K.T.P AW ISSUE 46(Dt. 8.1.2012)

PAGE-I

THAWHLAWM.... 

# Pathianni hmasa Ramthar ip lakkhawmah ip 190 tlain ` 19,675 hmuh a ni a, Ramthar ip hi vawiin lamah dawh chhunzawm leh a ni ang.

# Pathianni hmasa rethei pual thilpek lakkhawmah khan `1989 lai hmuh a ni e.

# Tukin hi Pathianram ip lakkhawm hun alo ni leh ta a, chhungtin te’n a dang ngaihthah chuang lovin Tualchhung bik kha han uar deuh thei ila a tha hle ang.

MAHNI POST -AH

NPSS zirtirtu leh PTSS zirtirtu zawng zawngte vawiinah hian mahni awmna tura Kohhran Committee in min ruatna hmunah khan kal nghal tur a ni ang.

HLA ZIR

Kan hmaah hian Bial K.T.P Conference awm leh vung tawh mai. Dt. 17.1.2012 (Tue) zan Dar 6:30 p.m. a tang hian Conference a rem tur hla zir tan leh tur a ni a. Member te thahnemngai taka hla zir turin kan inngen a ni. Kan Branch hi hla kan zir ngawrh chhoh dawn lai vel hian chhiatna(thihna) hi veng chhungah hian kan tawk duh hle mai a. Chuvang chuan hun remchang kan neih lai hian thahnem i ngai tlang teh ang u. Thihna hi kan sawi phak a ni thin si lo.

PAWISA PAI VE

Branch K.T.P in Nl Maduhi chu SMB hnuaia Missionary a member chhuakte a tih thin dan angin O.B te an chenna inah lengin `1000 an va pai ve.

------------------------------------------------------

Report :

KUM THAR RUAI HLIM TAKIN KAN THEH

(Kohhranin min ngen lawm lawm chungin T.Section-in ruai an nawn)

Kanan Br. K.T.P : Dt. 8.1.2012 : Kum thar ruai chu hlim takin kan theh a, kan hmang zo ta. Section tina ruai thehte kan tlai a, kan hlim tlang hle mai. Section tin hian Bawng, Ar, Vawk, Sangha te kan buatsaih theuh a, Vanapa Section ten Sa-um tui tak an siam tel a, tin, Khuangchera Section ten Kelsa tui tak an siam tel bawk.

Mipui tawngkam leh ti-ti-ah chuan hetianga Section wise a ruai kan theh hi kan tlai tlangin kan puar tlang hle niin a lang a, thenkhat rilruah chuan chhunzawm duhna a lian thei hle awm e. 

Kumthar ruai thehah hian khua a nawm loh deuh avangin mipui kan phur angin kan phur thei lo niin a lang a, tin, khua tha se ruai theh pawh kan tam zawk ngei ang. Section tin ruai theh dan tlangpui hetiang hi a ni e. (Number kan tarlan hi a tlangpui a ni e.)

Khuangchera Section - mi 360

Vanapa Section - mi 450

Neuva Section         - mi 350

Taitesena Section         - mi 150

Total                 - mi 1310

Amaherawh chu, hetia hlim tlang taka ruai kan theh lai hian, Kohhran ngenna leh Krismas leh Kumthar Committee pawhina lehkha hiala Ruai chhunzawm lo tura an ngen hnua T.Section lam ten Kumthar ruai hlim taka an chhunzawm erawh kha chuan ngaihtuahna a tithui deuh. Section tin te khan Ruai kha an chhunzawm thei vek a, pawisa pawh an nei a ni. Mahse Kohhranin ruahmanna a lo siam tawh chu an zaha an chhunzawm lo. Chhunzawm tura nawr tute pawh an khap dai zawk a ni.

Tin, Field thlang lamin a hranpaa Krismas leh Kumthar ruai an lo theh hrang ve pawhin ngaihtuahna a tithui hle bawk a. Kohhran ruai buatsaih khawpkhamlo kan nih chuan kei mahni lam kan fel tawk lo tihna ani e.

------------------------------------------------------

KRISTIAN THALAI

Central K.T.P Chanchinbu, ‘Kristian Thalai’ la thar duh te chuan Agent a ruat thar Nl F.Laldingngheti hnenah a rang lama inhriattir tur a ni. A man hi tihfel thuai a ngaih dawn avangin ngai pawimawh ila a tha ang e. La tawh sa te erawh chu inhriattir a ngai hran lo ve. Min tibengvartu pawimawh tak a ni a, lak ngei chi...

------------------------------------------------------

CONF. HLA BU KHA

Conference hla bu kha a zat ve pawh la hralh loh a ni a, member a lei duh tur te chuan Nl Zamtei hnenah lam tur a ni ang. Hla bu pangngai kha `20 man a ni a, Spiral chi kha `30 man a ni a, aman erawh bat awih a ni lo.

------------------------------------------------------

VAWIIN  PROGRAMME

Sunday School

Tantu : Pu Pumthanga

Zirlai : Pawl siamrem Ni

Chawhnu Inkhawm

Tantu : Pi Kapthiangi

Thusawitu : Upa Vanlalnghaka

Zan Inkhawm

Thusawitu : Upa C.Thangvuka

K.T.P INKHAWM

Phek  lehlamah Programme dah a ni.

KOHHRAN HMEICHHIA

Hruaitu : Pi Vanlalhnuni

Tantu : Pi Ngunmani

Thusawitu : Pi C.Lianthangpuii

------------------------------------------------------

COMT. THU TLEM

# Branch K.T.P chuan kumin chhungin Branch hminga hmundanga zai tura ruatte Music Track chu tumsak zel nise tiin a rel.

# Thla tin Faith Promise lakkhawm zawh Thawhtan Inkhawmah Tawngtai rualna neih chhunzawm leh tur a ni a.

# Tin, Sum Report hi thla thum danah Inkhawm naah neih thin tawh tur a ni a. A thla thumna Thawhtan zan Inkhawm hmasa berah neih thin tur a ni ang.

# Kan Branch in Tirhkoh 4 kan chawm mek hi chawm chhunzawm rem tih a ni.

# Gen. Conf. Thenzawl a neihah kan Branch aiawha palai turin Pu C.Vanlallawma ruat a ni.

Phek lehlamah chhunzawm a ni...

------------------------------------------------------

PAGE-II

K.T.P KUMTHAR COMMITTEE NEIH A NI E

1. K.T.P Inkhawm hruaitu - O.B. te

2. Inkhawm Thusawitu - Committee member

3. Property Incharge - Pu C.Vanlallawma & Nl Rampanzeli

4. Computer Operator : 

Convener : Branch Secretary

Member : a) Chairman & Secretary, Prog Sub. Comt

        b) Chairman & Secretary, Zaipawl Sub. Comt

        c) K.T.P AW Editorial Board

5. Sub. Committee hrang hrangte hetiang hian din a ni.

     Programme Sub. Committee                                Evangelical Cell

Chair : Pu C.Liansanga                         Chair : Pu H.Lalthantluanga

V.Chair : Pu R.Rampanmawia              V.Chair : Tv Lalchungnunga

Secy : Nl Remtluangpuii                  Secy : Nl H.Lalremmawii

A.Secy : Nl R.Lalnunpari               A.Secy : Nl F.Lalnunpuii

         Zaipawl Sub. Committee                           Refreshment Sub. Comt.

