipa 5 chauh kan thawk chhuak a, chungte chu; Pu C.Vanlallawma, Pu B.Rosangzuala, Pu K.Lalbiakhlria, Tv R.Lalramliana leh Tv C.Vanmawia te an ni. Han lai tam thei chi chu an ni lo khawp mai....he..he.. Chuan nula ve thung erawh chu 11 lai an hnatlang thhung. Hemi ni pawh hian CHANA chu a lar leh khawp mai..

Pu Lawma pum a puar a, a vawih pung pung mai..a rukin...he..he... Hemi ni hian kan la zo lo leh a, Nilaini(Dt. 17.8.2011) hian chhunzawm leh a ni ang.....

MITTHI KAN NEI LEH

Vanlianthanga s/o K.Lalropianga chu Pathianni khan mitliam natna avangin a thi.  Liana hi Pu K.Lalropianga te fa upa ber a ni a, kan hriat theih dan tur chu Vansuimawii u tihna a ni. Lusun chhungte kan tuarpui hle e.

Mahse hemi ni hian heng mite hi mitthi ina kal tur angin an chhungte/an nupui te hnenah an insawi a, mahse hetiang hian Pu Raldokhuma te inah hun an lo hmang vel a nih hi..tenawm hlawm lutuk mai...

Uvana pawh a lang tha khawp mai... tunah tak hi chuan a dinhmun a tha vak lova, a ngaihtuah nasa khawp mai....

LAWMMAN A LA E...

He tlangval, Tv C.Vanlalpeka hi tun tum Independence Open Badminton Competition-ah Grade B ah runners up niin lawmman trophy leh pawisa a dawng e..... Mahse tuman thla an lak pui lo. Kan lawmpui hle a ni. Ani bakah hian Tv C.Lallianmanga pawh Chess competition Grade A-ah pakhatna a ni a, Grade B -ah Pu Ramhluna pahnihna a ni bawk e.

Mahse FOOTBALL Final-ah Youngers 2-1 in kan hneh leh lo tlat mai. Kan Veng player ho hi an chak tha a, an thiam a, mahse Final a kan vanduai tlat thin hi a buaithlak lai tak chu a ni. Tun tum Independence Day chu Champhai lamah chuan ruah a sur miah lo, chhinchhiah tlak tak chu a ni.....

KTP AW ISSUE 27(Dt. 14.8.2011) {Not Published)

HE ISSUE HI PRINTER THAT LOH AVANGIN PUBLISHED LOH A NI A, MAHSE KAN CHHUT ANG ANG POST A NI E.


Branch K.T.P Committee thu....
DDK RECORDING SAWI THAR LEH A NI
Kanan Br. K.T.P - Dt. 14.8.2011 :  
Dt. 11.8.2011(Thu) zana Branch K.T.P Committee thu tlem han tarlang ila.
1. Tlangsam Branch kan tlawh tur Preview neih a ni a, kan Branch atanga chanvo nei tur hrang hrang te thei lo tur kan awm lo niin a lang a, tin, Microphone pahnih ken theih nise, Light & Sound Sub. Comt. ah dilna thlen nise tih a ni.

2. Keyboard repair a ngai a, lo buaipui turin Branch O.B te ruat an ni.

3. DDK Recording chungchang ngaihtuah a ni a. August thla chhung ngei hian Recording tih zawh fel hman tura hmalak tum a ni a. Naktuk zan Inkhawm banah he Recording a tel duh a piang te chu thutfual tur a ni a, zaipawl-a nei tham kan thut khawm loh chuan zaipawl member tur hi Branch Committee chuan a select ang. Tin, kar khat chhung vel chu Camp neih tur a ni bawk ang. In select ngai lo hian zaipawl tha tak nei thei ila a duhawm tak zet a ni e.  Thla khat vel chiah kan bei dawn a, thahnem han ngai hram hram thei ila chu a duhawm hle a ni.

4. Beihrual thla(September) chhung hun hman dan tur rel a ni a. Pathianni tlai tin fellowship tur a ni ang a, fellowship naah hian kum danga tih ngai lo deuhin hming lam leh thilpek lakkhawm kalpui tur a ni ang. Fellowship programme chu Programme Sub. Comt. in a duang thin ang. Attandance lak tur a nih avang hian Inkhawm kal kim tumte chu Fellowship thulh loh hram tur a ni a, theihtawp chhuah hram hram a ngai a ni e.
========================================================================

THAWHLAWM.... 
# Pathianni hmasa Ramthar ip lakkhawmah ` 31435 lai mai hmuh a ni a, kan budget hi ` 2565 in kan la tlin lo deuh. Thla tin mai hi Ramthar lamah hmasawnna kan hmu zel a, a lawmawm hle. Ramthar ip hi vawiin lamah dawh chhunzawm leh a ni ang.
# Tukin hi Pathian ram ip lakkhawm ni a lo ni leh ta e.