Chair : Pu C.Rodinsanga                 Chair : Pu Raldokhuma

V.Chair : Pu C.Lalawmpuia             V.Chair : Pu K.Lianthanga

Secy : Pu Ramdinmawia                  Secy : Nl Lalrinmawii

A.Secy : Pu B.Vanlalchenpuia               A.Secy : Nl C.Lalhmangaihzuali

                                         Trea : Pu R.Zoramliana

Heng Sub. Committee hrang hrang leh Branch O.B ten vawiin Chawhnu Inkhawm banah Sunday School Hall -ah a huhova Committee member ruat tur a ni a. Thulh awih loh, kim taka kal tur a ni e. 

6. K.T.P AW 

K.T.P AW man hi kumin chhoah chuan ` 10 a ni tawh dawn a, Editorial Board tur hetiang hi a ni ang.

Editor         : Tv R.Lalramliana

Joint Editor : Tv T.Doneihthanga

Manager         : Tv Kananthara

Agent : Editorial Board te hian lo ruat se kan ti.

7. Group : Group liah inthen leh in Group hming leh thutna pawh a ngai rin a ni a, Group Budget atan ` 7000 pawm a ni a, Special Group erawh din tawh loh a ni. Tin, Branch Committee ten ` 7500 an Budget bawk. Group O.B. te ruat nghal a ni.

           Upa Khawtinthanga Group                      Upa Hrangchhuana Group

Leader : Pu R.Zoramliana                   Leader : Pu K.Lianthanga

A/Ldr : Tv Lalenkawla                A/Ldr : Tv JH Lalrokima

Secy : Nl Lalsawmliani                  Secy : Nl C.Vanlalthangi

A/Secy : Nl Rohmingthangi              A/Secy : Nl V.Lalthlamuanpuii

Trea : Tv Lalchungnunga                  Trea : Pu B.Vanlalchenpuia

F. Secy : Tv H.Lalramnghaka               F/Secy : Pu Lalmuanpuia Sailo

     Upa Zaneihhmunga Group                    Upa Khawkunga Group

Leader : Tv Kananthara                       Leader : Tv C.Lalpekmawia

A/Ldr : Pu Joseph Lalmuanpuia         A/Ldr : Pu C.Lalthanmawia

Secy : Nl T.Lalruatkimi                  Secy : Nl R.Lalengzauvi

A/Secy : Nl K.Lalhmangaihzuali           A/Secy : Nl Vanlalhruaii

Trea : Tv T.Doneihthanga                  Trea : Pu C.Lalawmpuia

F. Secy : Pu Lalsawivela                        F.Secy : Tv F.Lalramliana

Group tin bultanna hi ` 500 theuh pek chhuah leh tur a ni a, tin, Stationery pawh tumsak leh tur a ni.

8. Kumthar Inkhawm : Kumthar Inkhawm hi Naktuk zanah neih tur a ni a, Programme hetiang hi a ni ang.

Hruaitu : Pu C.Vanlallawma, Treasurer

Tantu : Nl B.Lalrinthangi

Thusawitu  : Pu K.Lalbiakhlira, Leader

9. Dt. 16.1.2012(Mon) zanah hian Member Inkhawm kim zan leh Faith Promise Night hman tur a ni a, Programme hetiang hi a ni:

Chair : Pu H.Lalthantluanga

Tantu : Pu Lalramdinmawia

Thusawitu : Pu B.Rosangzuala

10. Kumin chhungah chuan Bible Exam buatsaih rih loh tur a ni.

11. Member thi an awm chuan Kohhranin Kohhran member te ralna a pek hi rin nghal nise tih a ni a. Member Dan anga nupui/pasal neiah chuan `1500 man hu thilpek pek tur a ni a, hetah hian Framed Certificate a tel ang. Group hming chuan member chhiat/that tawhah kutthlak loh nise tih a ni. Tin, Zaipawl pawh a remchan dan ang a neih thin tur a ni bawk.

12. Bial K.T.P Conference huna Palai turte :

i. Pu B.Rosangzuala

ii. Tv C.Vanmawia

iii. Pu T.Paungaihliana

iv. Pu Raldokhuma

v. Pu B.Vanlalchenpuia

vi. Pu C.Lalawmpuia

vii. Nl C.Lalrozami

viii. Nl F.Laldingngheti

ix. Pu V.Lalropara

x. Tv Lalchungnunga Sailo

xi. Nl Rampanzeli

xii. Nl R.Lalengkimi

xiii. Nl Vanlalngaii

xiv. Nl H.Lalremmawii

xv. Nl JH Malsawmengi

Tin, kan Branch atanga Special Item ti tur te:

i. Solo  a) Tv H.Lalramnghaka    b) Pu C.Lalawmpuia

   c) Nl C.Lalzemawii

ii. Group Zai : Convener – Pu T.Paungaihliana

iii. Short Play : Convener – Pu K.Lalbiakhlira

13. Gen. Conference kalna motor lo ngaihtuah turin Pu K.Lalbiakhlira leh Pu C.Liansanga te ruat an ni.

14. Kumin ah hian Project atan Electronic Drum Set tih nise tih a ni a, hei hi running budget siamin kumin ah chuan ` 10000 dah phawt tur a ni ang.

15. Work Camp kalna tura Budget kan dah kallai mek chu Field Visit tia thlak a ni a. Field Visit hi kumin chhung ngei hian neih nise tih a ni a, a hmunah pawh Nl Muantei awmna Zaite thlan fel nghal a ni. Hemi atan hian kumin chhungin ` 40000 budget a dah nise tih a ni bawk. Budget kan lo dah tawh sa nen `52000 chu Field Visit kal nan hian kan neih hmel e.

16. Kristian Thalai Chanchibu Agent atan Nl F.Laldingngheti chu ruat a ni.

17. Committee hun nghet neih nise tih a ni a, thlatin Ningani(Thursday) vawihnihnaah Committee hi neih thin nise tih a ni.

16. Committee-ah hian kumin chhunga kan sum thawhchhuah tur leh kan hmanral tur hisap chu `2,54,500/- lai a ni e.

------------------------------------------------------

CHANCHIN THA THLEN NI

Dt. 11.1.2012(Tue) hi Mizorama Chanchin Tha thlen ni a ni a, hemi zana Kohhran Inkhawm Programme hetiang hi a ni ang.

Tantu : Pi Rangkhumi

Thusawitu : T.Upa GLK Thanga

------------------------------------------------------

MISSIONARY THLAH ANG

Vawiinah hian SMB in Missionary a lak thar te chu Chanmari Kohhran Biak Inah  tirhchhuahna hun an hmang ang. Jan 9 – 13 chhungin Synod Office-ah Orientation neihpui an ni ang. Missionary lak tharte hi January 2012 thla chhungin an hna zawm theuh tura tih an ni. Kan member pui Nl Maduhi a tel ve avangin kan han tilang chhunzawm a ni e.

------------------------------------------------------

2011 KRISMAS KAN HLIM HLE

     Hun a inher zel a, turni lo her chhuakin furpui kan tawng a, favang hun thawveng nuam tak kan hman hnuin thlasik kan lo tawng leh ta. Thlasik hi chuan mizo te rilruah engtin emaw riau hian awmzia  a nei a. A chhan lian ber mai pakhat pawh KRISMAS hun a awm vang hi a ni ngei ang le. Khawvel hi he hun hmang tur hian a inbuatsaih a. Mizote tan he hun hi a hlu zual em aw a tih theih.

     A chhan bul pui ber pakhat atang hian tunlai leh hmanlaia Krismas kan hlut dan danglam theih dan lo sawi hmasa ila.

      Hmanlaiah chuan....kut hnathawkin ei an zawng a. Lo an nei a, buh, vaihlo leh thil dang tam tak an ching a, an hun neih zawng zawng kha LO a ni mai. Tin, lo khaw tam takin lo neih an bansan hnuah pawh mi hnuaia inhlawh leh hnadang thawkin rim takin mi tam zawkin hun an hmang a. Tin, Sa an ei khat em ema, duh hun huna lei tur a awm lo a, awm pawh nise duh hun hun a sa lei thei tur khan pawisa an nei lo a ni. Tin, Krista lo pianni, min tlan tura he khawvel a lo kal ni champha phak hi a lawmawm em em a, a nghahhlelhawm lo thei lo a ni. Kan hnung deuhah pawh khan kan vengah chuan kar khata sa vawi hnih lai lei te kha chu kan sawi duh thin em kha. Chumai ala ni lo. Neih zawng  zawng sengin thalai ten lehkha an zir a. An khuaah zirna sang zawk a zir theih loh avangin hmun dangah lehkha an zir a, chungte leh an chhungten an nghahhlelh thin pakhat chu Krismas hun hi a ni bawk. He hunah hian Chhungkua an inhmu khawm thin a, hmundanga lehkhazir leh eizawnna avanga awmbo te leh an chhungte, leh  thenrual thate chu inngai em emin an inchibaia, Krismas chibai chu sms mai nilovin a tak ngeiin an inchibai thin a lo ni. Chuvang chuan Krismas; hahchawlhna hun, duh tawka sa leh buhchang rum ei theihna hun, Lal piang lawma hlim taka zai vawrna hun, hun hlimawm, hman liam hnua lung tileng em em mai kha  a ni a. Chuvang chuan hmanlai deuhah phei kha chuan Krismas hun hi a va mawiin a va hlu leh zual dawn tak em.

Zamtei pawhin Biak In kawta Ran in chu thla a lakpui uluk khawp mai

     Tunlai deuhah chuan....khi'ng a chunga kan sawi te nen khian a danglamna chu a tam vak lovang a, mahse hnate kan thawk tam tawh lo em ema, tin duh hun hunah(khawpui deuhah chuan) sa te kan lo ei a, hei hian a bikin thalaite rilruah nghahhlelhna a ti nep em aw ka ti thin. 

     Awle, engpawh nise, engtikawng pawhin Krismas hun hi a hlu a, Krismas-in a ken tel; Hnahlak te, Thinglak te, Thawmhnaw thar neih te leh tuma mitmei veng lova men pawh meng phal lova, Civil Bass tak tak a 'Aw ava mawi em he ni lawmawm hun tawi te hi' tih han sak thuai thuai te chu Krismas tihlutu vek an ni tawh. Tin, Thalai ho Carol te, mizo chhang ban ngei mai Kohhran hoin kan han eiho te hi he hun hmanliam hnu a khawhar tizualtute zingah chuan tawrhhlelhawm ber zing ami an ni ngei mai.

    Tichuan, khi'ng thu khi a kam keu nan ka han tarlang a, kan Kohhran Krismas kan hman dan tlangpui ka han Report ang e.

   Dt.24.12.2011(Urlawk ni)-ah chuan a nghakhlel zual kan ti dawn nge, a nghal fal deuh kan ti dawn? Chungmite chu tumah pawh insawm chuang lovin Biak In velah kan tal bal hlawm a. Khuang dahna te chu kan siamtha a, Sa suahna fianpui awng te chu a fawng kan siamtha bawk a. Section tin ten an mamawh tur Kohhran bungbel chu kan sem chhuak a. Tin, Sunday School Hall-ah Krismas lenkhawm a awm dawn avangin chungte chu kan singsa in thutthlengte kan remfel bawk a. K.T.P lamin lenkhawm hi kan thlen dawn avangin Thingpui te kan chhuang lawk a, motor-in thingte kan phur bawk a. A hma daih tawh atangin Biak In kawtah Ran in kan siam a, kan uluk ve hle a, tin, banner te kan siam a, kan theih ang tawk leh kan remhriat ang tawk leh kan pawisa neih ang tawkin Biak In chu kan han chei ve bawk a. Tichuan tawngtaina nen Krismas hmachhawn tur chuan  kan inpeih thawkhat a. Mahse pawi tak mai pakhat chu kan vengah mithi an awm zawn deuh avangin K.T.P lam chuan hla kan zir thei lova, a pawi hle. Mahse hemi tlaiah hian NPSS Youth for Christ ten Pu K.Lalbiakhlira hovin hla an zir a, music track nen an uluk khawp mai. Tin, Pu C.Vanlallawma hova Group zai turte pawhin hla an zir ngawrh hle.

Bazar chungah Street Service kan hmang a

Lo in post hmanhmawh a, chuan Hmangaihtei khi a ei tui hmel khawp mai.

Duh aiin a lang chiang a nih khi!!!!!

Tluanga te pahnihin(Tluanga+Tluanga) boruak an siam khawp mai

Pu Lianvela khian min rawn tel pui a, a muthlu miah lo nia

Rampuia pawh thla lain a tang khawp mai

Goup zai an ni e.

    Zanah chuan Biak In khat mawi tawk vel kan Inkhawma, zai erawh a tui hle. Tin, Inkhawm bana lengkhawm pawh a mawi tawk chu an awm a, mahse an tui hle. Hemi zanah hian kan veng boruak a tha hle a, zurui han au teng vel pawh an reh dak mai. K.T.P AW chanchinbu chhutna lamah erawh chuan Editor tawiawm tu an tha khawp mai. 

Banner pawh chhungkaw hrang hrangin thla an lakpui nasa khawp mai..

    A tuk Krismas niah chuan Inkhawm kan tam hle a niang, kan Chairman Upa Vanlalnghaka chuan 'Krismas Ni a kan inkhawm tam ber tum a ni awm e' a ti hial a, mi 1200 vel lai kan inkhawm a ni. KTP OB leh thingpui lum tura ruat mi tlemte te erawh inhnuai lamah buai namenin kan buai lova. Inkhawm ban rual erawh chuan thingpui chu kan peihfel hman hram a. Tichuan inchunglama duty ten ARTUI KAN INDAIH DAWN LO an rawn tih zet chuan mang a ang duh hle a, mahse a mak khawp mai kan ei bang tlat.!!!! Chawhnu inkhawm pawh kan tui a, Inkhawm banah Bazar chungah Street Service K.T.P ten kan hmang a, a nuam hle. Zai kan tui bawk a, a solfa lam pawh kan ngaihtuah lo. A bu nasa a piang kha an bass thum hmel tawh mai a ni. Zan Inkhawm pawh a nuam khawp mai. Zan Inkhawm a ban hla chu a tla tha khawp a. T.Upa GLK Thanga'n thu a sawi a, ban hla ah hian 'Lal pian hun lawmawm tak chu kan thleng leh ta' tih hla a thlang a, vawi 10 chuang lai kan la nawn. Inkhawm ban lengkhawm pawh kan tam hle a, kan vaiin kan lam a, kan hlim khawp mai.....PATHIAN CHU FAKIN AWM RAWH SE.