HNATLANG
Nimin khan Branch K.T.P member te chu Upa Vanlalnghaka-te Tanky laiin hnatlang neih a ni a; he hnatlangah hian member 26 lai an thawk chhuak. A thuk lam 8feet laih turah 4ft laih a ni a, hnatlan zel dan tur chu Branch K.T.P Committee in a la ngaihtuah ang. Branch sum tuakna tur kan mamawh em em laia sum tuakna min siamsak thin hi a lawmawm thin hle a, member te pawh hnatlan leh hunah chuan thahnem han ngai tlang leh ila.

FRAME LEI LAWK
Branch K.T.P chuan member te inneih certificate present a mi tur Framed 8 lai a lei lawk, a inneih chur chur theih a nia.
========================================================================

MEET HMANG VE ANG
Champhai ‘N’ Presbytery K.T.P chuan Dt. 20-21, Aug 2011(Sat-Sun) hian Venglai Kohhran Biak Inah Meet an hmang ve dawn. A thlengtu Venglai Kohhran hian Meet Inbuatsaih nan an Branch K.T.P hnenah `100000 lai an pe.
========================================================================

AIZAWL CITY NEICCYA-IN JOINT FELLOWSHIP HMANG DAWN

August 15 (Thawhtanni) zan dar 7:00 hian Aizawl City North East India Christian Council Youth Assembly (NEICCYA) chuan Bungkawn Presbyterian Kohhran Biak Inah Joint Fellowship an hmang dawn a, Aizawl khawpui chhunga Kohhran pawl hrang hrangin chanvo an nei ang a, T.Upa Dr. Samuel Vanlalthlanga, NEICCYA President-in Pathian thuchah a sawi ang.

BUMHMANG, MISSIONARY A INCHHAL

Lalthakima (Jerry-a inti), tuna Orissa Khandamal, Odi, Slum Area hmuna Missionary Volunteer-a kal nia inchhal chu Pathian thu hmanga dawta mi bum tur zawng thin a ni tih hriatchhuah a ni a. Hetianga a lo bum tawh zingah hian Chief Minister nupui Lal Riliani pawh a tel nia hriat a ni.

Chief Minister te nupa hian kumin February ni 19-a Guwahati an tlawh tum -in, Khandamal dist-a missionary hnathawkten an rawngbawl dan chanchinte an sawi a, heng mite tan hian CM te nupa hian Inverter leina an pe a, chu chu Jerry-a pawh hian a lo hre ve nge, CM nupui Lal Riliani’n, ‘Mizoram in rawn chuan chhuah hunah min la rawn tlawh ve ula’ a tih avang leh an chunga lawmthu a sawi a duh avangin, CM Bungalow-ah hian July ni 28, 2011 khan a kal niin a sawi.

Missionary hna thawka rawng an bawlna chanchin tamtak sawiin, a insawi khawngaihthlak hle a, chutiang taka Pathian rawngbawl leh thahnem ngai tak nia inchhal a nih avang chuan CM nupui hian khawngaihin Rs.2,000/- leh Inptechei a lo pe a. CM te nupain Guwahati an tlawh tuma Major ST Dula te nupa leh Mr. & Mrs Emmanuel-a te nena an thlalakho chu Major ST Dula, tuna Guwahati-a awm mek tan an thawn tel bawk a ni.

Hemi hnu hian ngaihthat lohna eng emaw a awm avangin, Guwahati Mizoram House Liaison Officer leh Major ST Dula te chu biakpawh an ni a, chutiang ang mi an hriat loh thu leh tun thlenga engmah an la dawn loh thu an sawi avangin, Jerry-a nia inchhal hi Pathian thu hmanga dawta mi bum tur zawng thin a ni tih hriatchhuah a ni, thudawnna chuan a ti.

(Kan Pathian thu hi chu a thleng dik zel a nih hi)

===========================================================

HAPPY B-DAY

Vawiin hi Unaunu Zualtei Birth Day a ni a, ava ropui em.... Hapi Batday ka ti e.....