Kan Biak In pawh zanah chuan a nalh khawp mai.

     Thawhtan ni chu Krismas Ruai Ni a ni. Section tinte'n zing atangin Ruai kan buaipui mup mup a. A then an lo in au el deuh a, a nuam duh khawp mai. Inkhawm chu kan tam hle reng a. Tlaiah ruai kan han theh chu Section tinte kan hnianghnar tlang hle. Taitesena Section lam an thawm a ring khawp a, nupa te tein an lam vel a, an thawm pawh a tha khawp mai. Hetiang hi Section hrang hrang ruai theh dan a ni.

   Neuva Sectin                :  mi 320

   Vanapa Seciton            :  mi 580

   Taitesena Section          :  mi 160

   Khuangchera Section    :  mi 350

Zan Inkhawm leh lenkhawm erawh zawng kan tui hle tih hi kan thu kharna nimai teh se.

K.T.P AW ISSUE 44(Dt. 25.12.2011)

PAGE-I

THAWHLAWM.... 
# Pathianram ip vawih hnih dawh tawhah ip 299  tlain hetiang hi sum hmuh dan a ni.  Pathianram 74050 Ramthar 46455 Tualchhung 73015 Biak In 66500 Total 260020

# Pathianni hmasa K.T.P Faith Promise lakkhawmah Rs 11940 lai mai hmuh a ni leh ta a, a lawmawm thin hle.

# Tukin hi Kohhran Hmeichhe Missionary ip lakkhawm hun a lo ni leh ta e.

DANAH LAWM LUT ANG
Dt. 28.12.2011(Nilai zan)-ah hian Sacrament Camping a lut zawng zawng te Dan chhunga lawm luh tur a ni a, Camping a lut zawng zawng te chu tel vek tur a ni. Hemi zanah hian an pualin Lalpa Zanriah Sacrament Kohhran hoten kan kil bawk ang.

KOHHRAN  HMEICHHE O.B
2012 chhunga Kohhran Hmeichhe Office Bearer te:
Chairman         : Pi Thangseii
Vice Chair : Pi K.Biakmawii
Secretary         : Pi Lalkohthangi
Asst. Secy : Pi Lalthanthiangi
Treasurer         : Pi Lalrinawmi
Fin. Secy         : Pi Zamchuaii

BRANCH K.T.P O.B.
Kum 2012 chhunga Branch K.T.P Office Bearers te.
Leader         : Pu K.Lalbiakhlira
Asst. Ldr         : Pu C.Liansanga
Secy.         : Pu B.Rosangzuala
Asst. Secy : Tv R.Lalramliana
Trea          : Pu C.Vanlallawma
Fin. Secy         : Pu H.Lalthantluanga

KRISMAS CHIBAI ULE

Kanan Br. K.T.P : Dt. 25.12.2011 : (Kan hman ngun tawh avangin a ropuina a nep chuang lova, kum tin a lo thlen avang hian a hlutna a nep phah chuang hek lo. Krismas chibai vek ule)

He hun hian mi tam tak lunglenna leh khawharna a thlen a, nunhlui ngaiin an tap vawng vawng a. Hmangaih kaltate leh rualduh kalta te ngaiin an tap a, khua hmunah duh berte nen an hman theih loh avangin lunglengin hun an hmang thin bawk. He hun vek hian nu leh pa tam tak te lungngaihna a thlen bawk a. Fate duh leh mamawh tihlawhtlin tumin kum tluana an sum lo khawl sa te chu hawngin an hmang chhuak a. Aw...natna khuma mute tan leh lusun fate tan he hun hi a va chimawm thin dawn tak em....

Hetiang zawng hlira Krismas kan hmuak anih ngai chuan mi a zawnga mi khawngaihthlak ber kan ni awm e. Christmas hi Pathianin kan damna tur a tana a fapa mal neih chhun min pek ni a ni a, hetiang ringawt hi chuan rilru i pu lo hram teh ang u. HLIM NI a ni a, kan lungngaihna leh kan rilru hahna zawng zawng te hi Pathianin min chhawk a duh a, chumi thleng nan chuan HLIMNA hi min pe phal bawk. 

Ngaihtuah duh tak chuan nunhlui leh rilru hahna tur leh lungngaihna tur chu a tam hle mai, mahse tukin chauh tal chu rilru engthawl takin awm tum la, nizan thil thleng te, nimina thil thleng te, hun kal tawh a thil thlengte theihnghilhin tukinah hian thinlung zawng zawnga Naupiang lawmin Biak In lamah nausen chibai i buk ang u.....Krismas chibai ule....

Kum 1903 ah Mizoramah hian Krismas hman tan a ni a. Kum 1905-ah chuan Zosapthara hovin an hmang a. An sava awh te thawhkhawmin vawk sum nga a lian an talh bawk a. Chhun lamah naupang hovin infiamna-intlansiak leh inhruipawh an ti a. Tlai dar 4 velah ruai an theh a ni.

NAKTUK RUAI THEH HUN

Krismas Ruai chu Naktuk khi a ni ta der mai. Engle-khawle Section tinte kan in peih emaw, inpeih lo emaw RUAI hunin min nang ta tho tho e. Vanapa Section te hi Pu Chhawna te in bul bawr velah Ruai an theh dawn a, Puitling 338 leh Naupang 59 vel ruai theh tur hian beisei a ni. Neuva Section lam te erawh chu R.Hranga High School ah ruai theh an tum a, Puitling leh Naupang mi 280 vel ruai theh tura beisei a ni bawk. Khuangchera Section lam chu Upa Vanlalnghaka leh Pu Zasanga te in bawr velah ruai an theh ang a, Puitling leh Naupang 345 velin ruai an theh bawk ang. Taitesena Section hi Puitling 117 vel niin Naupang hi 21 vel an nih hmel bawk. Primary School kawt zawlah leh Bazar chungah ruai an theh ang.

Section tinte a ruala ruai theh tur a ni a, Fatu in Dar 1-ah thehin Dar 2 -ah chuan mipui ruai buatsaih ngei tawh tur a ni ang.

Section tinte Krismas ruai hlim taka theh turin duhsakna kan hlan che u a, hlim tak leh puar takin theh ang  che u.

KRISMAS PROGRAMME
Chawhma Inkhawm
Hruaitu : Upa Vanlalnghaka
Tantu : Pu C.Dokhuma
Thupui : Chanchin Tha lawmawm em em
Sawitu : Upa Lalmaka

Chawhnu Inkhawm
Hruaitu : Upa Vanlalnghaka
Tantu : Nl R.Lalengzauvi
Thupui : Bethlehem-ah i kal ang u.
Sawitu : Upa Thangchhingpuia

Zan Inkhawm
Hruaitu : Upa Vanlalnghaka
Thupui : Remthu leng rawh se
Sawitu : T.Upa GLK Thanga

Thawhtan Chawhma
Hruaitu : Upa Vanlalnghaka
Tantu : Pi Ngaihzuali
Thusawitu : Upa C.Thangvuka

Thawhtan Zan
Hruaitu : Upa Vanlalnghaka
Thusawitu : Upa Chawngliana


MADUHI-SMB MISSIONARY

Kan hnunga Synod Mission Board-in Missionary a lak thar zingah khan Nl Maduhi (d/o Vanlalvena Chhangte pawh a tling ve a. Home Mission South, Damparengpui-ah a thawk ang. Kan Kohhran chuan Dt. 4.1.2012(Nilai zan)-ah thlahna Inkhawm an hmang ang.

BUDGET TAM

Kohhran Kum tawp Committee in kum 2012 chhunga Budget an siam chu kum hmasa 2011 aiin a sang hle. ` 8,36,000/- chu laluta hmang ral turin a beisei a, tin, Presbytery Inkhawmpuia hman tur atan hian ` 2,96,000/- lai an ruahman bawk. Kum dang zawng aiin Kohhran mipui te kan tan a ngai tak zet a ni.

--------------------------------------------

PAGE-II

VAWIIN TLAI FELLOWSHIP

Vawiin tlai Fellowship chu Bazar chungah kan hmang dawn a, K.T.P member zawng zawng te tel vek tura sawm kan ni e. Programme tlangpui hetiang hi a ni e.

Chairman        : Pu B.Rosangzuala

Short Sermon : Pu C.Liansanga

Solo         : Nl C.Lalzemawii

Special Item     : 1) Pu C.Lalawmpuia 2) Pu Lallawmtluanga

Group zai

Heng bakah hian thutthleng thiar tur leh dah fel turte, Sound buaipui turte inruat a ni bawk. Thahnem ngai takin i fellowship ang u.

2012 RAWNGBAWLTUTE

  Kohhran Committee chuan 2012 Rawngbawltute a ruat thar leh ta a, han tarlang ila.

PUIPATE

Chairman         : Bialtu Pastor

Vice Chairman : Upa Lalmaka

Secretary      : Upa C.Thangvuka

Asst. Secretary : Upa H.Sangkhuma

Treasurer(Tualchhung) : T.Upa C.Lalbiakmawia

Treasurer(Synod sum) : T.Upa GLK Thanga

Financial Secretary         : T.Upa F.Vanlalrosanga

KOHHRAN COMMITTEE AIAWH

Kristian Thalai Pawl : 1) Upa H.Sangkhuma 

                        2) T.Upa GLK Thanga

Kohhran Hmeichhia : 1) Upa Lalmaka 

                        2) T.Upa F.Vanlalrosanga

Pavalai Pawl :         1) Upa Chawngliana

                        2) T.Upa Thasiama Sailo

INCHARGE

Property : T.Upa C.Lalbiakmawia

Library : Upa C.Thangvuka

Endowment Fund & 

Tual chhung budget : Upa Vanlalnghaka

SUNDAY SCHOOL ZIRTIRTUTE

1. Pu C.Lalkaia 2. Pu Lalduata 3. Pu R.Zakhuma

4. Pu T.Lalchhawna 5. Pu C.Lalsiamthanga

6. Pu V.Rokhuma 7. Pu Vanlawma 8. Pu C.Kapzara

9. Pu C.Lalchhawna 10. Pu R.Siamchhunga

11. Pu K.Vanlalhlira 12. Pu Vanrambeiseia

13. Pu V.Lalduhawma 14. Pu C.Thanzauva

15. Pu T.Ralzatawna 16. Pu C.Laldingliana

17. Pu S.Biakvela 18. Pu NK Liana 19. Pu Zasanga

20. Pu VK Lalropuia   21. Pu Thangruma

22. Pu Vanlalvena Chhangte           23. Pu H.Lallianvela

24. Pu John DK Paua 25. Pu JH Lalthianghlima

26. Pu Zamkhawnanga 27. Pu T.Rotawna

22. Pu Vanlalvena Chhangte           23. Pu H.Lallianvela

24. Pu John DK Paua 25. Pu JH Lalthianghlima

22. Pu Vanlalvena Chhangte           23. Pu H.Lallianvela

24. Pu John DK Paua 25. Pu JH Lalthianghlima

26. Pu Zamkhawnanga 27. Pu T.Rotawna

28. Pu R.Lalengzama 29. Pu K.Lalthantluanga

30. Pu T.Zokhuma 31. Pu Biakliana

32. Pu T.Remmawia 33. Pu R.Lalchawimawia

34. Pu C.Liansanga 35. Pu Vanlallura

36. Pu Sanglianthanga 37. Pu C.Dokhuma

38. Pu C.Lalrengliana 39. Pu RK Lalawmpuia

40. Pu Lawmzuala 41. Dr. H.Vanlalfaka

42. T.Upa GLK Thanga 43. T.Upa C.Lalbiakmawia

44. T.Upa Zahlira  45. T.Upa Thasiama  46. T.Upa Hmingliana 47. Upa H.Sangkhuma 48. Upa Dengrikhuma 49. Upa C.Thangvuka

50. Upa Vanlalnghaka 51. Upa Chawngliana

52. Upa Lalmuana 53. Upa Hrangkhuma

SENIOR DEPARTMENT

1) Leader : Pu K.Lalbiakhlira  2) Asst. Leader : Pu K.Lalramhluna

3) Pu Emma Lalramdinmawia 4) Pu C.Vanlallawma

5) Pu C.Lalthansanga 6) Nl C.Lalrozami

7) Nl JH Malsawmengi 8) Nl H.Lalremmawii

9) Nl Zamthanmawii 10) Nl C.Lalhmangaihsangi

11) Nl F.Laldingngheti 12) Pu Lalrinawma

13) Pu H.Lalchhandama

SACRAMENT DEPARTMENT

1) Leader : Pu C.Rodinsanga  2) Asst. Leader : Tv R.Lalramliana

3) Tv T.Doneihthanga 4) Pu Ngurthanzama

5) Pu Zaithantluanga 6) Nl B.Lalrithangi

7) Nl HS Lalengmawii 8) Nl Lalramchhani

9) Pu Thanghmingliana 10) Nl C.Lalhriatpuii

11) Tv HS Lalrotluanga

INTERMEDIATE DEPARTMENT

1) Leader : Pu T.Paungaihliana  2) Asst. Leader : Pu V.Lalropara

3) Tv F.Lalramliana 4) Pu Lianrehlova

5) Tv Lalchawimawia 6) Tv Kananthara

7) Tv H.Lalramnghaka 8) Nl C.Lalhmangaihzuali

9) Nl T.Lalruatkimi 10) Nl Lalnunpari

11) Nl C.Lalrinengi 12) Nl Vanlalngaii

13) Nl Zohmingthangi 14) Tv R.Lalrotluanga

JUNIOR DEPARTMENT

1) Leader : Pu K.Lalengzauva   2) Asst. Leader : Tv Lalchungnunga

3) Tv Rinthangpuia    4) Tv C.Vanmawia       5) Tv R.Vanlallawma

6) Nl Remtluangpuii   7) Nl R.Lalremruati 8) Nl Zoramsangi

9) N C.Lalramchuani  10) Nl R.Lalengzauvi  11) Nl Rampanzeli 12) Nl Lalramliani 13) Nl K.Lalhmangaihzuali 14) Tv F.Lalthenlova

15) Tv Ramengmawia 16) Nl Lalengzuali

PRIMARY DEPARTMENT

1) Leader : Pu H.Lalthantluanga  2) Asst. Ldr. : Pu Rampanmawia

3) Pu R.Zoramliana 4) Pu Lalrammawia Sailo

5) Tv Lalkima  6) Tv V.Lalrokima  7) Nl Laltlanfeli

8) Nl R.Lalnunpuii   9) Nl F.Lalnunpuii   10) Nl B.Lallawmkimi

11) Nl Lalsiamtluangi 12) Tv Lalchhawnkima

13) Pu B.Vanlalchenpuia 14) Pu C.Lalawmpuia

15) Nl Lalsawmliani 16) Nl Rohmingthangi

17) Nl C.Vanlalthangi 18) Nl Lalmuanpuii

19) Nl Lalrochawii 20) Nl Ramdinmawii

BEGINNER DEPARTMENT

1) Leader : Pu B.Rosangzuala  2) Asst. Ldr. : Pu Ramdinpuia

3) Pu K.Lianthanga 4) Tv K.Lalnunpuia

5) Nl Mary Laldinliani 6) Nl F.Vanlalchami

7) Nl Lalrinmawii 8) Tv C.Lalpekmawia

9) Nl C.Lalzemawii 10) Tv Lalenkawla

11) Nl V.Lalthlamuanpuii 12) Tv Laldinngheta

13) Tv Thangzaliana 14) Pu R.Lalchhuanmawia

15) Samuel Hrahsel 16) Tv K.Lalrinawma 17) Tv K.Zothansanga 18) Nl Vanlalhruaii 19) Nl Lallianpuii 20) Nl Malsawmtluangi

21) Nl R.Lalhmangaihzuali 22) Nl Lalmuansangi

# Vanapa Section huam chhunga S.S. Naupang zawng zawngte naktuk zingah thing thiara hnatlan vek tur a ni a, Pu F.Laltanpuia(Thlanmual veng) ah kal khawm tur a ni.

# Section tin huam chhunga pa/pavalai leh tlangval te pawh Section counter a sa chan leh tul dangte buaipuiin naktuk zingah chhuahkhawm vek tur a ni e

----------------------------------

CHAWHCHAWRAWIH

THIL THLENG THAR TE

(Kan veng chhungah leh hmun dangah thil thleng thar a awm nual a, Chanchinbu a chhuak tawh si lova, ka'n bengver ve ang e.)

CHHIAT TAWK

Dt. 22.12.2011 khan Pu Hrangchhuma chu Zunthlum natnain a boral a. Pu Hrangchhuma hi pa fel ta, pa tha tak, mi inngaitlawm mi tak a ni a. Hun rei tak atang tawh khan Zunthlum natna in a tlak buak a. He a natna hian a kal lam a khawih chhe tel a, thawhah te a nei bawk a. In lamah hun rei tak an inenkawl  hnuah min liamsan ta a ni. Khawhar chhungte kan tuarpui takzet e.

CHAWHCHAWRAWIH ZAN

Pathian hruaina zelin Dt. 20.12.2011 khan Chawhchawrawih zan kan hmang a, a ropui bep bep khawp mai. Pu C.Lalawmpuiate, Pu C.Vanlallawma te, Pu H.Lalthantluangate, Pu Raldokhuma te chu an che ropui hle mai. Hemi zan hian Camera ka ken loh avangin thlalak ka rawn tilang thei lova, a pawi hle. Mahse pahnih chu i'n thlir hram teh ang.

Pu C.Vanlallawma

Pu H.Lalthantluanga

Gift Exchange pawh kan ti tel a, a nuam thin mange aw....

KRISMAS RUAI LAM

Kumin chu Kohhranpui angin ruai kan theh dawn lova, Section tin ten a hrang theuhin kan theh dawn a nih kha. Vawiin lamah hian Vanpa Section ten hnahlak an tum a, nimin lam khan Neuva section leh Taitesena Section lam ten hnah an la tawh bawk. Tukin (Dt. 24.12.2011)lamah hian Khuangchera section te chuan bawng an talh a,  tin, nimin lamah khan an ruaithehna tur Upa Vanlalnghaka te inchung leh Pu Zasanga te inchung an thian fai bawk

       Khuangchera Section te ruai thehna tur kan sawi tawh a, Vanapa Section te chu Pu T.Chhawna te kawmchhak lamah ruai an theh ang a, Taitesena Section chu Primary School kawtah leh Bazar chungah an theh ang a, Neuva Section te chu R.Hranga High School kawtah ruai an theh bawk ang. Seciton tin te Krismas hlim takin duhsakna ka hlan e.

SUMO CHE SUAL

Nilaini(Dt. 21.12.2011) zan dar 11 velah khan Pu Raldokhuma Sumo Aizawl lam pana chhuk chu Keifang thlen hmain a ke hmalam Driver side lo zawk a puak a, kawng chhak lam a hrut a, nimin lamkhan an la chhuak fel thei hram. Krismas intuak chhoh vanglai taka hetiang an tawk hi a pawi khawp mai..

Farkawn ah in chekhlum

Nizan Dt 22.12.2011 zan dar 10 vel bawr khan� Pu Ramenga Farkawn, Champhai District te in a leng Zoramsanga S/o Mangdova of Farkawn chu a hnung zang ah Chhiahhluna S/o Lianduha (L) of Chhunchhuk, Myanmar P/A Farkawn chuan hreipui in a chek a. Vawiin dar 9 am vel bawr khan damdawiin panpui a nih laiin Zoramsanga hi a boral a ni. A chek tu Chhiahhluna hi Farkawn a hun rei tawh tak atanga awm tawh ni a thudawn a ni a. Amah hi Champhai Police ten vawiin hian an man a. Tin Zoramsanga ruang hi Champhai District Hospital ah vawiin vek khan Post mortem a ni. A cheh chhan hi thu in bat fuh lo ho te nia thu dawn a ni a. Tapchhak a Zoramsanga leh in nei tu Ramenga in kawm lai chu hnung lam a tang hian a chek pawp mai nia hriat a ni. A hrei ha pawh hi a tlum hmawk a ni awm e.

FERDINAND VS JOHN TERRY

Suarez chu Evra vun rawng hmuhsitna rawngkaia a auh avangin match 8 lai hrem ani dawn a, hei hi appeal leh thei turin chance an pe a, Suarez hian a appeal leh dawn a ni. Hetih lai hian Chelsea captain leh England captain John Terry chu Metropolitan Police te chuan QPR defender Anton Ferdinand a chunga a chet danah felhlel a awm chiang a ni tiin Court-a inlan turin an ti a, February ni 1, 2012 ah Court ah a inlan dawn ani. Hetah hian thiam loh a chang ngei a nih chuan hremna na tak FA chuan an pe ngei ang a, Tin, euro an khelhna turah pawh captain nihna hlihsak mai bakah Team chhunga a tel a nih chuan player dangin an inhnuhdawh phah a hlauhawm ta khawp mai.

Court a inlan hunah Ferdinand chuan thil pawimawh sawi tur a awm chuan a in peih reng thu a sawi a, Terry hi thiam loh a chang a nih chuan a hmaa kan sawi tawh ang khan England team ah buaina nasa tak a thleng thei mek a ni. Wayne Bridge pawh kha a bialn hlui Terry-a’n a lo CK pui avangin England Squad atangin a inhnuhdawh phah kha a ni a, tunah terry hi chi inthliarna chungchanga a fihlimlo a nih hnua England team-a telh a nih leh si chuan England Squad-a mihang ho an lungawi lo anga, Team an chhuahsan huk thei reng a ni. 

K.T.P AW ISSUE 43 (Dt. 18.12.2011)

PAGE-I

THAWHLAWM.... 

# Pathianni hmasa Ramthar dawh vawi hnihnaah khan ip 26 tlain Rs 2410 hmuh a ni a, a hmasa ami nen tun thla chhungin Rs 26195 lai mai Ramthar ipah hian hmuh a ni.

# Tukin hi K.T.P Faith Promise lakkhawm hun alo ni leh ta. Kumin chhunga a tawpna ber tur a ni tawh bawk a, member zawng zawngte thahnem i ngai tlang hram teh ang u.

HLA ZIR

Vawiin Sunday School banah hian K.T.P member zawng zawngte hla zir leh tur a ni. Rinai takin member hla zir kan tam lo hle a, thahnem i ngai tlang deuh teh ang u. Veng chhungah chhiat tawk an awm avangin hla kan zir hlei thei thin si lova, kan hun neihah hi chuan theihtawp i chhuah teh ang u.

KRISMAS LAM

Section tin Krismas Committee te chu Krismas leh Kumthar ruai theh turin an inpeihfel thawkhat ta tak tak e. Neuva Section te chuan an thing lak a tam deuh avangin an hralh then a, hei hian an sum mamawh thenkhat a phuhruk hle. Dt. 23.12.2011 hian hnahlak an tum bawk. Tin, K. Section te chuan ar 40kg vel lai an order tawh bawk. T.Section lam pawh ruai thehna tur sum chu an nei tawh a ni awm e. Vanapa Section pawhin ruai theh na tur atana thil tul te chu an lam khawm fel thawkhat tawh bawk e.

---------------------------------------------------

K.T.P KUMTAWP INKHAWM

(Kanan Br. K.T.P : Dt. 18.12.2011 : (Kum bul atanga kum tawp thlenga min hruaitu Pathian chu fakin awm se la, ropui ber rawh se.)

Kan ti nek nek a, K.T.P rawngbawlna pawh kum khat chhung atan kan lo tlingtla leh dawn ta reng mai a, K.T.P Inkhawm pawh kum tawp kan lo thleng leh ta der mai. A lawmawm takzet a, Pathian hnenah lawmthu kan sawi mawlh mawlh a tul awm e. Kum tawp Inkhawm Programme hetiang hi a ni e

Chairman                 : Pu K.Lalbiakhlira, Asst. Leader

Tantu         : Nl Vanlalngaii

Short Sermon     : Pu C.Liansang, Leader

Result puan         : Branch Secretary

Lawmman semtu      : T.Upa Thasiama Sailo

Report         : Branch Secretary

2012 Branch O.B. thlanna neih a ni ang.

       Inthlan chungchang : He Inkhawmah hian kum 2012 chhunga Branch O.B. turte thlan tur a ni a. Inthlan dan turah chuan mi 6 thlang chhuakin vote hmusang 6 te chu tlinga puan tur a ni ang. Inthlanna buaipuitu atan heng mite hi an ni ang.

Returning Officer : Upa Vanlalnghaka, Repre.

Recording Secretary : Upa C.Thangvuka

Thlanpuitu         : Kohhran Committee te.

Mi 6 thlan chhuahte leh Kohhran Represent, Kohhran Chairman leh Secretary te nen Inkhawm banah hian Post insiamrem nghal tur a ni ang.

Inthlan tur a nih vang hian Inkhawm turte chuan pen  ken theuh tur a ni ang.

Thahnem ngai takin : Kum tawp min hruai thlengtu hi tudang ni lovin, Pathian a ni a, chuvang chuan Kum tawp Inkhawm ngaihpawimawh hi K.T.P Member tih tur dik tak a ni a, ringtu tan chuan ngaihpawimawh em em tur a ni ang. Chuvang chuan member a tam thei ang ber Inkhawm ang u.

---------------------------------------------------

THINGPUI LUM TURTE

Kumin Krismas leh Kumthar chhunga lenkhawm thingpui lum tur te:

1) Tv Lalchungnunga (Convener)

2) Pu V.Laltanpuia

3) Tv C.Vanmawia

4) Pu Nangdoliana

5) Nl Rampanzeli

6) Nl Manzatingi

7) Nl Mary Laldiniani

8) Branch O.B. te

ADVANCE C’MASS KHA

Branch K.T.P in kar kaltaa Advance Christmas hman kan tum kha veng chhunga chhiat tawh avangin thulh a ni a, Dt. 20.12.2011 (Tue) zanah hian hman a ni ang. Programme chu phek lehlamah tarlan a ni e.

# Vawiin tlai Fellowship banah hian Branch Committee member te’n Faith Promise enho tur a ni e.

PROGRAMME

Chawhma Sunday School

Tantu : Pi Lalroengi

Zirlai 47-na : Chhandamtu Isua

(Krismas thlîr lawkna)

Chawhnu Inkhawm

Tantu : Pi JH Vanlalruati

Synod Inkhawmpui Report ngaihthlak a ni ang.

Zan Inkhawm

Thusawitu : Upa Lalmuana

FELLOWSHIP

Hruaitu : Tv Vanlalchawimawia

Tantu : Nl Lalrinsiami

Kumin chhunga K.T.P rawngbawl hona thlirletna

Host : Tv R.Lalramliana

K.T.P INKHAWM

Kum tawp Inkhawm a ni.

KOHHRAN HMEICHHIA

Hruaitu : Pi Lalkohthangi

Tantu : Pi Pi Lalramngaii

Thusawitu : Pi Vanlalsiami

NPSS ZIRLAI

NPSS Exam

---------------------------------------------------

TUN THLA RAMTHAR BALHLA TUK TURTE

1. Pu K.Vanlalhlira(Leader)

2. Pu JH Lalthianghlima

3. Pu R.Lalrinsanga

4. Pu Vanlalchhuanga

5. Pu Langkhawsuana

---------------------------------------------------

THU NAWI DANGTE :

@ Dt. 23.12.2011 hian Kohhran Committee chuan kumtawp Committee neih an tum

@) Tun thla Pathianram ip dinhmun chu kan tilang thei lova, a pawi kan ti hle.

@) DCSO lamah buhfai dil mek a ni a, hei hi Section tin ten kan mamawh angin tlan chhawn leh tur a ni. Section mal mala hmalak a buaithlak deuh avangin hetianga tih hi a ni ta mai a ni. Tui pawh dil tum mek a ni a, Section tinah tui dahna tur lo nei lawk theuh ila.

---------------------------------------------------

PAGE-I

CHAWHCHAWRAWIH ZAN

Dt. 20.12.2011 (Tue) zana hman tur CHAWHCHAWRAWIH ZAN Programme hetiang hi a ni e.............

Chairman : Tv R.Lalramliana, Asst. Secretary

Trio : Tv C.Lalpekmawia, 

Tv F.Lalramliana, 

Tv Lalramnghaka

Classic Group : Convener - Pu Raldokhuma

Gift Exchange - Rs 50 man aia hniam lo nise.

Buaipuitu : Pu K.Lalbiakhlira, Asst. Leader

Special Report : Pu B.Rosangzuala, Secretary

Award sem : 1) Pu R.Zoramliana

        2) Pu K.Lianthanga

        3) Nl Lalengkimi

Buaipuitute hian Category hrang hrang an lo siam ang a, lawmman pawh sum enkawltute nen an lo ngaihtuah ang.

Special Item - Special Group atangin

Buaipuitu : Pu C.Lalawmpuia, Spl. Gr. Leader

Heng Item bakah hian hemi zana Item nei thei turte in report tur a ni ang. Dt. 20.12.2011 tlaiah hian Branch Committee member te Hall chei leh thutthleng rem felin hnatlan tur a ni e.

Gift Exchange : Kan Branch hian Gift Exchange hi kan ti ta zeuh zeuh a, rual taka kan in hrut theih nan a man te kan bithliah thin. Dinhmun a inchen loh avangin aman bithliah ang hian kal thei hram hram ila. Then khat te hi chu kan neih loh vang pawh ni lovin kan ngaihsak lo hrim hrim a, kal pahin RUM PUM te kan lei a, a ngaihsak lohthlak leh lutuk a, uluk em em a, a man bithliah chin a zawng hram hram te rilru a na thin. Chuvangin he hunah hian kan thian te hnenah a tha ber hlan i tum theuh ang u. Amaherawh chu Gift tur nei lo te inthlahrun chuan loh tur a ni a, Gift Exchange hi he hun kan hman chhan tur a ni lo tih i hre bawk ang u.

---------------------------------------------------

CHAW EI KHAWM

Nimin khan Special Group te an Convener Pu Raldokhuma te inah chawhlui an kilho a. An sawm angin Branch O.B te’n an kilpui a, an hlim tlang hle.

---------------------------------------------------

NPSS LAM

Vawiin Sunday School hi Exam tur a ni a, tin, vawiinah vek hian NPSS Chawhmaah hian kalkim lawmman sem tur a ni a, Chawhnu lamah Chawhnu NPSS kalkim lawmman sem a ni bawk ang.

# Decoration Sub. Committee te chuan Biak In leh a vel an chei nalh tawh hle. A mawi tak tak a nia awww..

KOHHRAN HMEICHHIA KUMTAWP INKHAWM

Kohhran Hmeichhia Kumtawp Inkhawm Programme hetiang hi a ni e.

A hun : Dt. 27.12.2011 (Thawhleh zan)

Hruaitu : Pi K.Vanlalengi

Tantu : Pi Lalzuithangi

Lawmthu sawi tawngtai rual

Lawmman hrang hrang sem a ni anga, hetiangin.

i) Mimal Inkhawm kim

Semtu : Upa Chawngliana, Represent

ii) Group Inkhawm tha ber     iii) Bible Exam 1-3

iv) Cable Star Fee khawntute

v) Chhung Inkhawm nei tam ber Group

vi) 2011 chhunga Committee kal kimte

Report : Secretary leh Group tin Secretary

Kum tawp Inkhawm zanah hian Inkhawm zawng zawng te’n pen sem vek tur a ni a, 2012 Hruaitu thlanna neih ani ang.

---------------------------------------------------

MISSIONARY LA THAR

Synod Mission Baord (SMB) chuan kum 2012 atanga thawk tan turin contract Missionary 95 a la thar a, Waiting List-ah mi 25 a dah bawk. Contract Missionary lak tharte hi January 8, 2012 (Pathianni) chawhnu inkhawmah Chanmari Kohhran Biak Inah thlah tur an ni.

---------------------------------------------------

NAKUM 2012 SYNOD INKHAWMPUI

Nakkum (2012) Synod Inkhawmpui chu Chanmari Bial-in Chanmari Kohhran Biak Inah an thleng dawn a, Moderator turin Rev. Lalramliana Pachuau, tuna Presbyterian Church of India (PCI)-a Administrative Secretary hna thawk mek chu thlan lawk a ni a. Thlarau lam thupui atan “A ram leh a felna zawn hmasak” (Matthaia 6:33) hman a ni ang a, thuhriltu atan Rev. Dr. Chawnghmingliana, Lunglei chu ruat lawk a ni bawk.

---------------------------------------------------

NPSS SPORT/CAROL SERVICE A ROPUI

Nimin khan NPSS Sport chu neih a ni a, a ropui rep rep ngei mai. Group liah inthenin item hrang hrangah Intihsiakna neih a ni a, Beginner leh Primary te pawh an chanvo tur siamsak an ni bawk. Theihtawp chhuaha an inhruipawh te, an intlansiak te, Sweet vawr an inchuh te kha an len hun thleng pawhin an hrereng ngei ang le.

Tin, Zirtawp zanah pawh Carol Service hun hlimawm tak hman a ni bawk a, Synod lam atanga Programme an rawn duan bakah naupang hoin item an neih theih hrang hrang an entir a, an hmuhnawmin a ropui hle mai.

Sport Result hi vawiin Chawhnu Sunday School-ah puan a ni ang.

---------------------------------------------------

CHRISTMAS A HNAI TA E

Kan nghahhlelh Christmas hun chu Pathianni leh mai khi a ni ta e. Kan nghakhlel theuhin a rinawm a, mahse kan hman tum dan chu a inang lo leh hle awm e. Kohhran/K.T.P Prog. a hmangte an inchhir ngai lo. Tin, nuam taka hman tum hi an inchhir leh thin bawk. Christmas hlim takin hmang ang che....Pathian hrerengin, Amah tak ngei chibai buk ang che.

# Aw, hlimna Christmas, mitinte hlimna hun, lei leh vana malsawmna kei ni’n kan chan hi...Charles Dickens

# Eng nge Christmas chu? Hun liam hnu theihnghilh a, tun hun atana phurna leh hmalam hun atana beiseina min thlentu. Mi tin te’n duhsakna kan inhlan tawnna hun hi ava hlu em.- Agnes M.Pharo

# He Christmas hun aia pawimawh zawk thil pakhat a awm. Chu chu engtik lai pawha kan thinlunga Christmas hun kan hman hi a ni e. - Henry van Dyke

---------------------------------------------------